Memeyekɨ 10:15 - Kakaɨyari Niukieya

¹⁵ Mepɨyumɨirekai tekɨmemete, kwiepa pɨka'akuhekɨakai mɨkɨ tinaime mekateniukuxɨxɨani, 'iteɨrite meta 'ikwaxite naime muhayewakai tee wiyeriyari, naitsarie 'Ekipitutsie tupiriyate tixaɨ mepɨkate'uhayewaxɨ.

Memeyekɨ 10:15 ပူးပေါင်းရင်းမြစ်များ

Memeyekɨ 10:5

Yuwaɨkawatɨ mepɨtixuawere kwie pɨkayuhekɨaka, mepɨtekuxɨxɨani 'etsiwa mutiyuhayewaxɨ tee 'uxɨrieku, tinaime mepɨtekakɨme kɨyexite.

Kuheri 2:25

«Ne nepɨtixekɨhɨwirieni kepaɨmexɨa wiyari xemɨteheuyehɨa naime, 'iya kuyaxi memɨyumɨire tekɨmemete wahekɨ kenemɨtiwarenɨ'a xehetsɨa: 'amemɨnene, meta yakɨmemɨnene, 'etsimemɨpepe meta kwimemɨpepe.

Nɨawari 78:46

kepauka 'utsikari wawaxata mɨwarenɨ'a, 'utsikari memuyuwaɨkawa wa'etsita memɨte'ukaxɨ,

Memeyekɨ 10:12

Merikɨte Yawé mɨpaɨ Muitsexi katiniutahɨawe: «'Amamá keneutatsera naitsarie 'Ekipitu, memɨ'axɨanikɨ 'utsikari naitsarie kwiepa mɨtixuawe memɨtekakɨmekɨ meta naime tee wiyeriyari mɨtiuhayewaxɨ».

'Amuxi 7:2

Kepaukari 'utsikari tupiriya kwiepa memukaxɨkai mɨpaɨ nekatiniuhiwa: ―Yawé nekakaɨyari, waɨkawa nepɨmatsiwawirie ketiniwareuyehɨwiri Kakuwu nuiwarimama. Pɨkayɨwe xɨari memukuwikweni, 'etsimekaniyupaɨmeni.

'Inɨatsie 22:5

'ayumieme Warami katiniutanɨ'airieni Wehuxi nu'aya, Petuxi paitɨ mukatei, 'Eupɨrata hatetsitayaritsie, 'amawitsixi wakwieyaritsie. Waraki mɨpaɨ mekateneinɨ'airieni: «Hipatɨ teɨteri mepu'axɨa 'Ekipitu mehanexɨaka, hikɨ naime kwie mepukunama, hikɨta ne'aurie mekaniu'axɨani.

Temaiwawemete 30:27

'utsikarita tiyu'aitɨwame memɨkahexeiya, matsi yaxeikɨata mɨkɨ mekateniukɨkani kuyaxi wahepaɨ,

Kuheri 1:4

'Utsikari 'amemɨnene tita memɨte'utatexi 'utsikari yakɨmemɨnene naime mekaniutikwani, meta 'utsikari yakɨmemɨnene tita memɨte'uhayewaxɨ 'utsikari 'etsimemɨpepe naime mekateniutikwani, 'utsikari 'etsimemɨpepe tita memɨte'uhayewakai 'utsikari kwimemɨpepe mekateniutikwani.