Mawari 2:1 - Kakaɨyari Niukieya

¹ »Xɨka xewitɨ tɨriku mawariyari Yawé hetsiemieme yetuamɨkɨ, mɨkɨ tɨriku mɨtɨxiyari 'aixɨa mɨ'ane pɨhɨkɨtɨni, hetsiena huriwa hatseitiyari peutituani meta 'ɨkwa witsimu'ɨa.

Mawari 2:1 ပူးပေါင်းရင်းမြစ်များ

Matsiɨkɨtɨ kemɨratɨa 8:3

Hikɨ xewitɨ niuki tuayame 'ahurawa kaniuyani, meta mawari taiyame 'aurie kaniutakeni pɨtsiwiwame hurukɨ wewiyakame 'ahanatɨ meta 'ɨkwa witsimu'ɨa kaniyetuiriyarieni mimawanikɨ, yunaime Kakaɨyari teɨterimama wanenewieritsie mieme, mawari taiyame hetsie hurukɨ muwewiya 'uweni hɨxie muwekai.

Kitsariyaxi 66:20

Meta naitsarie xe'iwama nuiwarite watsata memutetɨka nehɨri mɨpatsietsie Kerutsareme xepuwa'atɨani, mawari hepaɨ Yawé hetsiemieme, kawayutsixi, kaxetate yukukuyamete, kaxetate titɨkɨmete, muratsixi meta kameyutsixi wahetsie me'utekame xepɨwa'atɨani ―Yawé mɨpaɨ kanaineni—. 'Ixaheritsixi wahepaɨ, watsute 'aixɨa 'anenemeta, hatsi mawariyari Yawé tukita memɨte'atɨwa hepaɨ xekateniwa'atɨakuni.

Mawari 9:17

Yaxeikɨata tɨriku mawariyari kanixatɨani, meta xeimamayari 'anatituka mawari taiyametsie kanititaiya, yaxeikɨata mawari taiyariyari ximeri mieme yɨnɨkame.

Kura 1:20

Peru xeme nenaki'erima, xekeneyutseiriyani yunaitɨ, yuri kexemɨte'erie tita mɨtipatsietsie, xekeneyunenewieka 'Iyari Mɨtiyupatatsie xetewiyatɨ.

'Inɨatsie 7:19

Hatsite mɨtitimawarienikɨ, katiniyetuani pɨrata xakɨ 'amatikuni meta pɨrata pateyuyari hɨpɨneme tɨriku mɨtɨxiyari 'aixɨa mɨ'ane pɨnarietɨ hatseitikɨ. Kemɨti'inɨatakai tuki, xakɨ 'amatikuni xeikiruyari heimana 'imeriyu katinahetekaitɨni, meta pateyu 'atahaika tsienituyari kɨramuyari katinahetekaitɨni.

1 Wani 2:27

Xemeri heitserie mɨkɨ kemɨtixe'upitɨa, mɨkɨ heitserie xemexeiya xehetsie tiwiyatɨ kaniyuhayewa, xeimeri xepɨkaheuyehɨwa mɨtixeti'ɨkitɨanikɨ. Mɨkɨ heitserie xemupitɨarie mɨkɨ hetsɨa mieme mɨtixe'ɨkitɨa hepaɨ naime hepaɨtsita, yuri maine, mɨkati'itawa, mɨtixe'uti'ɨkitɨa, mɨpaɨ hetsiena xetewiyatɨ xekeneyuhayewa.

1 Wani 2:20

Mɨkɨ mɨpatsie heitserie kanixe'upitɨani xeyunaime, yunaitɨ xepɨtemate.

Wani 6:35

Ketsutsi mɨpaɨ katiniwarutahɨawe: —Ne nekanihɨkɨtɨni paa tukari tiyupitɨwame. Kemɨ'ane nehetsɨa mɨye'ani pɨkaheuhakamɨkɨni meta kemɨ'ane nehetsie yuri mɨti'erie hawaikɨ pɨkaheuharimɨkɨni hatsuaku.

Marakiyaxi 1:11

Karikɨ, nuiwarite watsata nekanayexeiyarieka, tau 'amɨranatineni 'atsita kepauka manukayune. Naitsarie 'ɨkwa witsimu'ɨa kanitaiyarieka meta mawari hɨkɨatɨ kaniwewiyaka nehetsiemieme, ne nemɨmariwekɨ nuiwarite watsata —mɨpaɨ kanaineni Yawé Naimekɨmɨtɨrɨkaɨye—.

Kuheri 2:14

Heiwatɨ Kakaɨyari 'aixɨa mɨtinixe'uxei kemɨtiku'eriwakai mɨnipataxɨ, 'aixɨa mɨti'ane mɨtatiniuhayewi. 'Imikieri hatsite mɨkɨ meta kaxie winuyari mɨtiyeuriwa Yawé xekakaɨyari hetsɨa katinimiemetɨni.

'Inɨatsie 7:13

'Ikɨ hatsite 'imikieriyari, pɨrata xakɨyari 'amatikuni katiniyetuani meta xeime pɨrata pateyuyari, mɨkɨtsie tɨriku mɨtɨxiyari 'aixɨa mɨ'ane pɨhɨpɨnekai hatseitikɨ pɨnariekame. Kemɨti'inɨatakai tuki xakɨ 'amatikuni xeikiruyari heimana 'imeriyu katinahetekaitɨni meta pateyu 'atahaika tsienituyari kɨramuyari rahetetɨ.

