Mateu 8:3 - Kakaɨyari Niukieya

³ Ketsutsi yumamá 'utatseraka kanimayɨani, mɨpaɨ 'utaitɨ: —Nepɨnewaɨriya. Pekaniu'itiyaniri. Hikɨ yapauka kwiniyaya neunuani, 'itiyatɨ kanayani.

Mateu 8:3 ပူးပေါင်းရင်းမြစ်များ

Rukaxi 5:13

Ketsutsi yumama 'utatseraka kanimayɨani mɨpaɨ 'utaitɨ: —Nepɨnewaɨriya, pe'itiyatɨ peke'uyuhayewa. Yapauka kwiniya kanihayewa.

Nɨawari 33:9

mɨkɨ 'utaniuku, naitɨ pɨtiune, mɨkɨ tiuta'aitaku, naitɨ 'aixɨa pɨtiuyɨ.

2 Te'aitamete 5:14

Hikɨ Nahamani Kurutani hatuxameyaritsie kaneyani, mana 'atahuta mexɨa kaniukahani, tewi Kakaɨyari hetsɨa mieme kemɨtitahɨawekai. 'Anake nawiyarieya 'aixɨa kaniuyɨni nunutsi nawiyarieya hepaɨ, 'ana 'itiyatɨ kanayani.

Marikuxi 1:41

'Inenimayatɨ, Ketsutsi yumamá 'utatseraka kanimayɨani, mɨpaɨ tikɨhɨawetɨ: ―Nepɨnewaɨriya. Pekaniu'itiyaniri.

Wani 5:21

Ne'ukiyari mɨkite mɨtiwaranuku'uitɨwa hepaɨ, tukari mɨtiwarupitɨwa hepaɨ nu'ayata mɨpaɨ tukari pɨtiwakupitɨwa kemɨ'ane mɨkɨ mɨwareupitɨamɨkɨ.

Marikuxi 4:39

Hikɨ 'anukukeka 'eka kaniutatieni, meta harakuna mɨpaɨ katiniutahɨawe: ―Kayuwatɨ. Ketineuhayewa. Hikɨ 'eka kaneunuani, naitɨ kayuwatɨ kaniutamare.

2 Te'aitamete 5:11

Hikɨ Nahamani ha'atɨ kaneyani mɨpaɨ 'utaitɨ: «Ne mɨpaɨ nepɨtiku'eriwakai tewi Kakaɨyari niukameya wayeyanike nepɨ'eriekai netsi'anunakeke, Kakaɨyari Yawé tawawirienike, meta nehetsɨa hatametɨ newaiyari 'anayehɨanike nepɨ'eriekai.

Tsutɨarika 1:3

Hikɨ Kakaɨyari mɨpaɨ kaniutayɨni: «Hekɨariya ke'uneni». 'Ana hekɨariya kaniuneni.

Wani 11:43

Mɨpaɨ 'utayɨka karima kaniutahiwa: —Ratsaru, kenewayeye'a.

Rukaxi 7:14

Hikɨ mana 'uyaka mɨki kakunieya kaniumayɨani. Mɨki kwekwewemete mekaniti'uni. Ketsutsi mɨpaɨ kaniutayɨni: —Temaikɨ 'aku, kenanukukexi nepaine.

Marikuxi 9:25

Ketsutsi meyumɨireme teɨteri waruxeiyaka 'ame'anautsaxɨaximeme hepana meyukuxeɨrienike, 'iyari 'axamɨ'ane kaniutatieni, mɨpaɨ tikɨhɨawetɨ: —Keneu'ena 'iyari 'axamɨ'ane, pemɨka'ipitɨa mɨtaniunikɨ meta meu'enanikɨ, ne nekameninɨ'aka pemixɨnakɨ meta tawarita pemɨka'ikuwiwiyanikɨ.

Marikuxi 7:34

Yuheima heutiniereka Ketsutsi kaniuka'ietɨyani, yuniukikɨ mɨpaɨ tewi katiniutahɨawe: «'Epata» (taniukikɨ kewatiyepietɨkani panuyɨne).

Marikuxi 5:41

Hikɨ mɨkɨ mamayatsie kawiereka, mɨpaɨ katinitahɨawe yuniukikɨ: —Tarita kumi ('arameukɨ panuyɨne: 'Ɨimari 'aku, kenanukukexi nekamatinahɨaweni).

Wani 15:24

Watsata xɨka yanekatiuyurienike xewitɨ kemɨkatiyuriwe hepaɨ, mɨkɨ tita 'axamɨti'ane mepɨkatehexeiyanikeyu. Hikɨri mekaniuneniere, mekatani'uxiwe'erieka ne meta ne'ukiyari.

Memeyekɨ 4:7

Tawarita Kakaɨyari mɨpaɨ kaniutayɨni: —Tawarita 'akamixatɨa keneukume'i. Muitsexi tawarita yukamixatɨa kaneukumeni, kepauka mewakuha 'aixɨa kani'anekaitɨni naitɨ kemeu'anekai matɨari.

Mateu 12:13

Hikɨ mɨpaɨ tewi katiniutahɨawe: —'Amamá keneutatsera. Hikɨ mɨkɨ kanitatsera, 'ana 'aixɨa 'anetɨ kanayani yuxewitɨ tapa mieme hepaɨ.

Rukaxi 4:27

Mɨkɨ meta, yumɨiretɨ 'amekaniu'uwakaitɨni 'Ixaheri kwieyaritsie kwiniyakɨ meka'itiyatɨkaitɨ kepauka 'Eritseu 'amuyeikakai Kakaɨyari niukameya, nixewitɨ tɨma pɨka'u'itiya mana kiekatari, tsiriyatanaka pɨta kaniu'itiyani Nahamani titewatɨ».