Memeyekɨ 14:11 - Kakaɨyari Niukieya

¹¹ Hikɨ mɨpaɨ Muitsexi mekateniutatieni: —Kamɨtsɨ karexɨawekai 'Ekipitu kwie temekateukienikɨ, ¿titayari petareyewitɨ 'enapaitɨ makumawetsie temɨkwinikɨ? ¿Kehapaɨtɨtɨ pepɨtatsiyuriene?

Memeyekɨ 14:11 ပူးပေါင်းရင်းမြစ်များ

'Inɨatsie 11:15

Xɨka mɨpaɨ petiyurienemɨkɨ, ne nepɨmatsiwawirie netukari pemɨnetsi nawairienikɨ. Mɨpaɨ nepɨratɨmaiya hikɨ kenemɨtiuka'eniwa.

'Inɨatsie 11:1

Tawera metitetɨ 'ixaheritsixi 'axamekaniutiyuanekaitɨni Yawé hepaɨtsita mete'uka'eniwatɨ. Mɨkɨ waru'enieka waɨkawa kaniuyeha'ani, taikɨ wawarita mematiteitsie katinaxɨtsitɨatɨyani.

'Inɨatsie 16:41

'Uxa'ariekata, yunaitɨ 'ixaheritsixi Muitsexi meta 'Aruni mekaniwarutiniukimatɨkɨne mɨpaɨ me'utiyuatɨ: —Xeme Yawé teɨterimama xekaniwarukwini.

Memeyekɨ 5:22

Muitsexi Yawé mɨpaɨ katiniutahɨawe: —Neuxei, Yawé, ¿titayari 'ikɨ kiekari 'axapetiyuriene? ¿Mɨpaɨ mɨti'anenikɨ penereyenɨ'a?

Tsutɨarika 43:6

'Ixaheri mɨpaɨ katiniwarutahɨawe: —¿Titayari mɨpaɨ xeteheitahɨawixɨ mɨkɨ tewi, kename yu'iwa xeime xehexeiya? 'Uximatɨarika waɨkawa xepɨnetsiwiwirie.

Memeyekɨ 5:21

mɨpaɨ mekateniwarutahɨawe: «Yawé kexeheutixeiyaxɨani kexehanutaxɨrieni. Xeme ya'ane xeheutiwiwiexɨaku 'axatepu'ɨatɨka Parahuni hɨxie yaxeikɨa memɨte'i'uximayatsirie wahɨxie, xeme xekateniuyurieni 'ixipara xemɨwarukweitɨa memɨtatsikwinikɨ».

Memeyekɨ 13:17

Kepauka Parahuni mɨwarupitɨa memɨyehukɨ 'ixaheritsixi, Kakaɨyari pɨkawarewitɨ piritsiteutsixi wakwietsie, mana matsi pehurakai, mɨpaɨ pɨtiu'eri: «Xɨka mehetakwi'iwa mepetimamani mepeyuti'iyaritɨani 'Ekipitu mepakunuaxɨani yu'utɨma».

Memeyekɨ 32:1

Merikɨtsɨ Muitsexi 'ekatineutewikaitɨni kanuawetɨ Tsinahi hɨriyaritsie heyeikatɨ, hikɨ 'Aruni hɨxie 'ixaheritsixi me'u'axɨaka mɨpaɨ mekatenitahɨawe: —Peuyewetse kakaɨyarixi pemɨtatsitiwewirieni memɨtatsi'uwitɨximenikɨ, Muitsexi 'Ekipitu mɨtatsi'ayewitɨ, 'atsitepɨkatemate kemeyɨ kemɨreyɨnixɨ.

'Inɨatsie 14:22

tsepanetɨ nexawatɨriya memuxei meta mamariwawemekɨ kenemɨtiuyuri 'Ekipitu meta makumawetsie, 'iya kemɨ'ane yuri memɨkaneteheta'eriri, mɨixamexɨa memɨnetsiheta'inɨataxɨ