Memeyekɨ 10:6 - Kakaɨyari Niukieya

⁶ 'Akiita mekanitahɨnikuni, te'uximayatamete wahetsɨa meta yaxeikɨa 'ekipitutari yunaime wakiita. Waɨkawa pɨtiyɨni kememɨkatenieriwawekai xepaapama kepauka kiekari memukamatsie hikɨ 'ena matimietsie 'akuxi”». Mɨpaɨ 'utayɨka Muitsexi ta'aurie kanaweni, kaniwayeyani Parahuni mɨtiwa'aitatsie.

Memeyekɨ 10:6 ပူးပေါင်းရင်းမြစ်များ

Memeyekɨ 8:21

Xɨka pekawarupitɨani, yɨmɨireme nakatarixi nepɨwaranunɨ'ani 'ahetsie, meta 'ahetsɨa memɨte'uximaya, 'ateɨterima wahetsie meta 'akie. Naitɨ 'ekipitutari wakiita meta kwiepa memanu'uwa mepɨtihɨne nakatarixi.

Memeyekɨ 8:3

Niru hatɨayari mukwakeni hepaɨ temutsi wahekɨ puyɨneni, 'aparatsiyuta mepeutahaxɨani, pemuyehuputsie paitɨ meta 'a'itaritsie, yaxeikɨata 'ahetsɨa te'uximayatamete wakiita paitɨ, 'ateɨterima wakiita, 'ahuxunuta meta titɨxɨmete.

Hepɨrayutsixi 11:27

Yuri mɨti'eriekaikɨ 'Ekipitu kwieyaritsie kaneyeyani ka'imakatɨ kwiepa ti'aitame tsepa mɨha'akai. Pɨtiukanewiekai, kemɨ'ane Kakaɨyari mɨxeiya hepaɨ pɨyɨanekai, tsepa mɨkɨ mɨkaxeiyariewe hatsuaku.

Kuheri 2:2

Yɨriya tukariyari kanaye'amɨkɨ, hai tukariyari mɨyɨyɨxawi kanaye'amɨkɨ. Hekɨariya kemɨtiyuhekɨa kahekɨarirɨmetɨ kwiepa, mɨpaɨ katinimakatsiukɨni kiekari mɨmariwe mɨtɨrɨkaɨye, meripaitɨ hatsuaku kemɨkatiɨyɨ, nuiwarite 'umemahu wahetsiemiemeri hatsuaku yapɨkatiyɨni.

Memeyekɨ 11:8

Yunaitɨ mɨkɨ 'ahetsɨa te'uximayatamete mekanenanukuwaukuni, metitunuma'utɨ mɨpaɨ mepɨnetetatsuariwiya: ‘'Ari keneumieni, yunaime pewarawitɨtɨ keyupaɨmetɨ mematsi'aweiya.’ Kepauka mɨpaɨ mɨtiyɨni ne nekaniyemieni”». Hikɨ Mutsexi waɨkawa ha'atɨ kaniwayeyani Parahuni mɨtiwa'aitatsie, mɨpaɨ 'utaitɨ.

Memeyekɨ 11:6

Naitsarie 'Ekipitu kwieyaritsie hiwerika putixuawere, kemɨkatiyɨwekai pɨtiyɨni.

Memeyekɨ 10:11

Kemɨtixenake mɨpaɨ pɨkatiyɨni. Xɨka xeniu Yawé xehetahɨawikuni 'ukitsi xeikɨa xekenehu. Muitsexi 'Aruni hamatɨa mekaniwayexɨriyani Parahuni mɨtiwa'aitatsie.

Memeyekɨ 9:24

'Anari kaniukawiye teematɨ, kanikaxɨrɨwekaitɨni taimatɨ. Naitsarie 'Ekipitu kwieyaritsie hatsuaku mɨkareyɨwekai hepaɨ katiniuyɨni.

Kuheri 2:9

Kiekaritsie mekanitahakeni, kuraru heima mepeukamake, kiitetsie mepɨtimake, 'etsimeuyeyeutsie mepeuhake tenawayamete wahepaɨ.

Memeyekɨ 9:18

'Ayumieme 'uxa'a hikɨ hepaɨ 'upaukakaku, nekanenunɨ'amɨkɨ wiyeri teemakame mɨkatiyɨwekai hepaɨ hatsuaku 'Ekipitu mukamarixɨtsietɨtɨ.