Mateu 9:36 - Kakaɨyari Niukieya

³⁶ Hikɨ teɨteri yumɨireme waxeiyatɨ, kaniwarutinenimayata, yuxaɨtame memu'uwakaikɨ meta metaxɨrietɨkaitɨ muxatsi yɨhɨweme memɨkahexeiya wahepaɨ.

Mateu 9:36 ပူးပေါင်းရင်းမြစ်များ

'Inɨatsie 27:17

mɨwaruwitɨximenikɨ hakewa memetiyaxe, mɨwaranuwitɨnikɨ memuyukwiyutsie meta mɨwarakunuitɨanikɨ wakie. Mɨpaɨ Yawé 'ateɨterima muxatsi memɨka'ukutsiyari hepaɨ mepɨkateyuxexeiyani.

Marikuxi 6:34

Hikɨ kepauka Ketsutsi manatitɨa kanuwatsie, teɨteri kaniwaruxeiya yumɨireme, hikɨ kaniwarutinenimayata, muxatsi yɨhɨweme memɨkahexeiya wahepaɨ memɨ'anenekaikɨ. Mana kanitsutɨani tiwa'ɨkitɨatɨ waɨkawamekɨ.

Keremiyaxi 50:6

»Neteɨterima muxatsi xeikuraruyari memeuyexɨri hepaɨ mepɨ'ane, wahɨwemete mepɨwarutayutsitɨa, hɨritsie yuxaɨta me'u'uwame mepɨwarayeitɨa. Xeime hɨriyaritsie me'u'uwatɨ xeime hɨriyaritsieta mepekɨka, yukuraru mehatɨmaiyaka.

Mateu 14:14

Hikɨ kepauka Ketsutsi manatitɨa kanuwatsie, teɨteri kaniwaruxeiya yumɨireme, hikɨ kaniwarutinenimayata, 'aixɨa meteheu'eriekame kaniwarayeitɨani memɨtekukuyekai.

Tsakariyaxi 10:2

Kakaɨyarixi memɨwewiyatɨka 'itarikakɨ mepɨtekuxata, temaiwawemete 'itarika mepɨteheinɨtsa, mepɨtekuxata 'itarikakɨ kememɨtenieritɨarie meta kememɨteyɨnɨtɨwa pɨtiyakɨ. 'Ayumieme xeme xepeuyexɨrie muxatsi memɨkatehekakutsiyari wahepaɨ.

Mateu 15:32

Hikɨ Ketsutsi yu'aurie waruta'inieka yuhetsɨa miemete teyɨ'ɨkitɨwamete, mɨpaɨ katiniwarutahɨawe: —Ne 'ikɨ teɨteri nepɨwareunenimaya, haika tukari mekaniyuriekari nehetsɨa meta 'ikwai mepɨkahexeiya. Nepɨkanewaɨriya mekatekwakame nemɨwarutateutɨani, kapa mehetiweranaxɨame mehekaxɨrieni huyeta.

Mateu 15:24

Ketsutsi mɨpaɨ kaniutayɨni: —Ne Kakaɨyari muxatsimama memeuyexɨri wahetsɨa xeikɨa nekaneyenɨ'arieni, 'ixaheritsixi teɨteriyari wahetsɨa.

2 Kemɨtiuyɨ 18:16

Hikɨ Mikahiyaxi mɨpaɨ kaniutayɨni: —Yunaime 'ixaheritsixi nekaniwaruxeiya metaxɨrietɨkaime hɨritsie, muxatsi memɨkatehekakutsiyari wahepaɨ. Hikɨ Yawé mɨpaɨ kaniutayɨni: “'Ikɨ teɨteri yukutsiyari mepɨkahexeiya. Yuxexuitɨ mekeheutayeixɨani yukie kayuwatɨ mehexeiyatɨ”.

Hepɨrayutsixi 5:2

Kaniyɨweni 'atsimemɨkatemate meta memeuyexɨrɨwe wanenimayatɨ mɨwatahɨawekɨ, mɨkɨta weranitɨ 'amuyeikakɨ wahepaɨ.

Hepɨrayutsixi 4:15

Mawari wewiwamete tiwa'aitɨwame ketemɨte'ayexeiya, tepɨkaheixeiya kemɨ'ane mɨkayɨwe tahepaɨ mɨtiyumaikakɨ ketemɨtewerarani tame, tepeixeiya pɨta kemɨ'ane naime hepaɨtsita mu'inɨatsie yaxeikɨa tahepaɨ, peru 'axakatiyuriewetɨ.

Mateu 10:6

matsi muxatsi memeuyexɨrie wahetsɨa xekenehu, 'ixaheritsixi teɨteriyari wahetsɨa.

1 Te'aitamete 22:17

Hikɨ Mikahiyaxi mɨpaɨ kaniutayɨni: —Yunaime 'ixaheritsixi nekaniwaruxeiya metaxɨrietɨkaime hɨritsie, muxatsi memɨkatehekakutsiyari wahepaɨ. Hikɨ Yawé mɨpaɨ kaniutayɨni: “'Ikɨ teɨteri yukutsiyari mepɨkahexeiya. Yuxexuitɨ mekeheutayeixɨani, yukie kayuwatɨ mehexeiyatɨ”.

Tsakariyaxi 11:16

karikɨ ne xeime muxatsi wahɨweme nekananukakemɨkɨ 'ikɨ kwieyaritsie, mɨkɨ pɨkayu'iyaritɨaka muxatsi memɨkwixime wahetsiemieme, meta pɨkawatiwauni 'etsimemɨpepe, meta pɨkawati'uayemani memɨti'ɨkamɨrike, meta 'aixɨa memɨ'anene pɨkatiwamini, matsi pɨwatikwani kemɨ'ane memɨwaiyatɨka meta wakarutsa panutihɨnaxɨani».

Kitsariyaxi 13:14

Maxa 'ɨimari yeutanaka muweiyarieka hepaɨ, muxatsi memɨkatehekakutsiyari hepaɨ, yukie yuxexuitɨ mekani'axɨakuni, yuxexuitɨ yukwietsie mekaniyuta'unaxɨakuni.

Marikuxi 8:2

—Ne 'ikɨ teɨteri nepɨwareunenimaya, haika tukariri mekaniyurieka nehetsɨa meta 'ikwai mepɨkahexeiya.