Memeyekɨ 12:3 - Kakaɨyari Niukieya

³ Yunaime 'ixaheritsixi wahamatɨa xeketenetixata, mɨpaɨ xeketeniwaretahɨawi 'ikɨ metseriyaritsie tamamata tukariyaritsie yunaitɨ xeinuiwari memukutetɨkatsie yuxexuime muxatsi mepɨwakwini.

Memeyekɨ 12:3 ပူးပေါင်းရင်းမြစ်များ

1 Kurinitutari 5:7

Xekeneuyu'iti tikuxanariyame mɨye'i mumawenikɨ, tɨxi mɨhekwa xemakɨnekɨ, paa mɨkakuxanariyarietɨka, hikɨ kexemɨ'anene. Karikɨ Kɨritsitu, muxa patsikwa mawariyari 'ari kaniumierieni tahetsiemieme.

Wani 1:29

Merikɨtsɨ 'uxa'arieka Wani kanixeiya Ketsutsi 'a'amiekame hepana, mɨpaɨ kaniutayɨni: «Kamɨ muxa nunutsi Kakaɨyari hetsɨa mieme, kwiepa memɨtama tita 'axamemɨteyurie kaniwakunawairiwani mɨkɨ.

Mawari 5:6

meta peuyewetse Yawé mawari mɨwewirienikɨ hetsiena mɨtiuhɨiwa mawariyari xeime muxa 'ukatɨme yatɨni kapɨra 'axakemɨtiuyurikɨ. Mɨpaɨ mawari wewiwame 'itiya pɨtiwewieni 'axamɨtiuyurikɨ.

Mawari 1:2

yunaime 'ixaheritsixi mɨpaɨ mɨtiwatahɨawekɨ: «Kepauka xeme xewitɨ 'imikieri mawariyari mɨyetuani Yawé hetsiemieme, wakaxi yatɨni muxa pɨhɨkɨtɨni.

Wani 12:12

Merikɨtsɨ 'uxa'arieka yumɨiretɨ teɨteri 'ixɨaramete mekaniu'enanani kename Ketsutsi 'uhamiekai Kerutsareme.

Wani 1:36

'Ixeiyaka Ketsutsi mana 'uyemiekaku, mɨpaɨ kaniutayɨni: —Kamɨ muxa nunutsi Kakaɨyari hetsɨa mieme.

2 Kemɨtiuyɨ 35:7

Hikɨ Kutsiyaxi yutewama, teɨteri mana memu'uwakai kaniwarumini xeitewiyari heimana tamamata muxatsi meta tsipuri, meta haika miriyari tuurutsixi, mɨkɨkɨ Patsikwa 'ixɨarariyari memɨwewienikɨ.

'Inɨatsie 15:11

Yuxexuitɨ wamawarikayari tsikeru, muxa 'uki, muxa temaikɨ, meta tsipu, yapɨtikuwewiwani kemɨre'inɨari.

Memeyekɨ 12:6

Mɨkɨ mepɨwa'ɨwiyani, tamamata heimana nauka tukari 'ikɨ metseriyaritsie, mɨkɨ tukaritsie mepɨwatimawa 'ixaheritsixi taikai kuyɨreyu.

Memeyekɨ 6:6

'Ayumieme kenemie mɨpaɨ ketiniwaretahɨawi 'ixaheritsixi: “Ne Yawé nepɨhɨkɨ, ne nepɨxexɨna 'ekipitutari kememɨtexe'uximatɨa, ne nepɨxexɨna kexemɨte'uximayatamete, ne nepɨxexɨna waɨkawa 'inɨari newewietɨ meta mamariwawemekɨ 'aixɨa nepɨtiyurieni.

Memeyekɨ 4:30

'Aruni naime katiniwarutaxatɨakaitɨni Muitsexi Yawé kemɨrehɨawekai, yunaime wahɨxie 'inɨari kaniuwewieni,

Tsutɨarika 22:8

'Apɨrahami mɨpaɨ katinita'eiya: —Neniwe. Kakaɨyari kaniyɨweni mɨkɨ muxa kaneyetuamɨkɨ. Hikɨ mekaniuhukaitɨni.

