Memeyekɨ 13:18 - Kakaɨyari Niukieya

¹⁸ 'Ayumieme pɨwarewitɨ makumawetsie 'ateewapai watatunitsitɨanike, mekanekɨne Haramara Mɨxeta hepatsie. 'Ixaheritsixi mekanayekɨne 'Ekipitu memeuyukwiyuni hepaɨ meteheuku'utɨ.

Memeyekɨ 13:18 ပူးပေါင်းရင်းမြစ်များ

Hutarieka 'inɨari 32:10

Xeme pɨxe'ukaxei kwie makumawetsie, yuxaɨtame xepu'uwakai. Pɨxe'utinenimayataxɨ pɨxe'uta'ɨwiyaxɨ, pɨxe'ɨwikai yuhɨxite hepaɨ,

Memeyekɨ 14:2

«'Ixaheritsixi mɨpaɨ ketiniwarutahɨawi meke'ukunuaxɨani Pi-'Akiruti hɨxie mekekuyaxe, Mikiruri meta haramara wahixɨapa. Haramara tetsita mekekuyaxe, Wahari-Tsepuni hɨxie.

Memeyekɨ 12:51

Kwitɨwa mɨkɨ tukaritsie Yawé pɨwarayewitɨ 'ixaheritsixi 'Ekipitu kwieyaritsie, meyumɨireme.

Nɨawari 107:7

Huye mɨheitserie 'utɨma kaniwarewitɨni, 'atsita kiekaritsie kaniwaye'atɨani.

Kutsuhexi 1:14

Xe'ɨitama xeniwema xetewama mana mekaniu'uwakuni Muitsexi mɨxeyetuiritsie Kurutani 'aurie. Peru xeme kuyaxi 'ukitsi xekananukɨnikuni xe'anuyetetɨ yu'iwama wahɨxie. Xekaniwaparewikuni

Hutarieka 'inɨari 17:16

»Mɨkɨ ti'aitame yumɨireme kawayutsixi mɨwananeka pɨkayɨweni, meta teɨteri pɨkawapitɨaka 'Ekipitu memeuhunikɨ waɨkawa kawayutsixi mewarexeiyatɨ memakɨnekɨ, karikɨ Yawé mɨpaɨ katinixe'utahɨawe: “Tawariri mɨkɨ huyeta xepɨkaheuhuni”.

Kutsuhexi 4:12

Mɨkɨ 'ixaheritsixi wahamatɨa mekanaye'ukaitɨni kuyaxi Xuweni nuiwarimama, Kahari nuiwarimama, Manatsexi nuiwarimama hixɨata me'atɨ, Muitsexi kemɨtiu'aitakai.

Kutsuhexi 4:13

Huta tewiyari miriyari (40.000) kuyaxi mekaniuyuka'uitɨani Yawé hɨxie, makuweritsie me'eerietɨ Keriku hepatsie meyutakwinike.

Nɨawari 136:16

Kemɨ'ane makumawetsie yuteɨterima muwaruyewitɨtɨya, mɨkɨ hatsuaku pɨkatatsihayewa tatsinaki'erietɨ.

Tsutɨarika 50:25

Hikɨ Kutse mɨpaɨ katiniwaruhɨritɨani yuniwema: «Kaniyuritɨni Kakaɨyari kanixeparewimɨkɨ. Kepauka mɨpaɨ mɨtiyɨni 'ana ne'umeyarite xekananutɨkuni».

Memeyekɨ 14:9

Yunaitɨ Parahuni kuyaximama mekaniwaranukuweiya, kawayutsixi wahetsie me'utetɨ, kaxetate kuyaxa miemete mewaruhapatɨ, hikɨ 'ixaheritsixi mekaniwaranuku'axe haramara tetsita paitɨ mekaniwarutaxeiya, hehurakaku Pi-'Akiruti meta Wahari-Tsepuni hɨxie.

Nɨawari 68:8

kwie kaniutayuani, meta muyuawitsie waɨkawa wiyeri kanakaneni, Kakaɨyari hɨxie, Tsinahi mieme Kakaɨyari. Kakaɨyari hɨxie, 'ixaheritsixi wakakaɨyari.