Memeyekɨ 14:13 - Kakaɨyari Niukieya

¹³ Muitsexi mɨpaɨ kaniutayɨni: —Xepɨkaheumamaka. Xeme kayuwatɨ xeketeneteni, hikɨ kwitɨwa xemunenierixɨ xepɨhɨkɨtɨni, Yawé wikweitsitɨarika kemɨrexeiya xehetsiemieme. Hikɨ mɨkɨ 'ekipitutari xemɨwaxeiya hatsuakuri tawarita xepɨkawaxeiya.

Memeyekɨ 14:13 ပူးပေါင်းရင်းမြစ်များ

2 Kemɨtiuyɨ 20:17

Peru xeme xepɨkaheyutakwini wahamatɨa. Matsi kayuwatɨ xeketene'uka xeikɨa, para xemɨnenierekɨ Yawé kemɨtixetawikweitsitɨani. Kura meta Kerutsareme kiekatari, xepɨkaheumamaka meta xepɨkaheuyuyexɨrɨwani. 'Uxa'a ximeri xekenayekɨni wahepa, karikɨ, ne Yawé xehamatɨa nekaniuyeikamɨkɨ”».

2 Kemɨtiuyɨ 20:15

Kahatsieri mɨpaɨ kaniutayɨni: «Xekeneu'enana, Kuratsie kiekatari meta Kerutsareme, meta yaxeikɨata keneu'ena ti'aitame. Yawé mɨpaɨ kanaineni: “Xepɨkaheumamaka. Xepɨkaheuyuyexɨrɨwani kepauka xemɨwaxeiya mɨkɨ kuyaxi memɨyumɨire, matsi xeme xepɨkayutakwini nepɨta nekaninetamiemɨkɨ.

Memeyekɨ 14:30

Mɨkɨ tukaritsie Yawé mɨpaɨ katiniwaruwikweitsitɨani 'ixaheritsixi 'ekipitutari mewakwikukaku. 'Ixaheritsixi 'ekipitutari wakaxarite mekaniuxeiya haramara tetsitapaitɨ metiheikame.

2 Te'aitamete 6:16

'Eritseu mɨpaɨ katinita'eiya: —Hawaikɨ pepɨkamaka. Memɨtatsinɨ'ɨ matsi mekaniyuwaɨkawani mɨkɨ 'etsimekaniyupaɨmeni.

Kitsariyaxi 35:4

mɨpaɨ xeketeniwarutahɨawi yu'iyaritsie memɨmama: «Xekenetɨrɨkawini, xepɨkamamaka Xekakaɨyari kaninuamɨkɨ, punuani mɨtiwarakapitɨanikɨ, tiwapitɨanike kahekɨakamekɨ kanixetawikweitsitɨamɨkɨ».

Hiwerika 3:26

'Aixɨa kani'aneni kayuwatɨ 'umatɨ mitakwewieka, Yawé mayenenikɨ tatsitawikweitsitɨanike.

'Utseyaxi 13:4

«Peru ne Yawé 'akakaɨyari nekanihɨkɨtɨni, 'Ekipitu paitɨ pe'uyeikakaku. 'Ayumieme tawarita xeime Kakaɨyari pepɨkahetimani ne xeikɨa, nixeime 'awikweitsitɨwame pepɨkakaxeiya ne xeikɨa.

'Awakuki 3:13

Pekanayeyani 'ateɨterima pewaxɨnake, pekanayeyani pemenayexei 'ahetsiemieme petawikweitsitɨanike. Ti'aitame pekaniutapɨna 'axateyuruwamete wanuiwari mɨhɨkɨtɨkai, maweme pekaniuhayewa 'ɨkateyatsie katsutɨme mu'uyatsie 'u'akame. Tepɨ'uxipieni

Kitsariyaxi 43:11

Ne, Yawé nekanihɨkɨtɨni, tawarita xewitɨ tiyuwikweitsitɨwame kaniumaweni.

Hutarieka 'inɨari 20:3

Mɨpaɨ katiniwatahɨawimɨkɨ: “Xekeneu'enana 'ixaheritsixi. Hikɨ 'ari xekaneutahaxɨakuni memɨxe'aye'unie xemuwatakwinikɨ. Xepɨka'ukununuwani xepɨkawamakaxeni, xepɨkayu'eirieka meta wahɨxie xepɨka'utimamaweni,

'Inɨatsie 14:9

'Ayumieme Yawé hɨxie 'axaxepɨkateyu'eniwani meta mana teɨteri memetama xepɨkawareumakaxeni. Tixaɨtɨri mepɨkatehɨkɨ, yuhetsie nunuwame mepɨkahexeiya, tame Yawé kataniparewimɨkɨ. 'Ayumieme xepɨkawareumakaka.

Tsutɨarika 49:18

»Yawé 'aku 'awikweitsitɨarika nepɨtakwewie.

Keremiyaxi 3:23

Yurikɨ hɨritsie ketemɨteyuriekai pɨtikwamanarika, meta yemuritsie kemɨtiutatɨrarɨka pɨti'itarika. Yurikɨ Yawé takakaɨyari hetsie 'Ixaheri wikweitsitɨarikaya puxuawe.

