Mawari 1:9 - Kakaɨyari Niukieya

⁹ kwinurieya meta 'ɨkateya hakɨ pɨtitihauxinire, mɨkɨ mawari wewiwame mawari taiyametsie naime pɨtitaiya. Mɨkɨ mawari naitɨ taiyariyariekame kanihɨkɨtɨni, 'imikieri taipa kwaxiyariekame witsimu'ɨa Yawé minake.

Mawari 1:9 ပူးပေါင်းရင်းမြစ်များ

Tsutɨarika 8:21

Kepauka Yawé 'ɨakariyari witsimu'ɨa mu'ukwixɨ mɨpaɨ katiniuyuhɨawe: «Tsepa teɨteri tɨɨriyari paitɨ 'axamemɨteyurie, tawarita kwie 'axanepɨkayurieni tewi ya'ane wiwiekaku. Metatsiere hatsuakuri nepɨkatiwakwini kwiepa memɨtexɨawe, hikɨ kenemɨtiuyuri.

Mawari 1:13

Yaxeikɨata kwinurieya meta 'ɨkateya hakɨ pɨtihauxinire, hikɨ mawari wewiwame naime tikuxeɨrieme mawari taiyametsie pɨtititaiya. Mɨkɨ mawari naitɨ taiyariekame kanihɨkɨtɨni, Yawé mawari mɨyetuiriyarɨwa taipa mieme witsimu'ɨa kanihɨkɨtɨni.

'Epetsutari 5:2

Xeteyukanaki'erietɨ xekeneu'uwani, yaxeikɨa Kɨritsitu kemɨtatinaki'erie, kemɨtiyuyetua tahetsiemieme mɨmierienikɨ. Mawaritɨtɨ kaniyuyetuani 'ixatɨatɨ Kakaɨyari, 'inaki'atsitɨatɨ.

2 Kurinitutari 2:15

Tame 'inɨari tekanihɨkɨtɨni 'ɨkwa witsimu'ɨa hepaɨ Kakaɨyari kemɨtatixeiya, temɨwaraye'eritɨwakɨ Kɨritsitu kemɨ'ane. Mɨkɨ memɨtawikweitsitɨariexime kememɨtatexeiya, meta memɨkwixime kememɨtatexeiya tekani'inɨaritɨni.

'Etsekieri 20:41

Kepauka ne nemɨxe'atɨani, hipame nuiwarite wahetsɨa xemeutayeixɨakai nepɨxekuxeɨrieni, hipame nuiwarite wahɨxie nepɨxetanaki'erieni 'ɨkwa witsimu'ɨa hepaɨ, meta xepɨnetsihetimani kenemɨtipatsie.

Mawari 3:11

Hikɨ mawari wewiwame mɨkɨ naime mawari taiyametsie katinititaiyamɨkɨ. Mɨkɨ 'ikwai kanihɨkɨtɨni, mawari taipa warɨkarietɨ Yawé hetsɨa mɨyetuiwa kanihɨkɨtɨni.

Memeyekɨ 29:18

muxa naime pekanitataiyamɨkɨ mawari taiyametsie. Mɨkɨ mawari taiyariyari, 'imikieri taipa warɨkariekame kanihɨkɨtɨni, witsimu'ɨa Yawé minake.

Piriputari 4:18

Nekanitanaki'erieniri xe'imikieri naime, kananuyuhayewani, katinaye'ani tita nemɨreuyehɨakai, 'Epapɨruritu netsi'u'ɨitɨaku tita xemɨteheyenɨ'a. Kexemɨte'uyuri, mɨkɨ 'imikieri witsimu'ɨa hepaɨ kaninaki'eriwani, mɨkɨ mawarika Kakaɨyari kaninaki'erieka.

'Etsekieri 20:28

Kepauka nemɨwa'atɨa kwietsie meripaitɨ yurikɨ nehaitɨ, mɨpaɨ nemainekai kename newayetuirienikekai, mɨkɨ kwieyaritsie tsepa kemɨ'ane hɨri memuxei yatɨni kɨye waɨkawa yɨrakame, mɨkɨ hetɨa mawari meputiwewiwakai, mepɨnetsixatɨakai matsi yemekɨ mɨkanetsinake. Mana 'ɨkwa witsimu'ɨa meputitaiyakai, meta kaxie winuyari mɨtiyeuriwa.

