Memeyekɨ 1:14 - Kakaɨyari Niukieya

¹⁴ Watukari waɨkawa mekaninanaimakaitɨni, waɨriyarika metewa'aitɨatɨ, kwie memɨhawiyanikɨ, xɨnariya wewiyarikɨ, naime mɨrati'etsiwatsie, tita 'uximayatsika mɨraniere, naime 'uximayatsikatsie 'ixaheritsixi memɨteha'uximayakai 'ekipitutari mewarutate'atɨ mekateniwa'aitɨakaitɨni.

Memeyekɨ 1:14 ပူးပေါင်းရင်းမြစ်များ

Nɨ'ariekate 7:19

Mɨkɨ kwiepa ti'aitame tateɨterima pɨtiwa'itaiyakai. Waɨriyarika pɨwarupitɨa tatutsima 'ɨtsita memɨwareku'eirienikɨ tɨɨri memutinunuiwaxɨ, memɨkwinikɨ.

'Inɨatsie 20:15

Pepɨrakumate tatutsima 'Ekipitu memekɨ, hakewa mɨixa wiyari teme'uwakai, metatsiere pepɨtimate 'Ekipitu kiekatari kememɨtate'u'uximatɨakai tame meta tapaapama.

Memeyekɨ 6:9

Muitsexi, 'ikɨ naime tiniwarutaxatɨani 'ixaheritsixi peru memutiwaɨripiekaikɨri, mete'uka'eniwatɨ mete'aitɨarietɨ 'ayumieme mepɨka'i'eni.

Memeyekɨ 2:23

Mɨixa wiyari 'anuyeyaku, ti'aitame 'Ekipitu kiekame kaniumɨni. 'Ixaheritsixi yaxeikɨa mekateniuka'eniwakaitɨni, waɨriyarika te'uximayatamete mehɨkɨtɨtɨ, mekaniutihiwakaitɨni parewiya meheuyehɨatɨ. Wahiwari Kakaɨyari kaniu'enieni mewaɨripiekaku.

Nɨ'ariekate 7:34

Yemekɨ nekaniwaxeiyani neteɨterima kememɨte'uximatɨarie 'Ekipitutsie. Wa'aiwari nekani'enieka, nekaniyuhekɨata mana nemɨwarayewitɨnikɨ. Hikɨtsɨari nepɨmatsi'anunɨ'ani 'a'utɨma 'Ekipitutsie”.

Kitsariyaxi 58:6

»Hakiya nemanayexei, nemuwaxɨnakɨ pɨ'ayumieme kemɨkatiheitserietsie tepɨakɨ memɨhɨatɨka, yuku kwitaxiyari nemɨxɨnakɨ, kemɨ'ane waɨriyarika memɨte'aitɨarie nemɨwaxɨnakɨ, meta tinaimekɨ memɨtehɨatɨka nemɨwaxɨnakɨ.

Nɨawari 81:6

«'Ika nekamaniunawairieni pemetɨkɨkai, kiriwa mahete 'ari pekaniunawaiyarieni.

Nahumi 3:14

Haa waɨkawa keneuxeɨri kuyaxi 'awarita memaketɨkɨnetsie mieme, 'akuraru 'akenatitɨriya. Haxupa kenekakexi, 'a'ɨkakɨ haxu 'aixɨa keneuyuri meta xɨnariya keneutiwewi.

Mikeyaxi 3:3

xeme neteɨterima xepɨwakwa'a, wanawiyari xepɨkatsana, wa'umeteyari xepɨtimura, 'etsipepeme xepɨwatixiteke wai xarita mɨka'etsarieni hepaɨ, wai huxunuta mɨ'imaiyani hepaɨ».

Kitsariyaxi 52:5

Yawé mɨpaɨ kanaineni: «¿'Ena ne kenetiyuriene? Neteɨterima yakɨ mepɨwarehapa, tewa'aitɨwamete mepɨwananaima. Meta tukarikɨ nehetsiemieme 'axameputiyuane.

Kitsariyaxi 51:23

Kemɨ'ane memɨmatsi'uximatɨa wamamatsie nepekeni, 'iya mɨpaɨ memɨmate'utahɨawixɨ wahetsie: “Kwiepa keneuhu'i 'ahetsie temuyekɨnekɨ”. Hikɨ kwiepa peheumu'utɨ pekatiniuhuni, yunaitɨ kwiepa memɨtama memɨmatsitaketsinikɨ».

Kitsariyaxi 14:6

haxɨakɨ meta yatiwaruwayatɨ teɨteri pɨtiwakwinitɨakai, haxɨa mɨkapariwekɨ nuiwarite mɨtiwa'aitɨakai meta puwaruweiyakai.

Nɨawari 68:13

kukuru 'anateya pɨrata mɨkawiriyarietɨka, 'anɨteya huru mɨxawawatɨ pɨhɨkɨ. 'Ekɨ pepeuku muxatsi watsata».

