Memeyekɨ 1:7 - Kakaɨyari Niukieya

⁷ Peru matsi 'ixaheritsixi, waɨkawa tɨɨri mekaniwarayexeiyakaitɨni, yumɨiretɨ mekanakɨne metɨrɨkaɨyetɨ, mɨkɨ kwieyaritsie mekanakɨnɨximekaitɨni. Kiekari 'ayeutɨ kanayeiximekaitɨni.

Memeyekɨ 1:7 ပူးပေါင်းရင်းမြစ်များ

Tsutɨarika 46:3

Kakaɨyari mɨpaɨ katinitahɨawe: —Ne Kakaɨyari nepɨhɨkɨ, 'apaapa Kakaɨyarieya. Pepɨkaheumaka 'Ekipitu pemɨyemiekɨ. Matsi ne yumɨireme nepɨxe'ayeitɨani, mana xehekutekaku.

Hutarieka 'inɨari 26:5

Hikɨ mɨpaɨ xekanitiyuakuni Yawé yukakaɨyari hɨxie: “Nepaapa 'arameu tewiyari pɨhɨkɨtɨkai meta kuyeikame, kepauka 'Ekipitu munua 'etsimepuyupaɨmekai teɨterimama. Mana mekutetɨ mepuyutamɨiriyaxɨ nuiwari metɨrɨkaɨyetɨ mepakɨ.

Tsutɨarika 1:28

'Aixɨa kaniwaruyurieni mɨpaɨ 'utaitɨ: «Xekeneyuxiɨtɨaka xekeneyɨmɨiriyani, kwiepa xekenehɨneni xeketene'aitani. Xepɨhɨritɨarieni ketsɨte haramaratsie miemete, wikixi yunaime muyuawitsie miemete, yunaime memɨka'ukɨniwawe yuhukama memuku'uwa kwiepa».

Tsutɨarika 47:27

Hikɨ 'ixaheritsixi 'Ekipitu mekanitiyaxe Kutseheni mɨrakutewatsie. Mana waɨkawa metehexeiyatɨ mekanakɨne, waɨkawa mekaniutamɨire.

Tsutɨarika 35:11

Tawarita Kakaɨyari mɨpaɨ kaniutayɨni: «Ne Kakaɨyari Naimekɨmɨtɨrɨkaɨye nekanihɨkɨtɨni. Kenexiɨka kene'amɨiriyani. 'Ahetsie mepɨyekɨne yumɨiretɨ 'anuiwarima xeikɨa, manata te'aitamete mepɨtixuawere.

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

Tsutɨarika 9:1

Kakaɨyari Nuhexi 'aixɨa kaniuyurieni meta niwemama mɨpaɨ 'utaitɨ: «Xekeneyuxiɨtɨaka, xekeneyumɨiriyani kwiepa xekenehɨneni.

Nehemiyaxi 9:23

Waniwema pepɨwarutimɨiriyaxɨ xurawetsixi muyuawitsie miemete wahepaɨ, kwietsie pepɨwa'atɨa watewarima pemɨwaraxaxatɨwakaitsie.

Hutarieka 'inɨari 10:22

Mɨkɨ haika tewiyari heimana tamamata mekaniyupaɨmekaitɨni xetutsima kepauka 'Ekipitutsie memekɨ, hikɨri Yawé mɨ'akakaɨyari kwinimieme 'ateɨterima meyupaɨmeme kaniwarayeitɨani, xurawetsixi muyuawitsie memɨkayu'inɨatsinɨa wahepaɨ.

Tsutɨarika 48:4

mɨpaɨ 'utaitɨ: «Ne yanepɨtiyurieni waɨkawa tɨɨri pemɨwarayexeiyakɨ, pemɨtamɨirekɨ, 'anuiwaritsie yuwaɨkawatɨ nuiwarite mepayenexɨani. 'Ikɨ kwie yuheyemekɨ puwakwietɨni».

Tsutɨarika 17:16

Ne 'aixɨa nepiyurieni, nunutsi xeime nepɨxeyetuirieni. Waɨkawa 'aixɨa nepiyurieni, mɨkɨ yumɨireme nuiwarite wamaama payani, hetsiena mepɨyekɨne te'aitamete kiekaritsie memɨteta'aitaxɨani».

