Mateu 9:13 - Kakaɨyari Niukieya

¹³ Peuyewetse 'akuxi yaxemɨtehetimanikɨ kemaine mɨkɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Ne nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani.

Mateu 9:13 ပူးပေါင်းရင်းမြစ်များ

Marikuxi 2:17

Waru'enieka, Ketsutsi mɨpaɨ katiniwarutahɨawe: —'Aixɨa memɨteheu'erie mepɨkaheiyehɨwa tiyu'uayemawame, mɨkɨ memɨtekukuye pɨta mekaneiyehɨaka. Ne nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani.

Rukaxi 19:10

Yuri Tewi kenemɨtitewa, nekaninuani nemɨwakuwaunenikɨ mɨkɨ memeuyexɨrie nemɨwatawikweitsitɨanikɨ.

'Utseyaxi 6:6

Ne naki'eriya nepɨxewawirie, mawarika pɨkatixaɨ, matsi Kakaɨyari pɨta xekene'enieka mawari taiyariyari pɨkatixaɨ.

Rukaxi 5:32

Nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani memɨtehayewakɨ ke'axamemɨteyurie.

Mateu 12:7

Xɨka xeme xe'imaikake 'ikɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Xɨka xeheiti'enietɨkɨkanike, mɨkɨ 'atsimemɨkate'uyuri wahetsie xepɨkate'uhɨpanikeyu.

Temaiwawemete 21:3

Kepauka teɨteri kemɨtiheitserie yamemɨteyurie, mɨkɨ Yawé pinake keyuri mawari.

2 Pekuru 3:9

Ti'aitame 'ereutewitɨ pɨkayɨane yuniuki hepaɨtsita kemutayɨ kename mɨpaɨ tiyurieni, tsepa hipatɨ kaheye'atɨaweme memɨ'erie. Matsi pɨkawaɨripie 'emɨreuterekɨ xekwewietɨ xeme, yapɨkara'eriwa nixewitɨ tɨma mɨtatɨmaiyarienikɨ, matsi pɨyuwaɨriya yunaitɨ memaye'axɨanikɨ para memɨtehayewanikɨ kememɨteyuriekai.

Nɨ'ariekate 3:19

'Ayumieme xeketeneuhayewa kexemɨteyurie, ta'aurie xekenaxɨrieka manuyeitɨarienikɨ tita 'axaxemɨte'uyuri, xehetsɨa 'uxipiya maye'anikɨ Ti'aitame hetsɨa mieme,

Nɨ'ariekate 11:18

Hikɨ 'ikɨ me'u'enieka, kayuwatɨ mekaniutamare, 'aixɨa mekaniutiyuanekaitɨni Kakaɨyari hepaɨtsita mɨpaɨ me'utiyuatɨ: —Mɨkɨta Kakaɨyari katiniwarupitɨani memɨkahuriyutsixi memɨtehayewanikɨ kememɨteyuriekai matsi tukari memexeiyanikɨ.

Mateu 3:2

mɨpaɨ 'utaitɨ: «Xeketeneuhayewa ke'axaxemɨteyurie, kanehuraniri Kakaɨyari kemɨtita'aita».

Nɨ'ariekate 5:31

Kakaɨyari yɨtɨrɨkariyakɨ kanenutiwitɨni yutserieta kaneyeni Ti'aitame meta Tiyuwikweitsitɨwame, mɨxepitɨanikɨ 'ixaheritsixi xemɨtehayewanikɨ kexemɨteyurie, xemɨteheuyehɨwiyarienikɨ.

Rukaxi 24:47

Mɨkɨ meta, yunaitɨ nuiwarite mɨpaɨ mekatenitahɨawariekuni, xɨka xete'uhayewa kexemɨteyuriekai, xɨka pɨta xenetsihahɨaweni kemɨ'ane nemɨhɨkɨ, xepɨteheuyehɨwiyarieni 'axaxemɨte'uyurikɨ, Kerutsareme meri, 'ariketa xaɨtsie yakatinikuxaxatsiwamɨkɨ.

