Memeyekɨ 14:21 - Kakaɨyari Niukieya

²¹ Hikɨ Muitsexi yu'itsɨ kaneutatsera haramara heima, Yawé 'eka kaneyenɨ'ani mɨkɨ tɨkarikɨ tau manatineika mieme karima kaniu'ekakaitɨni 'anari haramara kananutayepiere, ya'atayeutɨ heutanetɨ kanayewani, kwie wakitɨ kanahekɨare. Haa haramara kananutayepiere,

Memeyekɨ 14:21 ပူးပေါင်းရင်းမြစ်များ

Kitsariyaxi 63:12

yamɨtiuyuri yumamá mariwemekɨ Muitsexi tserieta mumienikɨ, kemɨ'ane haa manutayepi mana muyanikɨ, yuheyemekɨ matiwatɨ mayanikɨ?

Memeyekɨ 15:8

Xei 'iiyayarikɨ pepɨtiuyuri, haa manutayepierekɨ, hamewari kayuwatɨ pɨtiu'ui 'ixumeri hepaɨ pɨtiyuxexeiyakai, haa pɨkakuyuatɨkatei tetɨata paitɨ.

Nɨawari 66:6

Haramara 'akuwakime kanayeitɨani, teɨteri me'uhutɨ mana mekaniukɨne. Tepɨyutemamawieka hetsiena.

Kitsariyaxi 51:10

¿'Ekɨ pekatiuyuri haramara pemakawatsiɨxaxɨ, haramara 'amatiyewa? ¿Haramara tetɨata huye pemutawewi mana memɨkɨnekɨ pemɨwarutawikweitsitɨa?

Nɨawari 78:13

Haramara hixɨapa puhuyetaxɨ mana memukɨnekɨ, haa pɨti'ukai 'ixumeri hepaɨ peutiheitseriekai.

Nɨawari 74:13

'Ekɨ haramara pepukumanaxɨa 'atɨrɨkariyakɨ, haramaratsie memɨteye'uwa memɨmamariwawe wamu'ute peputitaraxɨ.

Nehemiyaxi 9:11

Wahɨxie haramara pepanutayepi, mepanukɨ 'ayewakikaku. Peru memɨwaruweiyakai haramara 'ameukatewatsie pepɨwareukaxɨri, tetexi wahepaɨ tetɨata paitɨ.

Kutsuhexi 4:23

Yawé xekakaɨyari, yaxeikɨa pɨtiuyuri Haramara Mɨxeta hetsie kemɨtiuyuri wakikɨa pɨwarawitɨtɨya.

Nɨawari 136:13

Kemɨ'ane Haramara Mɨxeta manutayepi, mɨkɨ hatsuaku pɨkatatsihayewa tatsinaki'erietɨ.

Memeyekɨ 14:16

'Ekɨta 'a'itsɨ keneutatsera haramara heima, haa kananutayepierimɨkɨ mana memukɨnekɨ 'ixaheritsixi 'ayewakikaku.

Kitsariyaxi 51:15

Ne Yawé nemɨhɨkɨkɨ 'akakaɨyari, ne haramara neputayuitɨwa, hamewarieya putixiuwarɨka, Yawé Naimekɨmɨtɨrɨkaɨye nekatinitewaka.

Kuwi 26:12

Xɨka mɨkɨ 'uta'ieni hai muyuawitsie pɨta'enitsitɨwa, Kakaɨyari yutɨrɨkariyakɨ haramara kaniutatakeni. Kemɨtimaiwekɨ Haxi kaniutaxiteni, yutɨrɨkariyakɨ kuu 'amupa haramara kiekame kaniutatsana.

Nɨ'ariekate 7:36

Mɨkɨri kaniwarayewitɨni 'inɨari tiuyurieka mamariwaweme tiuyurieka 'Ekipitu kwieyaritsie, Haramara Mɨxetatsie, makumawetsieta yatiyurienetɨ huta tewiyari wiyari.

Tsutɨarika 8:1

Merikɨtsɨ Kakaɨyari Nuhexi kanaye'erieni meta yeutari, tewaxi hamatɨana memɨyetekai kanuwatsie. 'Eka kaniuyuitɨani, waɨkawa tɨrɨkaɨyetɨ kaniuku'eka, 'ana haa kanitsutɨani 'etsiwa kawaximetɨ.