Xuti 1:20

Nuhemi mɨpaɨ katiniwarutahɨawe: ―Nuhemi xepɨkanete'uterɨwani. Marara pɨtari xekeneteneuterɨwani. Naimekɨmɨtɨrɨkaɨye nehatsiwime pɨnetsi'ayeitɨa.

Hutarieka 'inɨari 26:6

Peru 'ekipitutari waɨkawa mepɨtatsi'unanaima, mepɨtate'uta'uximayatsitɨa waɨriyarika metatsipitɨatɨ.

Hutarieka 'inɨari 4:20

Peru xeme Yawé kanixe'ayewitɨni 'Ekipitutsie, mɨkɨ putsuta hakewa tepɨa mekwaxiyarie, xeme teɨterimama xemɨhɨkɨtɨnikɨ hetsɨana miemete, hikɨ kexemɨ'ane.

Mawari 25:53

Xeme xekanixeiyakakuni kutsiyarieya xeiwiyari memɨte'uta'uximayata wahepaɨ mɨtixeiyanikɨ, meta waɨkawa hahetemekɨ pɨkati'aitɨaka.

Mawari 25:46

meta yutɨɨriyama xemɨwakuhayewienikɨ xepɨyɨwaweni xepiini mɨkɨ wahetsie mɨtinakenikɨ para yuheyemekɨ memɨtewa'uximayatsirieka kememɨteheutereke. Xeme matsi xeyu'iwamatɨ hahetemekɨ xepɨkateyu'aitɨaka.

Mawari 25:43

Hahetemekɨ pepɨkatiwa'aitɨaka, matsi 'akakaɨyari kenayemakaxeni.

Memeyekɨ 20:2

«Netsɨ Yawé nekanihɨkɨtɨni 'akakaɨyari. Ne nepɨmatsi'ayewitɨ 'Ekipitu, hakewa waɨkawa pemɨre'uximayakai pekarepitɨarietɨ.

Memeyekɨ 1:13

'Ayumieme kwinimieme mekateniwa'uximayatsitɨakaitɨni, kemɨkareuyewetse hepaɨ mekateniwa'aitɨakaitɨni.

Tsutɨarika 15:13

Yawé mɨpaɨ 'Apɨrami katiniutahɨawe: —Mɨpaɨ ketinemaika 'anuiwarima xeime kwieyaritsie mepɨtiteni yapaɨmexɨa, mana mepɨteta'aitɨarieni, menanaimarietɨ, nauka tsienituyari wiyari.

Memeyekɨ 1:11

Mɨpaɨ mekateniuyurieni 'ekipitutari, te'aitamete mekaniwarutihɨawe 'ixaheritsixi memɨtewata'aitɨanikɨ, 'uximayatsika mekaniwaruxatɨani waɨriyarika mewapitɨatɨ, Parahuni hetsiemieme kiekari 'ikwai mɨreuta'ɨnarɨwa Pituni mɨtitewa meta Xamɨtsexi.

Memeyekɨ 1:15

Mana mekanititekaitɨni yuhutatɨ 'ukarawetsixi hepɨrayutsixi teɨteriyari teniweritsitɨwamete, Tsipura meta Puwa metetetewatɨ, ti'aitame 'Ekipitu kiekame mɨpaɨ katiniwaruta'aitɨani:

1 Te'aitamete 12:14

matsi temari wa'ɨxatsi pɨta kaniu'enieni. Mɨpaɨ katiniwarutahɨawe: «Xɨka nepaapa yuku haheteme xe'utitɨtɨani, neta matsi waɨkawa nepɨxeti'ikatɨani. Xɨka mɨkɨ xetiwayakaitɨni kɨyekɨ, ne kawayutsixi wawayamekɨ tepɨa manuyatsatɨkakɨ nepɨxetiwani».

Temaiwawemete 28:15

Maye mahiwa meta hutse meuhakamɨkɨ hepaɨ, kuwexinaruri 'axamɨtiuka'iyari kani'aneni tixaɨtɨ memɨkateheuxeiya muwananaima.

Nɨawari 129:1

Hikɨta 'ixaheritsixi mɨpaɨ meke'utiyuani: —Yumɨiretɨ mepɨnetsi'uhiweritɨa temaikɨyaritsie paitɨtɨ,

Kitsariyaxi 10:24

'Ayumieme, Ti'aitame mɨpaɨ paine, Yawé Naimekɨmɨtɨrɨkaɨye: «Neteɨterima, Tsiyuni xemɨtama, 'Atsiriya pepɨkamakaka. Tsepanetɨ yu'itsɨkɨ mɨmatsi'uwa meta tsepa kɨye 'iwaɨyɨpame manukukwei, 'Ekipitu mɨtiuyuri hepaɨ.