Memeyekɨ 29:2

tɨriku mɨtɨxiyarikɨ paa pepɨtiwewieni meta tsuira tikuxanariyame kanɨkame pɨwiyamatɨkani xeikɨa, yaxeikɨata kɨxau tikuxanariyame kanɨkame pepɨtiwewieni wiyamatɨkaime.

Kuheri 1:9

Hatsite mawariyari meta kaxie winuyari mɨtiyeuriwakai, mɨkɨri Yawé tukieyata pɨkareyetuiwa. Mawari wewiwamete mepuyuheiwerie, Yawé hetsiemieme te'uximayatamete.

Mawari 5:11

»Yatɨni matsi yuhutame weuraixi meta haɨmɨxi pɨkatiwa'axe, huta kiruyari tɨriku mɨtixiyari 'aixɨa mɨ'ane pɨta pɨ'atɨani 'itiya mawariyari mayanikɨ. Huriwa hatseitiyari pɨka'inɨituani meta 'ɨkwa witsimu'ɨa, mɨkɨ 'itiya mawariyari kanihɨkɨtɨni.

'Inɨatsie 8:8

Hikɨ xeime tsikeru meta tɨriku mɨtɨxiyari 'aixɨa mɨ'ane hatseitikɨ pɨnariekame xekateniyetuakuni mawari mayanikɨ. 'Ekɨta xeime 'ahetsiemieme pekaniyetuamɨkɨ 'itiya mawariyari mayanikɨ.

'Inɨatsie 18:9

'Ahetsiemieme katinayeikamɨkɨ piinite kwinimieme mɨtimaiwetɨka mɨkatititaiyarɨwa. 'Ahetsiemieme katinihɨkɨtɨkamɨkɨ 'ixaheritsixi memitimawani hatsite hamatɨa, 'itiya mawariyari meta wahetsie mɨrahɨiwa mawariyari. 'Ikɨ naime memɨnete'atɨirieni waɨkawa mɨtipatsie katinihɨkɨtɨkamɨkɨ 'ahetsiemieme meta 'aniwema.

'Inɨatsie 28:5

meta wahamatɨa huta kiruyari tɨriku mɨtɨxiyari 'aixɨa mɨ'ane hatseitikɨ pɨnariekame pekanitimawamɨkɨ.

'Inɨatsie 29:18

Tsikerutsixi wahamatɨa meta muxatsi 'ukitsi, muxatsi xeiwiyari memɨhɨtɨka wahamatɨa meta hatsite mawariyari meta kaxie winuyari mɨtiyeuriyani heutinɨkame, yuxexuitɨ kememɨteheiyehɨwa.

Kitsariyaxi 43:23

Muxa pepɨkanetsi'atɨiriewe 'amawari taiyariyari, nehetsiemieme yapepɨkatikamie 'amawarikɨ. Peru nepɨkamatsi'uximatɨa hatsi mawariyari pemɨwewienikɨ, meta 'ɨkwa witsimu'ɨa pemɨtaiyakɨ.

Mawari 6:7

mɨkɨ 'itiya mɨwewienikɨ Yawé hɨxie tewi hetsiemieme, tsepa titakɨ hetsiena mɨrahɨiwa pɨreuyehɨwiyarieni».

Mawari 9:4

Yaxeikɨatatsiere tuuru xeime xekene'atɨa xeimeta muxa 'uki Yawé temɨtimawirienikɨ 'aixɨa memɨteyuxeiyani mawariyari mayanikɨ, meta tɨriku mawariyari hatseitikɨ hawiyariekame. Yawé hikɨ kaniyuhekɨatamɨkɨ xehɨxie”».

Mawari 14:10

»'Atahairieka tukaritsie 'aye'ayu, kemɨ'ane mɨ'itiyani mɨkɨ yuhutame muxatsi 'ukitsi pɨwa'atɨani xeimeta 'ukatɨme xeiwiyari hɨkame 'aixɨa me'anenekame, tɨriku mawariyari 'imikieriyari, 'ataxewime kiruyari kani'atɨamɨkɨ tɨriku mɨtɨxiyari 'aixɨa mɨ'ane hatseitikɨ pɨnariekame meta hatseiti xeiwatsuyari yunɨkame.

Mawari 24:7

Xexuime xurukuyaritsie 'ɨkwa witsimu'ɨa hɨkɨakame pepeutamanatɨyani. Mɨpaɨ paa ma'eriwa mawariyari Yawé muxatɨarie taipa warɨkariekame kanihɨkɨtɨkamɨkɨ.

'Etsekieri 46:20

Hikɨ mɨpaɨ kanetiniutahɨawe: «'Uwa katini'aneni hakewa mawari wewiwamete wai memuka'etsani, 'itiya mawariyari mayanikɨ, meta mɨrayukatuani mawariyari mayanikɨ. Metatsiere muwa puka'etsarɨwani hatsi mawari mayeitɨarie. 'Ikɨ mɨya pɨti'ane takwa hutarieka miemetsie memɨkate'anuyepinenikɨ, teɨteri mɨtipatsietɨka mete'utimayɨanikɨ».