Mateu 6:34 - Kakaɨyari Niukieya

³⁴ 'Ayumieme xepɨkayu'iyaritɨaka 'uxa'a miemekɨ, 'uxa'ata peixeiyani 'iyaritɨarika. Xexuitɨ tukari peixeiyari 'axamɨti'ane.

Mateu 6:34 ပူးပေါင်းရင်းမြစ်များ

Mateu 6:25

»'Ayumieme mɨpaɨ nepɨtixekɨhɨawe: Xeketeneuhayewa xeyu'iyaritɨatɨ yutukari hepaɨtsita, tita tetekwani tita tete'ieni xeteyukɨhɨawetɨ, yuwaiyari hepaɨtsita xepɨkayu'iyaritɨaka tita tete'anakatɨxɨani xeteyukɨhɨawetɨ. ¿Tukari matsi waɨkawa kareuyewetse keyuri 'ikwai meta xewaiyari keyuri kemari?

Wani 14:27

Mɨpaɨ nepɨtixe'uhayewi, yu'iyaritsie xemɨka'uximatɨariekakɨ, nehepaɨ yu'iyaritsie xemɨka'uximatɨariekakɨ nepɨxepitɨa. Kwiepa memɨtama kememɨteyupitɨwa mɨpaɨ nepɨkatixepitɨa, xe'iyari pɨkayumuinaneni, meta pɨkamamaka.

Wani 16:33

'Ipaɨ nekatinixekuxaxatɨwakaitɨni yu'iyaritsie xemɨka'uximatɨariekakɨ nehetsie xetewiyatɨ. Kwiepa 'uximatɨarika xekanexeiyakakuni, yu'iyari xekeneukayetsa matsi, ne nekane'iwa tita kwiepa mɨtimieme.

Rukaxi 11:3

'Ikwai tukarikɨ ketemɨteheiyehɨwa, tukarikɨ yaketatinemikwani.

Hiwerika 3:23

Xexuime ximeriyaritsie pihekwariya kemɨtiyukanaki'erie, pɨmariwe ke'aixɨa mɨtiuka'iyari.

Mateu 6:11

'Ikwai ketaneumikwa hikɨ temeiyehɨwa.

Nɨ'ariekate 14:22

Teyɨ'ɨkitɨwamete wa'iyari mekaniutuikaxɨani metewakuxaxatɨwatɨ para yuri mete'erietɨ memɨyuhayewanikɨ, mɨpaɨ me'utiyuatɨ: «Peuyewetse waɨkawa te'uximatɨarieme temeutahaxɨanikɨ Kakaɨyari mɨra'aitatsie».

Hutarieka 'inɨari 33:25

'A'ituparite warita mauku'uwe tepɨa meta wurunitse tepɨayari pɨhɨkɨtɨni, 'apekereutere 'ape'uyeikatɨ petɨrɨkaɨyetɨ.

Mateu 6:27

¿Xeme kemɨ'ane pɨyɨwe yu'iyaritɨatɨ 'a'utewitɨ mayuyeitɨani xɨka 'etsi'utewini, xeitsikuriyari manawere?

Rukaxi 10:41

Ketsutsi mɨpaɨ katinitahɨawe: —Neuxei Marita, tiwaɨkawamekɨ pepɨti'a'iyaritɨa pepɨ'amuina,

Rukaxi 12:11

»Kepauka xemanuhapanieni tukiteta, kuwexinaruritsixi meta 'itsɨkate wahɨxie, xepɨkayu'iyaritɨaka kexemutiyuaneni yuhetsiemieme meta kehapaɨ xemutiyuaneni,

Rukaxi 12:22

Hikɨ mɨpaɨ katiniwarutahɨawe yuhetsɨa miemete teyɨ'ɨkitɨwamete: —'Ayumieme mɨpaɨ nepɨtixekɨhɨawe: Xepɨkayu'iyaritɨaka yutukari hepaɨtsita, kexemɨtekwani, yuwaiyari hepaɨtsita, kexemɨteyutikemaritɨani.

Piriputari 4:6

Xepɨkayu'iyaritɨaka tixaɨtɨ hepaɨtsita, matsi naimekɨ xeyunenewietɨ xe'iwawirietɨ pamɨpariyutsi xe'ipitɨatɨ, yaxeketeneutahɨawi Kakaɨyari tita xemɨte'iwawirie.

1 Pekuru 5:7

Kexemɨteyu'iyaritɨa, xeketeneyetuiri naime, mɨkɨta mɨxe'ɨwiyakɨ.