Nehemiyaxi 9:9

»'Ekipitu tatewarima wa'uximatɨarika pepu'eni, Haramara Mɨxeta 'aurie kememɨteyuhiweriekai pepuwaru'eni.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

Nɨawari 3:8

Yawé, wikweitsitɨarika pɨti'apiini, 'aixɨa ketineuyuri 'ateɨterima wahetsɨa.

Kitsariyaxi 26:3

'Aixɨa 'anemekɨ 'amuyeika pepipitɨani kayuwatɨ hexeiyatɨ 'amuyeikanikɨ, 'ahetsie yuri mɨti'eriekɨ.

Mateu 28:5

Hikɨ niuki tuayame mɨpaɨ katiniwarutahɨawe 'ukari: —Xepɨkamamaka, ne mɨpaɨ nepɨtimate Ketsutsi xepɨkuwautɨwe, kuruxitsie mumierie.

Kitsariyaxi 30:15

'Ayumieme mɨpaɨ kanaineni Yawé naimekɨmɨyɨwe, 'Ixaheri hetsie Mɨpatsie: «Xɨka xete'uhayewa meta kayuwatɨ xehexeiyatɨ xe'akɨne, xekanitawikweitsitɨariekuni, 'aixɨa 'iyari xe'u'uwatɨ meta yuri xete'erietɨ xekanitɨrɨkariyariekuni, peru xeme mɨpaɨ xemɨtehetimani xepɨkayuwaɨriya.

1 Kemɨtiuyɨ 11:14

'Eriyatsaxi meta Rawiri tsewara mayema mekaniyuhayewa waheima mekaniutanuani piritsiteutsixi mekaniwarukwini. 'Ana Yawé kaniwarupitɨani memɨtehayu'iwakɨ.

'Awakuki 3:8

¿Petiha'akai, Yawé, kepauka pemiwa hatɨate? ¿Petiha'akai haa mɨtɨrɨkawi hepaɨtsita? ¿Waɨkawa petiha'akai haramara hepaɨtsita 'ayumieme 'akawayutsixi wahetsie peranutiya, meta 'akaxetate kuyaxa miemete memɨtehayu'iwa wahetsie?

'Utseyaxi 13:9

»'Ixaheri nepɨmatsika'una, kemɨ'ane mɨmatsiparewie pemaye'uniekɨ.

Tsutɨarika 46:3

Kakaɨyari mɨpaɨ katinitahɨawe: —Ne Kakaɨyari nepɨhɨkɨ, 'apaapa Kakaɨyarieya. Pepɨkaheumaka 'Ekipitu pemɨyemiekɨ. Matsi ne yumɨireme nepɨxe'ayeitɨani, mana xehekutekaku.

Memeyekɨ 20:20

Muitsexi mɨpaɨ katiniwarutahɨawe: —Xepɨkamamaka, Kakaɨyari kaninuani xeta'inɨatake, xe'eyemakatɨ, 'axaxemɨkateyuriekakɨ.

1 Tsamuheri 11:13

Tsahuri mɨpaɨ kaniutayɨni: —Xewitɨ pɨkamierieni hikɨ. 'Ikɨ tukaritsie Yawé 'Ixaheri puxɨnaxɨ.

1 Tsamuheri 12:16

»Hikɨta xekeneneu'eni, xekeneunenieri yeme hikɨ Yawé mariwemekɨ kemɨtiyurieni.

Kitsariyaxi 7:4

Mɨpaɨ ketinetahɨawi meyɨ'ɨwiyanikɨ, meta kayuwatɨ meyeikanikɨ, pɨkamaka Xetsini Tsiriyu tewiyari mɨha'akɨ, meta Xemariyaxi nu'aya hɨxie pɨkamaka, mɨkɨ wahekɨ pɨkayu'iyaritɨaka huta kɨyexiyari manukɨtsiyatɨkakɨ.

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Nɨawari 68:21

Kakaɨyari kemɨ'ane memaye'unie mɨkɨ wamu'u pɨtipɨna, wakɨpate witsimɨ'anene 'axameteyurietɨ memu'uwa.

Nɨawari 78:53

tiwa'ɨkitɨatɨ hetsiena memɨtewiyanikɨ memɨkaheumamakakɨ. Peru memɨwaraye'uniekai haramarakɨ kaniwaranukanani.

Nɨawari 91:8

Yurikɨ pekaninierimɨkɨ, pekaniwaxeiyamɨkɨ Kakaɨyari memɨka'ayexeiya kepauka memɨte'akapitɨarieni.

'Utseyaxi 1:7

Matsi pɨta wahetsiemieme nekaniwatinenimayatamɨkɨ Kura nuiwarimama meta nekaniwatawikweitsitɨamɨkɨ, peru 'ɨrɨkɨ, 'ixiparakɨ, kuyaxakɨ meta kawayutsixi wahetsie me'anatetɨkaitɨ pɨkatiyɨni, matsi pɨta Yawé xekakaɨyari tɨrɨkariyayakɨ pɨtiyɨni».