Mateu 8:20 - Kakaɨyari Niukieya

²⁰ Ketsutsi mɨpaɨ katinita'eiya: —Kauxaitsi yuterɨ mepexeiya, wikixi yu'itua mepexeiyata, peru ne, Yuri Tewi kenemɨtitewa, nepɨkaheixeiya hakewa nemeyukamuritɨani.

Mateu 8:20 ပူးပေါင်းရင်းမြစ်များ

Nɨawari 84:3

Yawé Naimekɨmɨtɨrɨkaɨye, neti'aitɨwame meta nekakaɨyari pemɨhɨkɨ, wikitɨtɨ 'amawari taiyame 'aurie yukii putaxexeiya, metatsiere wiki 'itsitame muwa yu'itua putawewiwa, muwa mɨti'itsinienikɨ.

Rukaxi 2:7

Hikɨ yumatɨari kaniutiniweni. Tuwaxatekɨ kaniku'eima, wakaitsixi wakanuwatsie kanikateni mɨkaxuawekaikɨ wahetsiemieme memɨwa'axɨanikekaitsie.

2 Kurinitutari 8:9

Xeme mɨpaɨ xepɨtehetima 'aixɨa kemɨtiuka'iyari Tati'aitɨwame Ketsutsi Kɨritsitu. Mɨkɨ tsepa mɨxikutɨkai, xehetsiemieme tixaɨtɨ karexeiyatɨ payuyeitɨa, xeme xikutsixi xemakɨnekɨ, mɨkɨ tixaɨtɨ karexeiyatɨ matɨakɨ.

Rukaxi 2:16

Meyumexɨitɨatɨ mekanekɨne, mewaruta'iwauka Mariya mame Kutse mekaniwarutaxeiya, nunutsi meta wakaitsixi wakanuwatsie yekaime.

Rukaxi 2:12

'Ikɨ 'inɨarikɨ xekaneitimaikuni: Nunutsi xekanexeiyakuni tuwaxatekɨ 'eimeme, wakaitsixi wakanuwatsie heyekaime».

Nɨawari 109:22

Ne tixaɨtɨ nepɨkarexeiya, nepɨreuyehɨwa, ne'iyari yemekɨ pu'uximatɨarie pɨtiuka'eniwa.

Nɨawari 69:29

Kakaɨyari 'aku, ne tixaɨtɨ nemɨkarexeiya meta nemɨtiuka'eniwa, 'awikweitsitɨarika nehetsie kenuaka.

Rukaxi 8:3

xewitɨta Wana katinitewakaitɨni Tsutsa mɨ'ɨyayatɨkai, mɨkɨ Tsutsa mɨhɨritɨariekai Herurexi mɨtimikwanikɨ, xewitɨta Tsutsana, hipatɨta yumɨiretɨ, mɨkɨ mekaniwaparewiekaitɨni tita memɨteheuxeiyakaikɨ.

Mateu 12:32

Kemɨ'ane yɨkɨmɨtayɨni nehepaɨtsita, Yuri Tewi kenemɨtihɨkɨ, mɨkɨ pɨreuyehɨwiyarieni, peru kemɨ'ane 'axamɨtayɨni 'Iyari Mɨtiyupata hepaɨtsita mɨkɨ pɨkareuyehɨwiyarieni 'ena kwiepa meta 'umamietsie.

Nɨawari 104:17

Mɨkɨtsie wikixi mepuyu'ituatɨa, huku 'amutɨtɨtsie kwaxuri 'amemɨnene mekaniyukitɨaka.

Mateu 19:28

Ketsutsi mɨpaɨ katiniwarutahɨawe: —Yurikɨ mɨpaɨ nepɨxerahɨawe, xeme nehetsie xemɨtewiya, kepauka kwie mɨhekwatsie temɨ'axɨani, Yuri Tewi nehɨkɨtɨtɨ kepauka ne'uwenitsie nemayerɨni neti'aitatɨ witsine'anetɨ, 'ana xemeta 'itsɨkate xekanakɨnikuni, tamamata heimana huta 'uweniyaritsie xe'ayaxeme xekateniwata'aitɨakuni teɨteri tamamata heimana huta 'Ixaheri nuiwarimama.

Mateu 17:9

Hikɨ yemuritsie me'akahutɨ, Ketsutsi mɨpaɨ katiniwaruhɨritɨani: —Nixeime xepɨkatehaxaxatɨwani kexemɨte'unenierixɨ, kepaukake Yuri Tewi kenemɨtihɨkɨ, mɨkite watsata nemanukuketɨarieni.

Mateu 16:27

Yuri Tewi kenemɨtihɨkɨ, nekaninuamɨkɨ ne'ukiyari hepaɨ nemariwetɨ neniuki tuayamete wahamatɨa, hikɨ 'ana nepɨtiwarakapitɨani, yuxexuitɨ kememɨte'uyuri.

Mateu 16:13

Merikɨte kepauka Ketsutsi Tsetsareya Piripu kwieyaritsie munua, yuhetsɨa miemete teyɨ'ɨkitɨwamete mɨpaɨ katiniwaruta'iwawiya: —¿Teɨteri keme'utiyuane nehepaɨtsita, Yuri Tewi kenemɨtihɨkɨ? Mɨkɨ mɨpaɨ mekatenita'eiya:

Mateu 12:40

Kunatsi ketsɨ 'amupatsie kemɨtiyekatei haika tukari haika tɨkari, mɨpaɨta yaxeikɨa Yuri Tewi kenemɨtitewa, kwieta nepɨyekani haika tukari haika tɨkari.

Mateu 12:8

Karikɨ Yuri Tewi nehɨkɨtɨtɨ 'uxipiya tukari hetsie nekatini'aitani.

