Mateu 7:7 - Kakaɨyari Niukieya

⁷ »Xekatehayewatɨ xɨka xete'uta'iwauni, yaxepɨtemikieni. Xɨka xetekuwautɨweni xekatehayewatɨ, yaxepɨte'itaxeiya, 'itupari xɨka xe'uyuitɨani xekatehayewatɨ, xepɨteheuyepiyarieni.

Mateu 7:7 ပူးပေါင်းရင်းမြစ်များ

Mateu 21:22

Meta tita xeme, xeyunenewietɨ, yuri xete'erietɨ xemɨteta'iwauni, mɨkɨ xepɨteyetuiriyarieni.

1 Wani 3:22

meta naime tita temɨte'itawawiriwa pɨtatiyetuiriwa yatemɨtekahukɨ kemɨti'aita meta tita mɨtinake yatemɨteyuriekɨ.

Wani 15:7

Xɨka nehetsie xetewiyatɨ xeyuhayewa, xɨkari tita nemɨtikuxata xehetsie tiwiyatɨ yuhayewa, tita mɨtixenake xeketeneuta'iwau, mɨpaɨ katiniyɨmɨkɨ xehetsiemieme.

Marikuxi 11:24

'Ayumieme nepɨtixekɨhɨawe: Tita xemɨtetawauni xeyunenewietɨ, yuri xeketene'erieka kename 'ari yaxete'upitɨarie naime tita xemɨte'utawau, mɨpaɨ yakatiniyɨmɨkɨ xehetsiemieme.

Keremiyaxi 33:3

“Keneneutahɨawi, ne nekamanita'eiyamɨkɨ, pekatinetimaimɨkɨ tita mɨtimamariwawe meta mɨti'awietsie 'ekɨ 'akuxi pemɨkatimate”.

Mateu 6:33

Xeme matsi xekeneyuwaɨriyani mɨkɨ tixe'aitɨwame mɨhɨkɨtɨnikɨ, heitseriemekɨ yaxemɨtekahunikɨ, mɨpaɨ xeteyurietɨ, xepɨtemikienita mɨkɨ naime.

Mateu 7:8

Kemɨ'ane mɨtiku'iwawa pɨtiyetuiriyarɨwa yu'iwaurika, kemɨ'ane mɨtikuwaune pɨtikaxeiya, kemɨ'ane 'itupari mukuyuitɨwa pɨreuyepiyarɨwa.

Wani 15:16

Xeme xepɨkanetsi'anayexei. Nepɨta nekanixe'anayexeiya. Nepɨxe'uhɨritɨa xemɨyehukɨ, xemutixuxuawerenikɨ, xehetsɨa mieme 'ikwaxi yuheyemekɨ mɨyuhayewanikɨ, tsepanetɨ ketita xemɨte'itawawirieni ne'ukiyari nehetsɨa xemiemetetɨtɨ katinixepitɨamɨkɨ.

Hepɨrayutsixi 11:6

Tewi yuri xɨka kati'erieka, pɨkayɨwe minaki'aritɨanikɨ, kaneuyeweka mɨpaɨ yuri mɨti'eriekakɨ kemɨ'ane Kakaɨyari 'aurie maye'amɨkɨ, kename 'a'uyeika, kename tiwa'iwitsitɨa mɨkɨ memikuwautɨwe.

Temaiwawemete 8:17

Kemɨ'ane memɨnetsinaki'erie, neta nekaniwanaki'erieka, kemɨ'ane memɨnetsikuwautɨwe, ne nematsiɨkɨme nepaneyeitɨwa.

Nɨawari 10:17

'Ekɨ, Yawé, haweri memɨyɨa wanenewieri pepɨ'enie, pepɨwatɨrɨkariya meta kememɨmatewawirie pepɨraye'atɨwa.

Wani 4:10

Hikɨ Ketsutsi mɨpaɨ katinita'eiya: —Xɨka pe'imatenike tita Kakaɨyari mɨtiyumikwa, meta xɨka pe'imaikake kepaikɨ haa mɨmetsiwawirie, 'ekɨtsɨ pɨta pepɨnetsitawawirienikeyu, nepɨmatsiharitɨanikeyu haa muhanetsie mieme.

Mateu 18:19

»Tawarita mɨpaɨ nepɨxerahɨawe, yuhutatɨ xeme xeyu'enietɨ xɨka yaxeikɨa xeteyumaika 'ena kwiepa tita xemɨtetawauni hepaɨtsita, tsepa kemɨtitita, ne'ukiyari taheima makawe mɨpaɨ katinixepitɨamɨkɨ.

'Amuxi 5:4

Yawé mɨpaɨ 'Ixaheri kwieyari katinahɨaweni: «Xekeneneutiwawa hikɨ 'ana xe'ayeyuyuritɨ xepakɨne.

Tsatiyaku 5:15

Kememɨteyunenewie yuri mete'erietɨ, tikwikame 'aixɨa reu'erietɨ kanayeimɨkɨ, meta Ti'aitame kanenukuketɨamɨkɨ. Yaxeikɨata, xɨka 'axatiuyurieni, mɨkɨkɨ pɨreuyehɨwiyarieni.