Keremiyaxi 4:14

Kerutsareme, 'a'iyaritsie keneu'a'iti 'axamɨti'anekɨ, pemɨtawikweitsitɨarienikɨ. ¿Kepaukake pepɨtihayewa 'iyaritɨarika kemɨmatikuyuitɨwa?

Nɨawari 66:15

Mawari taiyariyari nepɨmetsiwewirieni tewaxi memɨwaiyatɨkakɨ, muxatsi 'ukitsi wamawari kɨtsiyari wahamatɨa, tuurutsixi nepɨmetsitimawirieni meta tsipuri 'ukitsi.

Nɨawari 51:6

Ne mɨpaɨ nepɨtimate 'ekɨ tita yuri mɨraine pepɨnaki'erie, 'ekɨ ha'awiekamekɨ pepɨnetiuta'ɨkitɨa nemɨtimaiwenikɨ.

Mawari 9:14

Kwinurite meta 'ɨkate kaniutihauxini, hikɨ naime mawari taiyametsie katiniutitaiya mawari taiyariyari yɨnɨkame.

Mawari 8:21

Kwinurieyata hakɨ kaniutihauxini meta 'ɨkateya, hikɨta mawari taiyametsie muxa 'uki naime kaniutataiya mawari taiyariyari mayanikɨ Yawé minake witsimu'ɨa, mawari taipa warɨkariekame Yawé hetsɨa mɨyetuiwa kanihɨkɨtɨni. 'Ikɨ 'imikieri taiyariyari, Yawé Muitsexi kemɨtiuta'aitɨakai.

Mawari 1:17

Hikɨ 'anateyatsie tiwietɨ tawieya kananutaxitemɨkɨ 'anateya kawayetsanatɨ. Hikɨ mawari wewiwame mawari taiyametsie kanitataiyamɨkɨ, tai heima. Mɨkɨ mawari naitɨ taiyariekame kanihɨkɨtɨni, Yawé mawari mɨyetuiriyarɨwa taipa mieme witsimu'ɨa.

Memeyekɨ 29:25

Mɨkɨ kwitɨwa mepɨmatsiyetuirieni 'ekɨ Yawé hɨxie pemititaiyakɨ mawari taiyametsie mawari taiyariyari witsimu'ɨa yɨnɨkame, 'ikɨ 'imikieri taipa warɨkariekame kanihɨkɨtɨni Yawé hetsiemieme.

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

Memeyekɨ 12:9

Hawaikɨ yuime xepɨkakwaka meta 'etsariekame, matsi pɨta warɨkariekame tɨtsie, mu'uya naime 'ɨkateya mamateya meta kwinuriteya naime.

Mawari 4:31

Hikɨ tsipu wiyayari naime mepayetuni 'aixɨa memɨteyuxeiyanikɨ mawariyari kememɨteheyetu'iriwa hepaɨ, hikɨ mawari wewiwame naime mawari taiyametsie kanitataiyamɨkɨ, witsimu'ɨa Yawé minake mɨhɨkɨ. Mɨpaɨ mawari wewiwame 'itiya hetsiena mieme pɨtiwewieni, mɨkɨ ke'axamɨtiuyurikɨ pɨreuyehɨwiyarieni.

'Inɨatsie 15:3

xɨka xewitɨ Yawé reumawiriemɨkɨni, xeime wakaxi, xeime muxa, meta mawari taipa warɨkariekame, mawari taiyariyari meta mɨyɨhɨritɨani mawariyari, yatɨni kemɨtiyuwaɨriya mawariyari, yatɨni 'ixɨarari patsiekamekɨ memɨyukuxexeɨriwa. Mɨkɨ mawarika witsimu'ɨa Yawé minake,

'Inɨatsie 28:11

»Metseri maye'axenitsie mexɨakame tukaritsie mawari taiyariyari pekaniutiwewiwamɨkɨ Yawé hetsiemieme, yuhutame tsikerutsixi, xeime muxa 'ukitɨme, meta 'atahutame muxatsi xeiwiyari mehɨtɨkaime 'aixɨa memɨ'anene memɨkatekukuye.

