Mateu 7:24 - Kakaɨyari Niukieya

²⁴ »'Ayumieme, kemɨ'ane mi'enie 'ikɨ neniuki kenemutayɨ, meta yamɨtikatɨa mɨkɨ tewi mɨtimaiwepaɨ kani'aneni, mɨkɨ kaniyutakitɨani tetetsie.

Mateu 7:24 ပူးပေါင်းရင်းမြစ်များ

Wani 13:17

Xɨka 'ipaɨ xetemaika, xekaniyutemamawiekakuni xɨka yaxetekahuni.

Rukaxi 11:28

Ketsutsi mɨpaɨ kaniutayɨni: —Matsitsɨ pɨta, 'aixɨa meke'itɨarieka mɨkɨ Kakaɨyari niukieya memɨ'enie meta yamemɨtekahu.

1 Wani 2:3

Xɨka yatetekahuni kemɨti'aita, mɨpaɨ tekatenimaika temeitimakɨ.

Nɨawari 111:10

Xɨka xewitɨ timaiwetɨ heuyeimɨkɨni ke'itsutɨani Yawé 'ayemakatɨ, kemɨ'ane 'aitsika memaye'atɨa mekanimatsiɨkɨni, heitseriemekɨ yamekateniyurieka. Peuyewetse Kakaɨyari temɨnɨawani yuheyemekɨ.

Temaiwawemete 10:8

Kemɨ'ane yu'iyaritsie mɨtimaiwe mɨkɨ yapɨtikamie kemɨti'aitɨarie, peru 'axamɨtiyuriene yutemawietɨ meta 'axamɨtiniuki kanika'unariemɨkɨ.

Wani 14:15

»Xɨka xenetsinaki'erieka, yaxeketenekahuni kenemɨti'aita.

Wani 15:14

Xeme nenaki'erima xekanihɨkɨtɨni xɨka yaxetekahuni kenemɨtixe'aitɨa.

Kuwi 28:28

Hikɨ teɨteri mɨpaɨ katiniwarutahɨawe: «Ti'aitame 'ayemakatɨ mɨtimaiwenikɨ kanihɨkɨtɨni. 'Axamɨti'ane hepaɨtsita yukweriwayurietɨ: mɨkɨ mɨreutamaiwe pɨhɨkɨtɨni».

Wani 15:10

Xɨka yaxetekahuni kenemɨti'aita, xekaniyuhayewakuni nehetsie xetewiyatɨ, nexenaki'eriekaku ne, ne'ukiyari 'aitsikayatsie yanemɨtikamie hepaɨ, meta naki'eriyaya hetsie netiwiyatɨ.

Mateu 12:50

Karikɨ kemɨ'ane yamɨtiyuriene kemɨtinake ne'ukiyari taheima makawe, mɨkɨ kanine'iwatɨni meta kaninemaamatɨni.

Nɨawari 119:99

Matsi waɨkawa nepɨtimaiwe nete'ɨkitɨwamete nepɨwara'iwa, 'a'aitsika xeikɨa nemuku'eriwakɨ.

Nɨawari 119:130

Kepauka 'aniuki mukuxaxatsiwa mɨkɨ katanihekɨariwiyani, meta 'atsimɨkatimate kaneitimaitɨyeikani.

Temaiwawemete 14:8

Mɨtimaiwe yapɨtimate kemɨtiyurieni ke'anemekɨ mumieni, matsi mɨkatimaiwe yukɨmana puyukwamana.

Temaiwawemete 10:25

Kepauka wiyeri mumariwe mukuyani pukumawere 'axatiyuruwame, peru kemɨ'ane heitseriemekɨ yamɨtikamie yuheyemekɨ pɨtseɨyeni.

Temaiwawemete 12:7

'Axateyuruwamete mepatixɨrɨwe tawari hatsuaku mepɨka'anuku'uwe, matsi heitseriemekɨ yamemɨtekahu waniwema 'amepu'uwani yuheyemekɨ.

Mateu 7:25

'Ukawiyeku, hatuxame wayeneku, 'uku'ekaku, mɨkɨ kitsie 'ukexɨaku 'eka, kii pɨkahatiwe, tetetsie mutiwiyakaikɨ tsimiyenituyari.

Mateu 7:26

Peru kemɨ'ane 'i'enietɨ neniuki yamɨkatikamie, mɨkɨ tewi 'atsimɨkatimate hepaɨ kani'aneni xiekaripa muyutakitɨa hepaɨ.

Mateu 16:18

Netsɨ mɨpaɨ nekamatinahɨaweni 'ekɨ Pekuru pekanihɨkɨtɨni, 'ikɨ tetetsie nepɨwatsutɨani memɨyutixexeɨriwani nehetsɨa miemete, meta mɨkɨ mepɨka'a'iwarieni tsepa memukwi'iwaxɨ.

Mateu 24:45

»Ti'uximayatame yamɨtikamie meta mɨtimaiwe kanihɨkɨtɨni mɨyɨwe kutsiyarieya mɨtihɨritɨani mɨtiwa'aitɨakakɨ hipameta te'i'uximayatsiriwamete meta mɨtiwamikwanikɨ kepauka memeiyehɨwa.

Mateu 25:2

Yu'auxɨwitɨ mɨkɨ 'atsimemɨkatemate mepɨhɨkɨtɨkai, meta yu'auxɨwitɨ mepɨtemaiwawekai.

Mateu 25:4

Matsi, memɨtemaiwawekai hatseiti mekanehanɨni puteyutsie yɨkɨxeme hamatɨa.

Mateu 25:9

Memɨtemaiwawekai mɨpaɨ mekateniwaruta'eiya: “Hauyewetɨ mɨkahayeikanikɨ tahetsiemieme meta xehetsiemieme, matsi xekenehu 'ituayamete wahetsɨa, xekenetinanai yuhetsiemieme”.

Xumatari 2:13

Mɨkɨ memi'enie xeikɨa 'inɨari niukiyari, mɨkɨ heitserie mepɨkahexeiya Kakaɨyari hɨxie. Mɨkɨ yamemɨtekahu 'inɨari niukiyari kemaine, mɨkɨ pɨta heitserie mekanipitɨariekuni.