Memeyekɨ 14:10 - Kakaɨyari Niukieya

¹⁰ Parahuni kanaye'aximekaitɨni. Kepauka 'ixaheritsixi memɨyu'ɨwiyaxɨ 'ekipitutari mepɨwaruxei 'ari hura me'ahukame, hikɨ waɨkawa mekaniutimamani, Yawé mekaniutahɨawe.

Memeyekɨ 14:10 ပူးပေါင်းရင်းမြစ်များ

Nɨawari 107:6

Yawé mekaniutahiwieni me'utitsuatɨ mete'uka'eniwatɨ, hikɨ mɨkɨ mete'uka'eniwakaku kaniwaruxɨna.

Nɨawari 34:17

Wahetsie mɨkarahɨiwa Yawé mekanahɨaweni, mɨkɨta kaniwa'enieka, kememɨte'uximatɨarie naimekɨ kaniwaparewieka.

Nehemiyaxi 9:9

»'Ekipitu tatewarima wa'uximatɨarika pepu'eni, Haramara Mɨxeta 'aurie kememɨteyuhiweriekai pepuwaru'eni.

Kutsuhexi 24:7

Xetutsima Yawé mekaniutahɨawe karima, mɨkɨ yɨriya punetɨa wahɨxie memɨkaxexeiyanikɨ, mɨkɨ haramara waheima kaniuyeurieni kaniwaranukanani. Xeme xemunenierixɨ xekanihɨkɨtɨni 'ekipitutari kenemɨwaruyuri. Mɨya tiɨyɨku xetutsima muixa wiyari mana mekaniu'uwakaitɨni makumawetsie.

Nɨawari 106:44

Kepauka Kakaɨyari mɨwaruxei meyuhiweriekame, meta kepauka mi'eni wa'aiwari hiwariyari,

Nɨawari 53:5

Mekaniwamariutani xeikɨa, kepauka mɨkaheuyewetse memɨmamakakɨ. Kemɨ'ane memɨmetsi'aye'uniekai wa'umete Kakaɨyari kaniutaxɨrieni, 'ekɨ pekaniwatewiyatsitɨamɨkɨ, Kakaɨyari mɨwarayexɨrikɨ xeikɨa.

2 Kemɨtiuyɨ 18:31

Kepauka kuyaxi kaxeta memuhapana tewa'aitɨwamete Kutsapati memuxei, mɨpaɨ mekateniu'erieni: «'Ikɨ 'Ixaheri kwieyaritsie ti'aitame pɨyɨane». Hikɨ mekanenukuweiya me'itamienike, peru Kutsapati kaniutahiwa, meta Yawé Kakaɨyari kaniparewieni, yakatiniuyurieni memɨka'itamienikɨ.

1 Wani 4:18

Xɨka tiyukanaki'erieka marika pɨkaxɨawe. Naki'eriya 'aixɨa mɨ'ane marika payeweweiya. Kemɨ'ane mɨma kani'uximatɨarieka, kemɨ'ane mɨma pɨka'aye'awe tiyukanaki'erietɨ.

Keremiyaxi 22:23

'Ekɨ Riwanu tsata pemayeka, kariuxatsata 'a'itɨa pemutawewi, kepetitsuani kepauka 'akukuiniya munuani, niweyame kukuiniyaya hepaɨ».

Kitsariyaxi 26:16

Yawé, 'uximatɨarikatsata mepɨmatsi'utiwau, nenewierikɨ 'etsiwa xeikɨa me'eniɨriɨkɨtɨ kepauka 'ekɨ pemɨtiwaruka'enitsitɨatsie.

Kitsariyaxi 7:2

Rawiri paratsiyuyata niuki kaniuye'ani kename Tsiriya 'Epɨrahini hamatɨa meheyutinɨkai, 'Akatsi 'iyarieya kaniwatayuani meta teɨterimama mekaniutimamani, 'ɨtsita kɨyexite 'ekakɨ kemɨtiutiyuatɨka hepaɨ.

Nɨawari 107:28

Waɨkawa meyuhiwerietɨ Yawé mekaniutahiwieni me'utitsuatɨ, hikɨ mɨkɨ kememɨte'uka'eniwakaikɨ kaniwarutawikweitsitɨani.

Nɨawari 107:19

Meyuhiwerietɨ Yawé mekaniutahiwieni, hikɨ mɨkɨ kememɨte'uka'eniwakaikɨ pɨwarutawikweitsitɨa.

Nɨawari 107:13

Meyuhiwerietɨ Yawé mekaniutahiwieni, hikɨ mɨkɨ kememɨte'uka'eniwakai pɨwarutawikweitsitɨa.

Memeyekɨ 15:25

Muitsexi Yawé kaniutawawirieni, mɨkɨ pixeitsitɨa kɨye yatewime, mɨkɨ Muitsexi hapa kaneikahɨani, yapauka haa 'aixɨa ha'anetɨ kanayani. Mana Yawé kaniwaruta'inɨata, kaniwarupitɨani 'inɨari niukiyari kememɨtekahuni.

Hutarieka 'inɨari 9:7

»'Ikɨ xekena'eriwani, meta xepɨkatehatɨtɨmaiyani makumawetsie Yawé kexemɨte'iyehaxɨatɨa, kepauka 'Ekipitu xemayekɨtsie paitɨ 'ena xemɨye'axɨatsie Yawé xepɨkaheu'enie.

Nɨawari 81:7

Pe'uximatɨarietɨ pemɨnetsi'utahɨawixɨ, nekameniɨxɨna, nene'awietatɨ hai mɨmariwetsie nekameniuta'eiya, Meriwa hayaritsie nekameniuta'inɨata.

Memeyekɨ 13:17

Kepauka Parahuni mɨwarupitɨa memɨyehukɨ 'ixaheritsixi, Kakaɨyari pɨkawarewitɨ piritsiteutsixi wakwietsie, mana matsi pehurakai, mɨpaɨ pɨtiu'eri: «Xɨka mehetakwi'iwa mepetimamani mepeyuti'iyaritɨani 'Ekipitu mepakunuaxɨani yu'utɨma».

Kutsuhexi 24:6

Kepauka nemɨwarayewitɨ xetutsima, xekaniu'axɨani Haramara Mɨxeta manuyeka, 'ekipitutari mekanixe'uweiyakaitɨni yukaxetate kuyaxa miemetetsie meta yukawayutsixi wahetsie me'utetɨ.