Mawari 4:4 - Kakaɨyari Niukieya

⁴ Yawé hɨxie tsikeru kananuhanimɨkɨ, 'ixuriki tukiyari manuwe mɨrayutixexeɨritɨre pi'atɨani mɨranutakɨkatɨretsie, 'ana tsikeru mu'uyatsie 'utimetɨ Yawé hɨxie puwaxiteni.

Mawari 4:4 ပူးပေါင်းရင်းမြစ်များ

1 Pekuru 3:18

Kɨritsitu xeimieme xeikɨa kaniumɨni tita teɨteri 'axamemɨteyurie hepaɨtsita, kemɨ'ane heitseriemekɨ yamɨtikamiekai, mɨkɨ kaniumɨni tame heitseriemekɨ yatemɨkatekahu tahetsiemieme, mɨtatsi'aye'atɨanikɨ Kakaɨyari hetsɨa. Kemɨtitewitɨkai, kaniumierieni, yu'iyari kemɨrexeiyakai, panutanieritɨarie.

Tanieri 9:26

haika tewiyari heimana huta tsemanayari 'anukayayu, 'ana ti'aitame manayexeiyarie tukarieya kaninawaiyariemɨkɨ. Mɨkɨ karekakiekaritɨ kaniyuhayewamɨkɨ meta tuki muyepatsie kahexeiyatɨ, karikɨ xewitɨ ti'aitame kananutikemɨkɨ mɨkɨ kanika'unamɨkɨ. 'Imatɨrieka tukari pɨkatixemaritɨani, wiyeri mɨtiyuhautsitɨwa hepaɨ, mekwi'iwatɨ pɨkatihayewarieni kepaukake kuyaxa meutipare.

Kitsariyaxi 53:6

Teyunaitɨ tepeuyexɨriekai, muxatsi wahepaɨ, teyuxexuitɨ tepu'uwakai kemɨtatinake, peru Yawé hetsiena pɨtiɨhɨa naime 'axatemɨte'uyurikɨ.

Mawari 16:21

hikɨ 'Aruni mu'uyatsie putimeni. 'Ixaheritsixi tita 'axamemɨte'uyurikɨ meta 'inɨari memutitsanaxɨakɨ pɨtitahekɨata, tsepa ketititakɨ 'axamɨtiuyurikɨ. Mɨkɨ tsipu naime pɨtititɨni, mepenunɨ'ani 'ɨtsita paitɨ makumawetsie tewi kemɨ'ane hetsiena mɨtiunakixɨ mɨpaɨ mɨtiyurienikɨ.

Mawari 4:15

hikɨ kiekatari 'ukirawetsixi, mana tsikeru mu'uyatsie mekaniutimeikuni, 'ana mekaniwaxitekuni Yawé hɨxie.

Mawari 4:29

Hikɨ tsipu mu'uyatsie putimeni, kaniwaxitemɨkɨ hakewa memanutixitewa mawari taiyariyari mayanikɨ.

Mawari 8:14

Hikɨ Muitsexi katiniuta'aita tsikeru mɨ'atɨarienikɨ 'itiya mawariyari mayanikɨ, 'Aruni meta niwemama yumamakɨ tsikeru mu'uyatsie mekaniutimeni.

'Inɨatsie 8:12

»Rewitsixi yumamakɨ tsikerutsixi wahetsie mekaneutimeikuni, 'ekɨta pemɨwaxɨnakɨ wahetsiemieme xeime keneutimawa memɨ'itiyanikɨ, xeimeta Yawé hetsiemieme pekanitataiyamɨkɨ.

2 Kemɨtiuyɨ 29:23

'Imatɨrieka, tsipuri memɨyetuiya memɨ'itiyanikɨ hetsiemieme mekaniwarehapani ti'aitame hɨxie meta yunaime teɨteri wahɨxie mɨkɨ wahetsie memutimenikɨ,