Nɨawari 27:8

Ne'iyari mɨpaɨ kanetinahɨaweni: «Nierikaya keneutiwawa». Neta, Yawé, 'anierika nekaniwauneni.

Rukaxi 18:1

Merikɨtsɨ 'ikɨ 'ɨxatsi hepaɨtsita tikuxatatɨ mɨpaɨ katiniwaruta'ɨkitɨani kename heuyewetse yuheyemekɨ mɨyunenewiekakɨ, kawaɨripietɨ.

Mateu 7:11

Xeme 'axaxete'u'iyaritɨtɨ, 'aixɨa 'anemekɨ xɨka xetewamikwani yuniwema, matsi waɨkawamekɨ xe'ukiyari taheima makawe 'aixɨa ti'aneme katiniwamimɨkɨ kemɨ'ane memɨte'itawawirieni.

Nɨawari 50:15

Keneneutahɨawi kepauka 'uximatɨarika pemexeiya, ne nepɨmetsixɨna, 'ekɨta 'aixɨa pepɨnetitahɨawe».

Kwikari 3:2

Ne 'anukukeme nekaneyeikani kiekaritsie, huye mayehapanetsie meta waɨkawa mɨrewatuiyatsie, 'uki neminaki'erie nekuwaunetɨ. Ne'iwaunetɨ nepɨka'itaxeiyawe.

Xumatari 2:7

Mɨkɨ mete'uka'eniwatɨ 'aixɨa meteyurietɨ memɨtekuwautɨwe witsime'anenetɨ kememɨte'akɨnekɨ, 'aixɨa memɨtexeiyariekakɨ meta kememɨkatetipɨnekɨ, mɨkɨ kaniwapitɨamɨkɨ yuheyemekɨ memayenenierenikɨ.

Nɨawari 119:12

Yawé, 'aixɨa pemɨrayurieni pepɨhɨkɨ. Keneneuta'ɨkitɨa 'a'aitsika nemetimanikɨ.

Nɨawari 86:5

Ti'aitame, 'ekɨ 'aixɨa pekatiniuka'iyarini meta pekanetineuyehɨwiriemɨkɨ, pɨmariwe 'anaki'eriya kemɨ'ane memɨmetsihahɨawe wahetsɨa.

Nɨawari 70:4

Matsi kemɨ'ane memɨmetsikuwautɨwe 'ahetsie mekeyutemawieka, yemekɨ, kemɨ'ane 'awikweitsitɨarika memɨnaki'erie mɨpaɨ meke'utiyuaneni: «Kakaɨyari kanimariweni».

Nɨawari 69:32

Tixaɨtɨ memɨkatehexeiya mɨkɨ metexeiyame mepuyutemamawieka, xeme xekeneyuwaɨriyani, Kakaɨyari xemukuwautɨwe.

1 Te'aitamete 3:5

hikɨ mana kutsukaku Yawé heinɨtsitana kaniuyuhekɨata mɨpaɨ katinitaxatɨani: —Kenetineutawawiri tita mɨmatinake nemɨmatiminikɨ.

Nɨawari 10:4

'Axatiyuruwame teikɨ peneniere 'uyuta'ɨretɨ, 'etsiwatɨma Kakaɨyari pɨkaku'eriwa.

Xumatari 3:11

kemɨ'ane mɨtimaiwe 'apɨka'uyeika, kemɨ'ane Kakaɨyari mɨkuwaune 'apɨka'uyeika.

Rukaxi 13:25

Kepauka kiekame 'anukukeme mɨreunani kitenie, xeme takwa xemu'uwa, 'itupari xekaniyuitɨakuni, mɨpaɨ xe'utiyuatɨ: “Ti'aitame 'aku, ketatineuyepiri”. Peru mɨkɨ mɨpaɨ katinixeta'eiyamɨkɨ: “Ne nepɨkaxemate meta nepɨkatimate hakewa xemeyekɨ”.

Nɨawari 34:4

Yawé nekaniutiwauni, mɨkɨta pɨnetsi'uta'ei, waɨkawa nemakaku naime pɨnetiunawairi.

Nɨawari 37:4

Yawé 'anaki'eriya keneyetuiri, mɨkɨ pɨmetiyetuirieni tita pemɨreuyehɨwa 'a'iyarikɨ.

Kitsariyaxi 30:19

Teɨteri Tsiyunitari, Kerutsareme xemɨtama, tawariri xepɨkatitsuani. Kakaɨyari mɨtiyukanenimaya pɨxetinenimayata kepauka xemitahiwieni parewiya xeku'iwawatɨ. Yapauka kepauka mɨxe'enieni, pɨxeta'eiya.

Tsutɨarika 26:32

Mɨkɨ tukaritsie 'Itsahaki teɨterimama mekaniu'axɨani mɨpaɨ me'utiyuatɨ xeime putsu hepaɨtsita: —Haa tekanetaxeiya tewati'ineka.