Mateu 9:29 - Kakaɨyari Niukieya

²⁹ Hikɨ kaniwaramayɨaxɨani wahɨxita, mɨpaɨ 'utaitɨ: —Xehetsie yaketiuyɨni yuri kexemɨte'erie.

Mateu 9:29 ပူးပေါင်းရင်းမြစ်များ

Mateu 15:28

Hikɨ Ketsutsi mɨpaɨ katinita'eiya: —'Uka 'aku, waɨkawa yuri pepɨti'erie. Yakereyɨni tita pemɨra'iwawa. Hikɨ 'ana kwitɨwa 'aixɨa reu'erietɨ kanayani nu'aya.

Marikuxi 10:52

Ketsutsi mɨpaɨ katinitahɨawe: —Kenemie, yuri pemɨtiuta'erikɨ 'aixɨa pepu'itɨarie. Hikɨ yapauka heunieretɨ kanayani, meta huyeta Ketsutsi 'utɨa kaneyani.

Mateu 9:22

Peru Ketsutsi ta'aurie 'aweka 'ixeiyaka mɨpaɨ katinitahɨawe: —Pepɨka'a'iyaritɨakari, neniwe. Yuri pemɨti'eriekɨ 'aixɨa pereu'erietɨ pepatɨa. 'Anatɨtɨ 'aixɨa reu'erietɨ patɨa 'uka.

Mateu 8:13

Hikɨ Ketsutsi mɨpaɨ kuyaxi tiwa'aitɨwame katiniutahɨawe: —Kenemie. Yuri kepemɨti'erie, mɨpaɨ pɨtiyɨni. 'Anatɨtɨ 'aixɨa reu'erietɨ kanayani ti'uximayatame mɨkɨ hurayaritsie.

Mateu 20:34

Hikɨ Ketsutsi kaniwarutinenimayata, kaniwaramayɨaxɨani wahɨxita. 'Ana kwitɨ meheunenieretɨ mekanakɨne, hikɨ hamatɨana mekanekɨne.

Mateu 9:28

Kiita heutahaku mɨkɨ, memakɨkɨpe 'ahurawa mekaniukɨne, Ketsutsi mɨpaɨ katiniwarutahɨawe: —¿Yuri xete'erie kename neyɨwe? Mɨkɨ mɨpaɨ metenitahɨawe: —Huu, Ti'aitame.