Hutarieka 'inɨari 12:27

Mawari taiyariyari waiyarieya meta xuriyaya Yawé 'akakaɨyari hetsiemieme mawari taiyame pekaniyetuamɨkɨ. Xuriya mawari taiyame hetsie pekanitayeurimɨkɨ, meta waiyari pemɨtikwani pekaniyɨwemɨkɨ.

Mawari 2:2

Hikɨ 'Aruni niwemama mawari wewiwamete wahetsɨa kaniyetuamɨkɨ, mana xeimamayari panatituni harina witsimɨ'ane hatseiti mɨnɨ'ɨ meta 'ɨkwa witsimu'ɨa nɨkame, hikɨ mawari wewiwame 'imikieri ma'eriwa mawariyari mawari taiyametsie kanitataiyamɨkɨ. Mɨkɨ mawari Yawé mɨyetuiriyarɨwa taipa mieme witsimu'ɨa kanihɨkɨtɨni.

Mawari 2:9

Mawari wewiwame mɨkɨ 'imikieri yapaɨmeme 'anatitume mawari ma'eriwa mɨhɨkɨtɨnikɨ, mawari taiyametsie pitataiya. Mɨkɨ 'imikieri Yawé mɨyetuiriyarɨwa taipa mieme witsimu'ɨa kanihɨkɨtɨni.

Mawari 2:16

Mawari wewiwame tɨriku mɨhehekwa meta mɨtɨxiyari yapaɨmeme pɨtitaiya mawari ma'eriwa mɨhɨkɨtɨnikɨ, huriwa hatseitiyari meta 'ɨkwa witsimu'ɨa naime yɨnɨkame. Mɨkɨ 'imikieri taipa mieme Yawé muxatɨarie kanihɨkɨtɨni.

Mawari 3:5

Hɨkɨ 'Aruni niwemama naime 'ikɨ mawari taiyametsie mekatenititaiyakuni, mawari taiyariyari heima matita'a muyekatsie. Mɨkɨ mawari Yawé mɨyetuiriyarɨwa taipa mieme witsimu'ɨa kanihɨkɨtɨni.

Mawari 6:14

»'Ikɨ 'inɨari niukiyari kanihɨkɨtɨni tɨriku mawariyaritsie mieme: 'Aruni niwemama Yawé hɨxie, mawari taiyametsie mekaniyetuiriekuni.

Mawari 8:28

'Ariketa Muitsexi kaniyetuiriyarieni, mɨkɨ mawari taiyametsie kanititaiya, mawari taiyariyari yɨnɨkame, kememɨte'anayexeiyarie mawariyari witsimu'ɨa mayanikɨ, meta 'imikieri taipa warɨkariekame Yawé mɨyetuiriyarie.

'Inɨatsie 28:7

Yuxexuime muxatsi wahetsie xeirituruyari kaxie winuyari mɨtiyeuriyani mawariyari heutinɨkame kaniyetuamɨkɨ, tukita Yawé minake hetsiemieme kanitiyeuriyamɨkɨ.

'Inɨatsie 28:8

Hutarieka mieme muxa taikai pekanitimawamɨkɨ, hatsite mawarikayari hamatɨa meta winu hatuiyariyari ximeri pemitimawaxɨ hepaɨ. Taiyarika mawarikayari kanihɨkɨtɨni, Yawé minake 'ɨakariyari.

1 Kemɨtiuyɨ 6:34

'Erikana, Keruhani, 'Eriheri, Tuha,

2 Kemɨtiuyɨ 4:6

Yaxeikɨata Tsarumuni tamamata katsu 'itsimɨyeyeu kaniutiwewieni, ta'utata 'auxɨwime kaniuti'uitɨani meta tatserieta yaxeikɨa paɨmeme. Para naitɨ mawari taiyametsie timieme mana mɨtitihauxinarɨwanikɨ, peru mawari wewiwamete katsu 'emɨyewatsie mepɨyutihauxinakai.

'Etsekieri 40:38

Kii peukuwewiyatɨkatei kitenie xamaru meukuwewiyatɨka 'aurie. Muwa pɨtihauxinarɨwakai mawari mɨtitaiyarɨwakai.