Memeyekɨ 12:21 - Kakaɨyari Niukieya

²¹ Hikɨ Muitsexi kaniwaruta'inieni yunaime 'ixaheritsixi wa'ukiyarima mɨpaɨ katiniwarutahɨawe: «Yapauka yukuraruta xekenehu muxatsi xekeniwaranuyehapani yutɨɨriyama wahetsiemieme, xekeniwarukuya Patsikwa 'ixɨarariyari xemɨwewienikɨ.

Memeyekɨ 12:21 ပူးပေါင်းရင်းမြစ်များ

Memeyekɨ 12:3

Yunaime 'ixaheritsixi wahamatɨa xeketenetixata, mɨpaɨ xeketeniwaretahɨawi 'ikɨ metseriyaritsie tamamata tukariyaritsie yunaitɨ xeinuiwari memukutetɨkatsie yuxexuime muxatsi mepɨwakwini.

'Etsitɨraxi 6:20

Mawari wewiwamete meta rewitsixi meyɨnɨtɨ 'aixɨa mekaniuyuyurieni, hikɨ me'uyu'itieka, Patsikwa 'ixɨarariyaritsie muxa 'etsimupe mekaniumieni, yunaime wahetsiemieme memu'axɨakai memehapaniekai, meta yu'iwama mawari wewiwamete wahetsiemieme meta yuhetsiemieme.

2 Te'aitamete 23:21

Hikɨ meta ti'aitame teɨteri mɨpaɨ katiniwaruta'aitɨani: —Patsikwa 'ixɨarariyari Yawé hetsiemieme xekeneuwewi takakaɨyari, kemɨre'uxa 'ikɨ tɨratu xapayaritsie.

Kutsuhexi 5:10

Mexɨakame metseritsie tamamata heimana nauka taikaiyaritsie, makuweritsie metitetɨ Keriku 'aurie, 'ixaheritsixi Patsikwa 'ixɨarariyari mekaniuwewieni.

'Inɨatsie 11:16

Yawé Muitsexi mɨpaɨ katiniuta'eiya: —'Ukirawetsixi 'ixaheritsixi haika tewiyari heimana tamamata kenene'atɨiri, mɨpaɨ ketinemaika yuteɨterima memɨwakuyuitɨwa xeikɨa mekaniyɨakakɨni. 'Ixuriki tukiyari manuwe keniwaranuwitɨki, mana 'etsiwa 'ahamatɨa yameketeheutewini.

Memeyekɨ 19:7

Hikɨ Muitsexi 'ukateka kaniwarukuxeɨrieni wa'ukiyarima naime tiwataxatɨanike Yawé kemɨrehɨawekai,

Memeyekɨ 17:5

Yawé mɨpaɨ katinita'aitɨani: —Keniwaranuwitɨki pe'anuyekaitɨ hipame 'ahamatɨa 'ixaheritsixi wa'ukiyarima, 'a'itsɨ kenakwetɨ kɨmana Niru hayari pemuwa. Kenemie,

Memeyekɨ 12:11

Mɨkɨ muxa mɨpaɨ xekatenikwaikuni: yukamixa xehanakatɨtɨkaitɨ hixɨapa xehayɨhɨatɨkaitɨ, yukakaitsie xe'u'utɨ, 'itsɨ xe'u'ɨtɨ meta mexɨima xekanitakwaikuni. 'Ikɨ Patsikwa Yawé hetsiemieme kanixatsiwani.

Memeyekɨ 3:16

'Ekɨ kenemie 'ukirawetsixi keniwarekuxeɨri 'ixaheritsixi, mɨpaɨ ketiniwaretahɨawi: “Yawé xe'ukiyarima wakakaɨyari 'Apɨrahami, 'Itsahaki, Kakuwu, peyuhekɨataxɨ nehɨxie mɨpaɨ pɨnerahɨawekai: ‘Ne nepɨxexeiya, nepɨniere kexemɨtenanaimarie mana 'Ekipitu kwieyaritsie.

1 Kurinitutari 10:4

yunaitɨ 'axeikɨa 'iyaritsie mieme mekaniharekaitɨni. 'Iyaritsie mieme tete mɨwaruweiyakai, mɨkɨ kaniwaharitɨakaitɨni. Mɨkɨ tete Kɨritsitu kanihɨkɨtɨkaitɨni.

Hepɨrayutsixi 11:28

Yuri mɨti'eriekaikɨ Patsikwa 'ixɨarariyari putsutɨa meta kitenie pu'ɨyaxɨa xuriyakɨ, kemɨ'ane wamatɨarima mɨwaka'unakai mɨkawamayɨanikɨ 'Ixaheritsixi wamatɨarima.

Memeyekɨ 12:20

Tixaɨtɨ tɨma xepɨkatekwaka tikuxanariyame mɨtinɨ'ɨ. Tsepa hakewa xeme'uwani, xepeitikwani paa kakuxanariyariekame».