Nɨawari 40:17

Neta, tixaɨtɨ nemɨkarexeiya meta nereuyehɨatɨ, Ti'aitame kenetsi'uxeiya. 'Ekɨ netsiwikweitsitɨwame pepɨhɨkɨ, netsixɨname, 'apepɨkareutewini, nekakaɨyari 'aku.

Tanieri 7:13

»Tɨkarikɨ mɨya netinieretɨ, xeime nekaniuxeiya tewi hepaɨ 'aneme muyuawitsie haitsata 'akamieme. 'Ukiratsi mɨmariwe hepa hurawa kanayani meta hɨxiena kanewitɨkieni,

Nɨawari 104:12

Taheima memu'uwa wikixi mekaniyu'ituatɨaka haa 'aurie meta mekaniutikwikani kɨyexi xawaritsata.

Mateu 13:37

Ketsutsi mɨpaɨ katiniwaruta'eiya: —Kemɨ'ane mika'iwi 'imɨari 'aixɨa mɨ'anene, Yuri Tewi kenemɨtihɨkɨ ne nekanihɨkɨtɨni.

Marikuxi 8:38

Hikɨ miemete hipame wa'ɨitama memɨwakumaɨwa 'axamemɨteyuruwa watsata 'uyeikatɨ, kemɨ'ane mɨnetsitewiya mitewiya neniuki, neta Yuri Tewi kenemɨtitewa nekanitewiyakamɨkɨ 'iya kepauka nemunuani ne'ukiyari hepaɨ nemariwetɨ, netupiritsixima memɨpatsie Kakaɨyaritsie mieme wahamatɨa.

Rukaxi 9:58

Hikɨ Ketsutsi mɨpaɨ katinitahɨawe: —Kauxaitsi yuterɨ mekanexeiyani meta wikixi taheima miemete yu'itua metehexeiya, perutsɨ ne Yuri Tewi netitewatɨ tixaɨ nepɨkarexeiya hakewa nemɨnetamuritaritɨani.

Rukaxi 12:8

»Mɨpaɨ nepɨtixekɨhɨawe, kemɨ'ane mɨyuhekɨata teɨteri wahɨxie kename nehetsɨa mieme, neta Yuri Tewi kenemɨtitewa nekaninehekɨatamɨkɨ kename hetsiena netiwiya Kakaɨyari hetsɨa miemete niuki tuayamete wahɨxie.

Rukaxi 18:8

Yanepɨtixekɨhɨawe, kwitɨ heitserie kaniwapitɨamɨkɨ. Matsi, kepauka nemunuani Yuri Tewi nehɨkɨtɨtɨ, ¿yuri mete'eriekame netiwataxeiya kwiepa 'aku?»

Rukaxi 21:36

Xekenayeneniereni 'aixɨa, yuheyemekɨ xeyunenewietɨ para xemɨyɨwawenikɨ, Yuri Tewi hɨxie xemaye'axɨanikɨ xetawikweme 'uximatɨarikatsata 'umɨramie».

Wani 1:51

—Yurikɨ mɨpaɨ nekanaineni, xekanixeiyakuni muyuawitsie reuyepiyakame, Niuki tuayamete Kakaɨyari hetsɨa miemete xetewaxeiyata me'anutikɨkame meta me'anakakɨkame Yuri Tewi hetsie.

Wani 3:13

Xewitɨ taheima pɨka'anutiyeiwe, mɨkɨ taheima makane Yuri Tewitɨtɨ xeikɨa pemarie.

Wani 3:14

»Muitsexi makumawetsie 'uyeikatɨ kuu muyete hepaɨ, mɨpaɨrita kaneuyewekani Yuri Tewi muyetekienikɨ

Wani 6:27

Xepɨkate'uximayaka 'ikwai mɨtipɨniwe xema'iwakɨ xeikɨa. Xeketene'uximayaka pɨta xeme'iwakɨ 'ikwai 'amɨtiteriwe tukari mɨkaxɨwe mɨxepitɨatsie Yuri Tewi mɨtixemini. 'Ukiyarieya Kakaɨyaritɨtɨ mɨkɨ kaniu'inɨaritɨani.

Wani 6:53

Ketsutsi 'ayumieme mɨpaɨ katiniwarutahɨawe: —Yurikɨ mɨpaɨ nekanaineni, xɨka xeka'itikwani Yuri Tewi waiyarieya, xɨka xuriyaya xeka'anu'ieni, tukari yuhetsie xepɨkahexeiya.

Wani 6:62

¿Ketiɨyɨwetsɨ xɨka xe'ixeiyanike Yuri Tewi mana 'utimiekame hakewa meripaitɨ mekateitsie?

Wani 12:34

Teɨteri 'ayumieme mɨpaɨ mekatenita'eiya: —Tame 'inɨari niukiyari tekaniu'enieni kename Kɨritsitu yuheyemekɨ yuhayewa, ¿ketitayari petiutaine kename heuyewetse Yuri Tewi manukuhanienikɨ pe'utaitɨ? ¿Kemɨ'ane pɨhɨkɨ Yuri Tewi mɨtitewa?

Wani 13:31

Merikɨtsɨ kepauka metɨa, Ketsutsi mɨpaɨ kaniutayɨni: —Hikɨrixɨa Yuri Tewi witsi'anetɨ kanayeitɨarieni, Kakaɨyarita witsi'anetɨ kanayeitɨarieni hetsiena tiwiyatɨ.

Nɨ'ariekate 7:56

Mɨpaɨ kaniutayɨni: —Kamɨ, muyuawi nepɨxeiya 'anakayepiekame, Yuri Tewi Kakaɨyari tserieta 'utiweme netixeiya.