Mateu 7:2 - Kakaɨyari Niukieya

² Hipame wahetsie kexemɨte'uhɨpa, mɨpaɨta xeme xehetsie pɨrahɨiyani, kexemɨtewa'inɨatsirie hipame, yaxeikɨata xeme mɨpaɨ xepɨte'inɨatsiyarieni.

Mateu 7:2 ပူးပေါင်းရင်းမြစ်များ

Tsatiyaku 2:13

Kemɨ'ane mɨkatiyukanenimaya, 'itsɨkame ka'inenimayatɨ pitahɨawe. Matsi kemɨ'ane mɨtiyukanenimaya, Kakaɨyari 'inenimayatɨ kanitahɨawimɨkɨ.

Marikuxi 4:24

Mɨpaɨta kaniutayɨni: «Xekeneuyu'ɨwiya tita xemɨte'enie hepaɨtsita. Keti'inɨarime hipame xemɨtewamini, yaxeikɨata xeme mɨpaɨ ti'inɨarime xepɨtemikieni, meta 'etsiwa matsi 'anatekame.

Rukaxi 6:38

Xɨka xetewarini, xemeta xepɨtemikieni: 'Aixɨa ti'inɨatsiekame 'anukapɨnariekame, 'anutakatsiekame, 'anakaxɨrɨweme xepɨmikieni. Karikɨtsɨ hipame kexemɨtewaru'inɨatsiri mɨpaɨta xeme xepɨte'inɨatsiyarieni».

'Awiriyaxi 1:15

»'Ari kanehuraniri Yawé tukarieya meye'atɨanikɨ yunaime nuiwarite wahetsiemieme. 'Erumi, kepemɨtiuyuri, yakatiniyɨmɨkɨ 'ahetsie katininakeni 'uximatɨarika.

Matsiɨkɨtɨ kemɨratɨa 18:6

Tuminieyakɨ xeketenakapitɨa, tawarita matsi hepaɨna paɨmemekɨ ke'axamɨtiuyurikɨ, meta tekɨxita yuwinu hakewa meikatu'akai tawarita hepaɨna paɨmeme xekeneukawewiri.

2 Kurinitutari 9:6

'Ikɨ xekena'eriwani: Kemɨ'ane 'etsipaɨmeme muka'e yu'imɨari 'ikwerietɨ, 'etsiwa xeikɨa kanika'itsanamɨkɨ meta kemɨ'ane waɨkawa mika'eni, mɨkɨ 'anayuhayewame kanika'itsanamɨkɨ.

'Itsɨkate 1:7

Hikɨ 'Aruni-Wetseki mɨpaɨ kaniutayɨni: «Haika tewiyari heimana tamamata te'aitamete yu'itɨwame 'amɨpapa mewatiwitekiyarietɨkaitɨ meta yuketatetsie, nemexatɨa mɨranakaxɨrɨwe mekatenekukwa'akaitɨni. Kakaɨyari yaxeikɨa hikɨ pɨnetsi'uyuri». 'Ana Kerutsareme mekaneihana, manari kanemɨni.

Keremiyaxi 51:24

»Peru xeme xehɨxie nekatinekapitɨamɨkɨ Wawiruniya meta yunaime mana kiekatari 'axamemɨte'uyurikɨ Tsiyuni kiekariyaritsie —Yawe mɨpaɨ kanaineni—.

1 Tsamuheri 15:33

Tsamuheri mɨpaɨ katinitahɨawe: —'A'ixipara hipame 'ukarawetsixi mekaniwetɨkaime pɨwaruhayewaxɨ, 'ekɨta 'amaama kaniwetɨ kaniyuhayewamɨkɨ. Kirikari mɨrakutewatsie mana Yawé hɨxie, Tsamuheri 'Akaki kaneutixitexɨani.

Nɨawari 109:17

Pinakekai xeime 'axamuyurienikɨ, hikɨ 'axamɨ'itɨarienikɨ hetsiena ketiunake. Mɨka'inakekaikɨ xeime 'aixɨa muyurienikɨ, 'aixɨa mɨ'itɨarienikɨ hetsiena mieme keheteewani.

Kitsariyaxi 33:1

Xɨa'ui 'ekɨ, pemɨtiyuka'uname, 'akuxi pemɨkaka'unariewe. Xɨa'ui 'ekɨ, pemɨtiyukananaima, 'akuxi pemɨkananaimariewe. Kepauka 'ari pemɨtiyuka'una, 'ekɨta pepɨka'unarieni, kepauka pemɨtiyunanaimani, 'ekɨta pepɨnanaimarieni.

Keremiyaxi 34:17

»'Ayumieme Yawé mɨpaɨ kanaineni: “Mepɨkanetsi'anu'eniwawe, yu'iwama memɨkawahayewawekɨ. 'Ayumieme ne xehetsiemieme yanekanaineni mɨtitatuiyanikɨ —Yawé mɨpaɨ kanaineni—: kuyaxa nenitatuamɨkɨ, kwiniya meta haakaxa, kemɨxetiyuriekɨ kwiepa te'aitamete yunaitɨ menitimamakuni.

Mateu 6:14

»Xɨka xetewareuyehɨwirieni teɨteri 'axamemɨxeyurie, xe'ukiyari muyuawitsie makawe pɨxereuyehɨwirieni xemeta.

Memeyekɨ 21:24

xɨka xeime hɨxieya watituni mɨkɨta hɨxieya kewatitɨiyani, xɨka tameya 'anaye'una mɨkɨta tameya ke'anaye'unarieni, xɨka mamaya wayemura mɨkɨta mamaya yaxeikɨa, yatɨni 'ɨkaya xɨka wayemura mɨkɨta 'ɨkaya kewayemurarieni,

'Itsɨkate 5:27

'Ɨkatɨana kaniukaweni, mana 'ukaweka mana kaniuhuni. Manuwekai kaniukaweni, mana kaniukaweni mɨkitɨ.

2 Tsamuheri 21:5

Mɨkɨ mɨpaɨ mekatenita'eiya: —Tsahuri pɨtatsika'unamɨkɨkai, matsi katanakɨxɨtɨanikekaitɨni meta 'Ixaheri wakwieyaritsie katanayeweiya.