Nɨawari 105:24

Yawé yapɨtiuyuri memɨtamɨirekɨ teɨterimama yumɨireme pɨwarayeitɨa, memeye'uniekai matsi mepɨkayumɨirekai,

Tsutɨarika 28:14

Mɨkɨ yumɨiretɨ mepakɨne kwie tumuanariyari hepaɨ. 'Amepɨtayeure 'ayeta, 'atsutɨa, 'atserieta, 'a'utata meye'atɨkaitɨ meta yunaitɨ nuiwarite kwiepa memɨtama 'aixɨa mepɨ'itɨarieni 'ekɨ 'akɨmana meta 'anuiwarima».

Tsutɨarika 22:17

'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni.

Tsutɨarika 13:16

Ne yumɨireme nepɨwarayeitɨani 'anuiwarima tumuanari hepaɨ. Xewitɨ xɨka tumuanari 'inɨataweni, kaniyɨwemɨkɨta 'anuiwarima mɨwati'inɨatakɨ.

Tsutɨarika 1:20

Mɨpaɨ kaniutayɨni Kakaɨyari: «Yumɨiretɨ haapa meketeye'uwani, meketeheɨwɨtɨkani wikixi kwie heima muyuawi kemɨyewa».

Memeyekɨ 12:37

'Ixaheritsixi Xamɨtsexi mekanayekɨne, Tsukuti hepa mekanekɨne. Meka'inɨaritɨ 'ukari meta tɨɨri, 'ataxewi tsienituyari miriyari (600.000) mekaniyupaɨmekaitɨni 'ukitsi yɨ'ɨkama memuhukai.

Tsutɨarika 48:16

Niuki tuayame mɨnetsi'utawikweitsitɨa naime 'axamɨti'anetsie, 'aixɨa keniwayurieka 'ikɨ tɨɨri. 'Uxa'atɨni warie nepaxaxatsiwani, yaxeikɨata ne'ukiyarima 'Apɨrahami 'Itsahaki wahepaɨ. Xeke'utiwawere xeke'utaxiɨni 'ena kwiepa».

Tsutɨarika 26:4

Nepɨwatimɨiriya 'anuiwarima xurawetsixi wahepaɨ, 'ikɨ naime kwie nepɨxeyetuirieni, 'anuiwarima wahekɨ yunaitɨ nuiwarite kwiepa memɨtama 'aixɨa mepɨ'itɨarieka.

Tsutɨarika 15:5

Hikɨ Yawé kanenuyewitɨni takwa paitɨ, mana mɨpaɨ katinitahɨawe: —Muyuawitsie keneutinieri, keniwaruti'inɨata xurawetsixi, xɨka peyɨweni pemɨwaruti'inɨata. Mɨpaɨ mekaniyupaɨmekakuni 'anuiwarima.

Nɨ'ariekate 13:17

'Ikɨ 'Ixaheritsixi teɨteriyari wakakaɨyari kaniwaranuyeteɨxɨ tatutsima. Teɨteri wahetsiemieme 'aixɨa pɨtiuyuri kepauka ku'uwamete 'Ekipitu kwieyaritsie. Yɨtɨrɨkariyakɨ kaniwarayewitɨni mɨkɨ kwieyaritsie.

Tsutɨarika 26:22

'Itsahaki kaneyani 'aheteewakaku mana tawarita putsu kaniutawewieni, mɨkɨkɨ hɨrixɨa mepɨka'uyutikwi, 'ayumieme katiniterɨwa 'Amakuyewa, mɨpaɨ kaniutayɨni: «Hikɨ Yawé pɨtatsi'upitɨa 'ena temu'uwanikɨ».

Memeyekɨ 1:12

Peru matsi mɨyamewaruyurieku, matsi waɨkawa mekanixiɨkaitɨni mepɨtamɨirirɨmekai, hikɨ 'ekipitutsixi waɨkawa mekaniwarutimakani.

Memeyekɨ 5:5

Xekeneutimaixɨa mepɨyuwaɨkawa teɨteri 'ena 'Ekipitu, xemeta xekatewapitɨa memɨte'uximayaka.

Nɨawari 107:38

Kakaɨyari 'aixɨa kaniwaruyurieni, hikɨ mɨkɨ mekaniyutimɨire, meta yaxeikɨa watewama kaniwarutimɨiriya.

'Etsekieri 16:7

kenewereni kɨye yeutanaka hepaɨ. »”'Ekɨ pekaniutawere, 'apekaniutatere, 'uka pekanayani. 'Atsitsi kananexɨani, 'ahuxari kaniukaneni, peru neuxei pemawetɨ 'akuxi 'apepuyeikakai.