Memeyekɨ 7:19

Yawé Muitsexi mɨpaɨta katiniutahɨawe: «'Aruni mɨpaɨ ketineutahɨawi, yu'itsɨ ke'utikweni hapa keheitatsera 'Ekipitu miemetsie, naitɨ 'akite, hamuyehapane, meta haa mukamarike mukumane xuriya mayanikɨ. Xuriya puxɨaweni naitɨ kemɨyewa 'Ekipitu kwieyaritsie, kɨyexi tsiepaitɨ, tetexi tsiepaitɨ naitɨ».

Memeyekɨ 14:20

'ekipitutari wahɨxie tai puke 'ixaheritsixi wahekɨariwiyatɨ. Mɨkɨ tɨkaritsie mɨkɨ hai hipame wahetsiemieme pɨyɨriyatɨkai hipame wahetsiemiemeta pɨhekɨariyatɨkai, 'ayumieme mɨpaɨ ti'anekaku mepɨkayɨwawekai memuyuxeiyanikɨ.

Kutsuhexi 2:10

Tepɨtemarie Yawé Haramara Mɨxeta hixɨapa kemɨranuhuyetaxɨ xeme mana hayewakimetsie xemukɨnekɨ, 'Ekipitu xeheyekɨneka. Yaxeikɨatsiere tepɨtemarie te'aitamete kexemɨtewara'iwaxɨ 'amuxeutsixi Tsikuni meta 'Uhuki, Kurutani 'anutaɨye tau manatineika hepatsie.

Kutsuhexi 3:17

Hikɨ mawari wewiwamete tɨratu kakuniyari Yawé hetsiemieme memukweiximekai Kurutani hixɨapa mekaniwa'uni, mexi me'anukɨkakai 'ixaheritsixi 'ayewakikakɨ.

2 Te'aitamete 2:8

'Eriyaxi yu'ɨkari kananakuhurieni, hikɨ 'itakwikwieka, haa kaniuwani kɨmana. 'Ana haa kananutayepiere 'anutaɨye heutanetɨ, hikɨ mana mekaniukɨne yuhutatɨ wakikɨa.

Kitsariyaxi 23:11

Yawé haramaratsie yumamá kaneutatsera, meta te'aitamete kaniwarutiyɨyɨakitsitɨani, meta katiniuta'aita Kanani kiekariyari 'aixɨa mɨ'ane mɨka'unarienikɨ.

Kitsariyaxi 43:16

Yawé mɨpaɨ kanaineni, kemɨ'ane haramaratsie huye mutawewi, 'anuyeyɨkɨme mayeitɨa haramara 'uyuanekaku,

Kitsariyaxi 50:2

¿Titayari nemunuatsie xeime tɨma nekatiutaxei? ¿Titayari xewitɨ kanetiuta'ei nemɨxe'utahɨawixɨtsie? ¿Kamɨtsɨ nekatiyɨwe nemɨxe'utawikweitsitɨanikɨ? ¿Kamɨtsɨ netɨrɨkariya katiyɨwe mɨxe'uxɨna? 'Etsiwa ne neyutahaxɨatɨayu haramara kanakawaukeni, meta hatɨa makumawe nekanayeitɨwani, haa heuyewekakaku tsapari mekanitakukuweni hariyakɨ, meta mekanitipɨkeni.

Kitsariyaxi 63:13

¿Hakewari haramaratsie muwaranawitɨ, makumawetsie yeikame kawayutsie manaka hepaɨ, witsi'anekɨa muwarawitɨ memɨkahekaxɨri?

'Awakuki 3:8

¿Petiha'akai, Yawé, kepauka pemiwa hatɨate? ¿Petiha'akai haa mɨtɨrɨkawi hepaɨtsita? ¿Waɨkawa petiha'akai haramara hepaɨtsita 'ayumieme 'akawayutsixi wahetsie peranutiya, meta 'akaxetate kuyaxa miemete memɨtehayu'iwa wahetsie?

Kuwi 38:24

¿Ke'anetɨ huye pɨhɨkɨ hakewa xawatɨriya mɨtakɨkatsie, yatɨni hakewa 'eka tau manatineikatsie kwiepa mayeneika?

Nɨawari 148:8

tee meta merɨkariya, 'ɨwi meta haiwitɨri, 'eka mɨtɨrɨkaɨye meye'atɨwa 'aitsikaya,

Kitsariyaxi 44:27

Ne mɨpaɨ nekanaineni haramara mɨmariwe ke'akawani, meta haa mana meukayuyune ke'ukawaxɨani.