Memeyekɨ 10:9 - Kakaɨyari Niukieya

⁹ Muitsexi mɨpaɨ kaniutayɨni: —Teyunaitɨ tekaniyehuni, temari meta 'ukirawetsixi tahetsɨamiemete yaxeikɨata mepɨtatsi'anuweiya 'ukitsi 'ukari taniwema, tatewamata muxatsi meta wakaitsixi, 'ixɨararitsɨ tekanewewikuni Yawé hetsiemieme.

Memeyekɨ 10:9 ပူးပေါင်းရင်းမြစ်များ

Memeyekɨ 5:1

Mɨpaɨ metewarutahɨaweka Muitsexi 'Aruni Parahuni hɨxie mekaniti'uni mɨpaɨ mekatenitahɨawe: —Mɨpaɨ paine Yawé 'ixaheritsixi takakaɨyari: “Keniwarupitɨa neteɨterima makumawetsie paitɨ memɨyehukɨ 'ixɨarari memɨwewienikɨ nehetsiemieme kemɨnetinake”.

Memeyekɨ 3:18

'Ukirawetsixi 'ixaheritsixi mepɨmatsi'anu'enieni, hikɨ mɨkɨ meta 'ekɨ ti'aitame hɨxie xepeti'uni mɨpaɨ xepetiyuani: “Yawé, hepɨrayutsixi takakaɨyari kanekuyeixɨani katatinekuxatɨani. Ketaneupitɨa temɨyehukɨ haika tukari te'uhutɨ mana Yawé takakaɨyari temɨteheitimawirienikɨ”.

'Epetsutari 6:4

Xemeta xemɨwapaapama xepɨkawahaxɨatɨaka yutɨɨriyama. Matsi xekeniwawaweriyani xewakuwayatɨ meta xetewa'ɨkitɨatɨ yamɨtikamienikɨ Ti'aitame hetsie tiwiyatɨ.

Ti'ɨkitame 12:1

Kemɨ'ane matsi'utawewi kena'eriwani, hikɨri pemɨtemaikɨ, mexinetɨ tukari 'axamɨ'ane ka'aye'awe, kepauka mɨpaɨ pemɨtayɨni: «Pɨkanetsinakeri 'anemuyeikanikɨ mɨixa wiyari»,

Temaiwawemete 3:9

Yawé kenayexeiyani tita pemɨrexeiyakɨ, meta matɨarimieme 'ikwaxi keneyetuirieka tita pemɨtiukaxexeiya.

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

'Inɨatsie 29:12

»Tamamata heimana 'auxɨwi tukaritsie 'atahuta metseriyari 'umiekaku 'ixɨarari patsiekamekɨ memuyukuxexeɨriwa pekaniwewimɨkɨ, 'ana xewitɨ pɨkati'uximayaka. 'Atahuta tukari 'ixɨarari patsiekamekɨ memukuxexeɨriwa pekaniwewiemɨkɨ Yawé minake.

Memeyekɨ 13:6

'Atahuta tukari xekanitikwaikuni paa kakuxanariyarietɨkaime, 'atahutariekatsie tukari 'ixɨarari Yawé hetsiemieme xepɨwewieni.

Memeyekɨ 5:3

Mɨkɨta mɨpaɨ mekaniutiyuani: —Hepɨrayutsixi wakakaɨyari 'upɨtatsihanakirɨme, 'ayumieme tame haika tukari tepuhuni makumawetsiepai, Yawé temɨtehetimawirienikɨ takakaɨyari. Xɨka mɨpaɨ tekate'uyurieni waɨkawa pɨtatiukwinitɨawe, tixaɨtɨ 'upɨranɨ'ani kwiniya yatɨni pɨtatsi'ukwiwe yu'ixiparakɨ.

Tsutɨarika 50:8

Yunaitɨ Kutse kie kiekatari, meta 'iwamama, meta paapaya kie kiekatari. Mekanekɨne, yutɨɨriyama xeikɨa mepɨwareku'eiri Kutseheni kwieyaritsie, yumuxatsima meta yuwakaitsixi.

Memeyekɨ 10:10

Parahuni mɨpaɨ kaniutayɨni: —Yawé xehamatɨa keheyeikani, xɨka nexe'upitɨani xemɨyehukɨ xe'ɨitama yunaime meta xeniwema. Puyuhekɨa heitseriemekɨ xepɨka'utiyuane.

Memeyekɨ 10:26

matsi tatewama tahamatɨa mekaniyehuni. Hawaikɨ xeikarutsayaritɨma pɨkayuhayewa. Tame mawari temewewienikɨ Yawé takakaɨyari hetsiemieme peuyewetse tatewama wahetsie temɨwaranayehapani, peru 'atsitepɨkatemate kemɨ'ane temɨwayurieni muwapaike teheta'axɨame.

Memeyekɨ 12:32

Xeketeniwara'arietɨ yumuxatsi meta yuwakaitsixi xemutiyuane hepaɨ, peru 'ariri xeiya xekeneuhuni, xɨka mɨpaɨ xe'uyɨni ne 'aixɨa nekani'itɨariemɨkɨ».

Memeyekɨ 12:37

'Ixaheritsixi Xamɨtsexi mekanayekɨne, Tsukuti hepa mekanekɨne. Meka'inɨaritɨ 'ukari meta tɨɨri, 'ataxewi tsienituyari miriyari (600.000) mekaniyupaɨmekaitɨni 'ukitsi yɨ'ɨkama memuhukai.

Memeyekɨ 12:38

Mɨkɨ meta wahamatɨa mekanayekɨne yuwaɨkawatɨ hipatɨ teɨteri meta yumɨiretɨ tewaxi, muxatsi meta wakaitsixi.