Mateu 9:4 - Kakaɨyari Niukieya

⁴ Ketsutsi wa'iyaritɨarika maitɨ, mɨpaɨ katiniwarutahɨawe: ―¿Titayari 'axaxeteyukɨhɨawe yu'iyaritsie?

Mateu 9:4 ပူးပေါင်းရင်းမြစ်များ

Rukaxi 6:8

Timaitɨ kememɨteyɨkɨhɨawekai, mɨpaɨ katinitahɨawe tewi mɨmamawakikai: —Kenanukukexi, tahixɨapa keneutakexi. 'Anukukeka mana kaniutakeni.

Mateu 12:25

Peru Ketsutsi wa'iyaritɨarika maitɨ, mɨpaɨ katiniwarutahɨawe: «Xɨka xeime kwieyaritsie kiekatari yuhixɨata xɨka meyutsana, mana pakumawere, meta kiekari yatɨni xeinuiwaritsixi xɨka yuhixɨata meyutsana, 'emepɨkateheutere.

Matsiɨkɨtɨ kemɨratɨa 2:23

Niwemama nepɨwakwini. Mɨpaɨ netiyurieyu yunaitɨ naitsarie memɨyutixexeɨriwa mɨpaɨ mepɨtemaika, ne nepɨhɨkɨ xe'iyari nemɨmate kexemɨteyɨkɨhɨawe. Yuxexuime nepɨtixe'apinirieni kexemɨte'uyuri.

Wani 16:30

Hikɨ mɨpaɨ tepɨtemate naime pemɨtimate, tixaɨtɨ pɨkareuyewetse xewitɨ mɨmatsiku'iwawiyanikɨ. 'Ayumieme mɨpaɨ yuri tekateni'erieka Kakaɨyari hetsɨa pemeyetɨakɨ.

Rukaxi 11:17

Mɨkɨ wa'iyaritɨarika maitɨ mɨpaɨ katiniwarutahɨawe: «Xɨka kiekatari hixɨata meyutsana, mana pakumawere, xeime kie kiekatari xɨka hixɨata meyutsana mekanita'unikuni.

Nɨawari 139:2

Pepɨtimate kepauka 'anemayeixa meta kepauka nemanukukeka, Tsepa kemeteewa kenemɨtiyɨkɨhɨawe pepɨtimate.

Nɨawari 44:21

¿tamɨ Kakaɨyari karetimanikeyu, mɨkɨ naime mɨtimate tita temɨte'awieta tahetsie?

Nɨ'ariekate 5:9

Pekuru mɨpaɨ katinitahɨawe: —¿Titayari xeteyu'eni xemita'inɨatakɨ Ti'aitame 'Iyarieya? Neuxei 'akɨna teukumete mana kitenie mekaniuti'uka, 'ekɨta mekamenanukweikuni.

Wani 16:19

Ketsutsi mɨpaɨ katinetimani memi'iwawiyakukaikɨ, 'ayumieme mɨpaɨ katiniwarutahɨawe: —¿'Ikɨkɨ niuki xetexɨatɨa, mɨya nemutayɨkɨ: “Yapaɨmexɨa 'anukayayu xepɨkanetsixeiya”, tawarita “yapaɨmexɨa 'anukayayu xepɨnetsixeiya” nemainekaikɨ?

Wani 6:64

Peru hipatɨ xeme yuri xepɨkate'erie. Ketsutsi matɨari paitɨ kaniwamaikaitɨni kehate mɨkɨ yuri memɨkate'eriekai, meta katimaikaitɨni kemɨ'ane miyetuanikekai.

Wani 6:61

Ketsutsi yu'iyaritsie retimaika memɨniukixiekaikɨ teyɨ'ɨkitɨwametemama 'ikɨ hepaɨtsita, mɨpaɨ katiniwarutahɨawe: —¿'Ikɨkɨ xetetiketamɨrike?

Wani 21:17

Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

Rukaxi 5:22

Ketsutsi retimaika kememɨteyɨkɨhɨawekai mɨpaɨ katiniwarutahɨawe: —¿Titayaritsɨ mɨya xeteyɨkɨhɨawe yu'iyaritsie?

Marikuxi 12:15

¿Teteyutuaka nutsutɨ hawaikɨ? Ketsutsi yatimaitɨ yakɨ memutiyuanekaikɨ, mɨpaɨ katiniwarutahɨawe: —¿Titayari xenete'inɨatatɨwe? Xumatari watumini xekenena'ɨiri nemixeiyakɨ.

Marikuxi 2:8

Ketsutsi yu'iyaritsie timaitɨ mɨya memɨteyɨkɨhɨawekaikɨ, mɨpaɨ katiniwarutahɨawe: —¿Titayari mɨya xeteyɨkɨhɨawe yu'iyaritsie?

Rukaxi 7:40

Hikɨ Ketsutsi mɨpaɨ katinitahɨawe: —Tsimuni 'aku, 'etsiwa nepɨmatitaxatɨani. Mɨkɨ mɨpaɨ tita'ei: —Tita 'aku, Ti'ɨkitame.

'Etsekieri 38:10

»”Yawé naimekɨmɨyɨwe mɨpaɨ kanaineni: 'Uxa'atɨni warie yɨkɨ pepɨti'erieni meta pewaraye'unietɨ 'axa'anemekɨ.