Mawari 2:4 - Kakaɨyari Niukieya

⁴ »Kepauka xewitɨ tɨriku mɨtɨxiyari mawariyari mukwaxiyarie mɨyetuani huxunuta mieme, mɨkɨ paa 'aixɨa mɨ'anene pɨhɨkɨtɨni tikuxanariyame mɨkanɨ'ɨ, huriwa hatseitiyarikɨ xeɨkɨa pɨhawiyarieka meta paa huriwa hatseitiyari pɨwiriyarietɨkani.

Mawari 2:4 ပူးပေါင်းရင်းမြစ်များ

Memeyekɨ 29:2

tɨriku mɨtɨxiyarikɨ paa pepɨtiwewieni meta tsuira tikuxanariyame kanɨkame pɨwiyamatɨkani xeikɨa, yaxeikɨata kɨxau tikuxanariyame kanɨkame pepɨtiwewieni wiyamatɨkaime.

Nɨawari 22:14

Haa hepaɨ netukari pɨtayeuriwe, ne 'umete naitɨ pɨxɨxɨni. Ne 'iyari xɨrɨka hepaɨ 'anetɨ patɨa, netaɨta witsɨanitɨ puhane.

1 Pekuru 2:22

«Mɨkɨ 'axapɨkatiuyuri, nanaimarika tetana pɨkaxuawekai».

1 Pekuru 2:1

'Ayumieme, xeketeneuhayewa 'axaxeteyurietɨ naime meta xete'itawatɨ, yakɨxeikɨa xepɨkatekuxatani, xepɨkateyukananaimaka, hipame xepɨkawaniukimaka,

Hepɨrayutsixi 7:26

'Aixɨa kaniuyɨnita temeixeiyakɨ mawari wewiwame mɨpaɨ mɨ'ane. Patsietɨ, 'axakatiyurienetɨ, katsewiximarietɨ, 'axateyuruwamete wahamatɨa kayuxewiriyatɨ, muyuawi heima hanutiyeikatɨ.

Wani 12:27

»Hikɨri ne'iyari kaniyumuinaneni, ¿keri ne'utaineni: “Ne'ukiyari, keneneutawikweitsitɨa 'ikɨ tukaritsie nerainenikeyu”? Matsi hikɨ 'ayumieme nekaninuani 'ena kwiepa.

Wani 3:34

Kemɨ'ane Kakaɨyari meiyenɨ'a, mɨkɨ Kakaɨyari niukieyakɨ katinikuxatani, Kakaɨyari kanipitɨani yu'iyari, kemɨreupaɨme kati'inɨatatɨ.

Mateu 26:38

Hikɨ mɨpaɨ katiniwarutahɨawe: «Ne'iyaritsie kwini mieme nekaninehiwerieka, mɨkɨkɨ nekanimɨximeni. 'Ena xekeneuyuhayewa meta xekenayeneniereni nehamatɨa».

Kitsariyaxi 42:1

»'Ikɨ neti'uximayatsiriwame kanihɨkɨtɨni, nemiparewie, nemenayexei, hetsiena mieme nemɨnetemawie, ne'iyari hetsiena nekaniupitɨani, kemɨtiheitserie nuiwarite watsata yakatiniyurimɨkɨ.

Mawari 10:12

Muitsexi 'Aruni mɨpaɨ katiniutahɨawe meta niwemama 'Eriyatsaxi meta 'Itamaxi mɨkɨ niwemama memuyuhayewatɨwekai: «Tɨriku mawariyari muyuhayewaxɨ Yawé 'imikierieya xekeneukutɨkɨka xekeneutikwa'i tikuxanariyame kanɨitɨariekame, mawari taiyame 'aurie, mɨkɨ yemekɨ kanipatsieka Yawé hetsiemieme.

'Etsekieri 46:20

Hikɨ mɨpaɨ kanetiniutahɨawe: «'Uwa katini'aneni hakewa mawari wewiwamete wai memuka'etsani, 'itiya mawariyari mayanikɨ, meta mɨrayukatuani mawariyari mayanikɨ. Metatsiere muwa puka'etsarɨwani hatsi mawari mayeitɨarie. 'Ikɨ mɨya pɨti'ane takwa hutarieka miemetsie memɨkate'anuyepinenikɨ, teɨteri mɨtipatsietɨka mete'utimayɨanikɨ».

Kitsariyaxi 61:1

Yawé naimekɨmɨyɨwe 'iyarieya nehetsie kaniyekani, mɨpaɨ mɨneranayexeikɨ niuki 'aixɨa manɨyɨne nemuwakuxaxatɨwanikɨ tixaɨtɨ memɨkateheuxeiya. Pɨnetsiheyenɨ'a yu'iyaritsie memɨte'ukakukuine 'aixɨa meteheu'eriekame nemɨwarayeitɨanikɨ, 'ateewa memehapanie nemɨwakuxaxatɨwanikɨ, meta kemɨ'ane memanutaxɨriya nemɨwaranayexɨnakɨ,

Mawari 7:12

Xɨka pamɨpariyutsi xemipitɨanikɨ hɨkɨtɨni, pɨyɨwenita paa tikuxanariyame kanɨtɨ hatseitikɨ xeikɨa hawiyariekame, yatɨni paa kɨxauyari tikuxanariyame kanɨtɨ hatseiti nɨkame xeikɨa, yatɨni paa tɨriku mɨtɨxiyari 'aixɨa mɨ'ane hatseitikɨ xeikɨa hawiyariekame.

Mawari 6:17

Tikuxanariyame kanɨtɨ puka'etsarɨwani, mɨkɨ kanihɨkɨtɨni mawari wewiwamete nemɨxeyetuirie nemawari xemɨnetsiwewirie taipa. 'Ikɨ pɨhɨkɨ waɨkawa mɨpatsie kepapaɨmetɨ wahetsɨa mumieme, mɨkɨ mɨ'itiyani meta mɨrayukatuani mawariyari pɨhɨkɨ.

Mawari 1:11

Yawé hɨxie mekaniwaxitekuni mawari taiyame tayeta hepatsie, 'Aruni niwemama mawari wewiwamete xuriya mekwewieme mawari taiyame 'aurie mekaneyeurietɨkɨnikuni.

Memeyekɨ 16:31

Mɨkɨ paa mepɨte'iterɨwaxɨ «manana». Kanituxakaitɨni, tsiranituru hatsiyari hepaɨ 'anenetɨ, meta pakakatei paa mɨxietematɨka hepaɨ.

Memeyekɨ 12:8

Mɨkɨ tɨkaritsie kwitɨwa xepitikwani wai warɨkarietɨkaime, tupiriya matsiwi meta paa mɨkakuxanariyarietɨka matɨa.

'Inɨatsie 6:15

Meta kanitimawamɨkɨ xeitsikɨiwitiyari paa mɨkakuxanariyarietɨka, meta tɨriku mɨtɨxiyari 'aixɨa mɨ'ane pɨhɨkɨtɨni wiyamatɨkaitɨ, tsuiraxi kakuxanariyarietɨkaime wiyamatɨkaime xeikɨa meta hatsite mawariyari, metatsiere kaxie winuyari mɨtiyeuriwa yɨnɨkame.