Memeyekɨ 1:17 - Kakaɨyari Niukieya

¹⁷ Peru 'ukarawetsixi teniweritsitɨwamete hepɨrayutsixi Kakaɨyari mekanayemakakaitɨni, 'ayumieme ti'aitame 'Ekipitu kiekame kemɨtiwarahɨawekai yamepɨkate'uyuri, 'ukitsi mekaniwaruhayewa me'ayeneniereme.

Memeyekɨ 1:17 ပူးပေါင်းရင်းမြစ်များ

Nɨ'ariekate 5:29

Pekuru meta nɨ'ariekate mɨpaɨ mekateniwaruta'eiya: —Peuyewetse matsi Kakaɨyari temɨ'eniekakɨ, keyuri teɨteri memɨtate'aitɨakakɨ.

Memeyekɨ 1:21

Kakaɨyari memayemakakaikɨ, kaniwarupitɨani tɨɨri waɨkawa memɨwarayexeiyakɨ.

Rukaxi 12:5

Nepɨtixetaxatɨani kemɨ'ane matsi xemɨmakarɨka: xekenemakarɨka kemɨ'ane, ramieme, heitserie mexeiya tai yamɨtita'atsie mɨreukahɨani. Huu, mɨpaɨ nepɨtixekɨhɨawe, mɨkɨ xekenemakarɨka.

Mateu 10:28

Xepɨkawamakarɨka mɨkɨ memɨyɨwawe wai memumieni xeikɨa, peru mepɨkayɨwawe 'iyari memumieni. Matsi xekenemakarɨka kemɨ'ane mɨyɨwe mika'una 'iyari meta waiyari naime tai yamɨtita'atsie.

Ti'ɨkitame 12:13

'Imatɨarieka 'ikɨ niuki naitɨ kaniu'enierieni. Kakaɨyari matsi kenayemakaxeni, yaketinekamieni 'aitsikayatsie, 'ikɨ naitɨ tewi hetsie kanimiemetɨni.

Tanieri 6:13

Mɨkɨ mɨpaɨ mekatenita'eiya: ―Tanieri, Kura kwieyaritsie meyehanie, 'Ekɨ ti'aitame tixaɨtɨ pɨkamarayeitɨwa meta kepemɨtiuta'aitaxɨ. Pɨkatihayewa yukakaɨyari nenewieri pitɨatɨ haikakɨa xeitukaritsie.

Temaiwawemete 16:6

Xeyunaki'erietɨ meta yuri xehaitɨkaitɨ xekateneuyuyehɨwiriekakuni, Yawé 'ayemakatɨ xeikɨa pɨyɨwe 'axamɨti'ane mɨnewienikɨ.

Ti'ɨkitame 8:12

'Axatiyuruwame kaniyɨweni xeitsienituyari paɨmexɨa 'axamɨtiuyurieni, meta mɨixa wiyari kaniuyeikamɨkɨ, matsi mɨpaɨta nekatinimaika, 'aixɨa katiniwayuriekamɨkɨ kemɨ'ane Kakaɨyari memayemakaxe mariweme me'ayeitɨatɨ.

Nɨawari 31:19

Pɨmariwe ke'aixɨa pemɨtiuka'iyari, witsipepɨtiwaxeiya kemɨ'ane memɨmatsi'ayemakaxe, teɨteri wahɨxie 'aixɨa pepɨwayurie kemɨ'ane 'ahetsɨa memuyu'awieta.

Tsutɨarika 42:18

Hikɨ hairieka tukaritsie mɨpaɨ katiniwarutahɨawe: —Ne tewi Kakaɨyari nemayemakaxe nepɨhɨkɨ, xemeta yaxeketeneuyuri kenemɨtixetahɨawe, xemɨyutawikweitsitɨanikɨ.

'Utseyaxi 5:11

'Epɨrahini 'axapɨtixeiyarie, memeye'unie xeikɨa mepitsaipɨna, memɨkayuri kakaɨyarixi mɨwaruweiyakɨ.

Temaiwawemete 8:13

Kemɨ'ane Yawé mayemakaxe, mɨkɨ 'axamɨti'ane pɨtixani'erie, ne muyuta'ɨrenikɨ nekani'uxieka meta nanaimarika, 'aixɨa 'anemekɨ mɨka'uyeika meta niuki 'axamanɨyɨtɨka.

Nehemiyaxi 5:15

Peru meripaitɨ memanuka'ukai 'ana mekaniwawiyakaitɨni waɨkawa teɨteri, tukarikɨ yameteniwawawiriekaitɨni 'ikwai meta winu huta tewiyari pɨrata tuminiyarikɨ raye'akame. Metatsiere tewa'uximayatsiriwamete teɨteri waɨriyarika meteniwa'aitɨakaitɨni. Ne hawaikɨ mɨpaɨ nepɨkatiuyuri Kakaɨyari nemakatɨ.

Mikeyaxi 6:16

'Ekɨ 'aixɨa 'anemekɨ 'Umiri 'aitsikaya pekaniuweiyani meta naime 'Akawi nuiwarimama kememɨteyurie, yapepɨtiuyeika 'ɨxatsieya kemutiyuane. 'Ayumieme pemɨka'unarienikɨ nekameniyetuamɨkɨ, meta 'ateɨterima nekaniwatewinɨamɨkɨ. Teɨteri 'axakemematekɨhɨaweni pepinewieka».

Tsutɨarika 20:11

hikɨ 'Apɨrahami mɨpaɨ katinita'eiya: —Ne mɨpaɨ nepɨtiku'eriwakai, xeme Kakaɨyari xeka'ayemakaxeme nepɨ'eriekai, xenetsimienike nepɨ'eriekai ne'ɨya hetsiemieme.

Memeyekɨ 1:18

Hikɨ 'Ekipitu kwieyaritsie ti'aitame, mɨkɨ 'ukarawetsixi teniweritsitɨwamete kaniwarutakwewieni, mɨpaɨ katiniwaruta'iwawiya: —¿Titayari mɨya xeteheyurie? ¿Titayari tɨɨri 'ukitsi xekatewatakukuya?

1 Tsamuheri 22:17

Merikɨte yapauka ti'aitame 'iparewiwamete memeweiyakai mɨpaɨ katiniwaruta'aitɨani: —Mawari wewiwamete Yawé hetsɨa miemete xekeniwarukuya, mɨkɨta Rawiri meputinɨi. Kemɨtiyu'unarɨmekai mepɨtemaikai, peru mɨpaɨ mepɨkanete'utahɨawixɨ. Peru ti'aitame parewiwamete mepɨka'uyuwaɨri mawari wewiwamete memɨwakwinikɨ.

2 Tsamuheri 24:4

Matsi ti'aitame kemainekai yakatiniuyɨni, Kuhawi meta kuyaxi tewa'aitɨwamete kememaitɨkatei yapɨkatiuyɨ, hikɨ mekanayekɨne 'ixaheritsixi kuyaxiyari mewaraka'utɨanike.

'Etsitexi 3:3

Hikɨ paratsiyuta memɨte'uximaya ti'aitame kitenie memɨhɨritɨariekai, Maxirukeyu mɨpaɨ mekateniuta'iwawiya: «¿Titayari ti'aitame kemaine yapekatikamie?»