Mateu 4:17

Merikɨtsɨ 'ana Ketsutsi kanitsutɨani mɨpaɨ tikuxatatɨ: «Xeketeneuhayewa ke'axaxemɨteyurie, karikɨ kanehuraniri Kakaɨyari kemɨtita'aita».

Nɨ'ariekate 2:38

Pekuru mɨpaɨ katiniwaruta'eiya: —Xeketeneuhayewa 'axakexemɨteyurie, meta yuxexuitɨ xepɨka'ɨyarieni Ketsutsi Kɨritsitu hetsie, tita 'axaxemɨte'uyuri, xemɨteheuyehɨwiyarienikɨ, meta 'Iyari Mɨtiyupata xehexeiyatɨ xepakɨne.

Mateu 3:8

Yaxeketeneu'uwani xematsiɨkɨtɨ xemɨte'uhayewaxɨkɨ 'axaxeteyurietɨ.

Nɨ'ariekate 20:21

Huriyutsixi meta kɨriyekutsixi mɨpaɨ nepɨtixehekɨatɨakai xetehayewame kexemɨteyurie Kakaɨyaritsie xemɨtewiyanikɨ, yuri xemɨteta'erienikɨ Tati'aitɨwame Ketsutsi hetsie.

Mateu 21:42

Hikɨ Ketsutsi mɨpaɨ katiniwarutahɨawe: —¿Xekate'ekaterɨwawawe 'utɨarika xapayaritsie: »“Mɨkɨ teté memitixani'eri kii wewiwamete mɨkɨ teté 'itsikina mieme kanayani, Ti'aitame mɨya katiniuyurieni, meta kanimariweni ketemɨte'ixeiya”?

Mateu 12:3

Mɨkɨ mɨpaɨ katiniwarutahɨawe: —¿Kari xepɨka'ekaterɨwawawe kemɨtiuyuri Rawiri kepauka memuhakakwi mɨkɨ meta hamatɨana memu'uwakai?

Marikuxi 12:26

Mɨkite wahepaɨtsita kemɨre'uxa kememɨte'anuku'uni, ¿kaukatɨ xeka'ekaterɨwawawe Muitsexi xapayatsie hakewa 'ɨtsitsie mexaxata, Kakaɨyari kemɨtitahɨawixɨ: “Ne 'Apɨrahami, 'Itsahaki meta Kakuwu wakakaɨyari nekanihɨkɨtɨni”?

Wani 10:34

Ketsutsi mɨpaɨ katiniwaruta'eiya: —Tamɨ mɨpaɨ kare'uxa xe'inɨari niukiyaritsie: “Ne mɨpaɨ nepɨtixekɨhɨawe: Xeme xepɨmamariwawe”.

Mateu 19:4

Ketsutsi mɨpaɨ katiniwaruta'eiya: —¿Xekate'ekaterɨwawawe, mɨkɨ matɨaripai mɨwarunetɨa, “'uki meta 'uka mɨwarutiwewi”,

Mateu 12:5

¿Mɨkɨ meta, xɨari xepɨka'ekaterɨwawawe kemaine 'inɨari niukiyari mawari wewiwamete keyamemɨkatekahu 'uxipiya tukari 'inɨariyari tukipa me'u'uwatɨ 'uxipiya tukaritsie peru wahetsie pɨkarahɨiwa mɨkɨkɨ?

Rukaxi 10:26

Ketsutsi mɨpaɨ rehɨawe: —¿'Inɨari niukiyaritsie kere'uxa? ¿Kepetikuterɨwa?

Marikuxi 12:33

Xɨka tewi 'inaki'erieka naime yu'iyarikɨ, naime kemɨtiyumatekɨ naime yutɨrɨkariyakɨ, xɨka yuhepaɨ tewi naki'erieka kemɨtiyunaki'erie hepaɨ, matsi mɨpaɨ 'aixɨa kani'aneni, keyuri mawari taiyariyari meta hipame mawarika.

Rukaxi 5:31

Hikɨ Ketsutsi mɨpaɨ katiniwarutahɨawe: —Mɨkɨ 'aixɨa memɨteheu'erie mepɨkaheiyehɨwa tiyu'uayemawame, mɨkɨ memɨtekukuye pɨta mekaneiyehɨaka.