Tsutɨarika 4:4

'Aweri kani'atɨanita Yawé hetsiemieme muxa 'aixɨa mɨ'ane matɨari mieme muwaiya mawari mayanikɨ, Yawé 'Aweri 'aixɨa katiniuxeiya meta mawarieya pinakixɨ,

Matsiɨkɨtɨ kemɨratɨa 13:8

Yunaitɨ kwiepa memɨtama nenewieri mekanipitɨakakuni, mɨkɨ xapatsie memɨka'aka'utɨarie tukari memexeiyanikɨ, Muxa mawari mayeitɨarie xapayatsie, kwie mutawewiyatsie paitɨ.

1 Tsamuheri 7:9

'Ayumieme Tsamuheri muxa nunutsi kaniuwiya, mawari taiyariyari kaneyeitɨani Yawé hetsiemieme. Hikɨ 'ana Yawé kaniutahɨawe 'ixaheritsixi wahetsiemieme, Yawé kanita'eiya.

Kutsuhexi 7:14

'Uxa'a ximeri nuiwarite yunaitɨ mepuyukuxeɨrieni. Ne kemɨ'ane nuiwari hetsie 'inɨari nemɨkahɨani yuniwema pɨwakuxeɨrieni, manata Yawé kemɨ'ane wahetsie 'inɨari mɨkahɨani yutɨɨriyama pɨwakuxeurieni, manata Yawé kemɨ'ane wahetsie 'inɨari mɨkahɨani, 'ukitsi puwakuxeɨrieni.

Memeyekɨ 20:19

Hikɨ Muitsexi mɨpaɨ mekateniutahɨawe: —'Ekɨ ketatinekuxaxatɨwani, tepɨmatsi'enieka. Xɨka Kakaɨyari tatiutaxatɨani xɨari tepɨkwini.

Memeyekɨ 14:15

Peru Yawé mɨpaɨ Muitsexi katiniutahɨawe: «¿Ketitayari ne penerahɨawe? 'Ixaheritsixi mɨpaɨ ketiniwarutahɨawi memayekɨnekɨ.

Wani 12:1

Hikɨ 'ataxewi tukari heuyewekaku Patsikwa maye'anikɨ, Ketsutsi Wetaniya kaninuani hakewa Ratsaru manukatei, Ketsutsi menukuketɨa mɨkite watsata.

Memeyekɨ 12:2

«'Ikɨ metseriyari xehetsiemieme mauyewetse yemekɨ pɨhɨkɨtɨni, 'ikɨ mexɨakame metseriyaritsie xeiwiyari 'aye'axekaku.

Memeyekɨ 12:4

Xɨka xeme hipatɨ xekayumɨireni xeime muxa xemitaxɨnikɨ xekayɨwaweniri, pɨyɨweni matsi mɨwarumini 'ahurawa kiekatari yu'iwama, me'itaxɨweme teɨteri kememɨyupaɨmeni yuxexuitɨ mekeheitatuixɨani me'itixɨwaweme.

Memeyekɨ 12:21

Hikɨ Muitsexi kaniwaruta'inieni yunaime 'ixaheritsixi wa'ukiyarima mɨpaɨ katiniwarutahɨawe: «Yapauka yukuraruta xekenehu muxatsi xekeniwaranuyehapani yutɨɨriyama wahetsiemieme, xekeniwarukuya Patsikwa 'ixɨarariyari xemɨwewienikɨ.

'Etsekieri 40:1

Xeitewiyari heimana 'auxɨwime wiyari panuyemiekai kepauka temehapanie, 'ana Yawé tɨrɨkariyaya nehetsie punua, kanenewitɨni Kerutsareme paitɨ. 'Ikɨ katiniuyɨni hekwame wiyaritsie 'itsutɨakaku, mexɨakame metseritsie tamamata tukaritsie, tamamata heimana nauka wiyari kananuyemiekaitɨni kepauka Kerutsareme mɨtitahatɨxɨtsie.