Mateu 6:21 - Kakaɨyari Niukieya

²¹ Hakewa pemɨrekuxeɨri piinitɨarika, manata 'a'iyari puyeikani.

Mateu 6:21 ပူးပေါင်းရင်းမြစ်များ

2 Kurinitutari 4:18

Peru tepɨkatekuwautɨwe tita temɨtexeiya, tita temɨkatexeiyawawe pɨta tekanikuwautɨweni. Tita temɨtexeiya 'apɨkatiteriwe, tita temɨkatexeiyawawe pɨta yuheyemekɨ 'apɨtiteriwe.

Rukaxi 12:34

Hakewa xemɨteheti'uta yupiinite mɨraye'atɨka, manata miemekɨ xe'iyari yakani'anemɨkɨ.

Temaiwawemete 4:23

Matsi 'a'iyari kene'ɨwiyani tinaime piinitɨarika hepaɨtsita, mɨkɨ hetsie tukari mayeneikakɨ.

Kitsariyaxi 33:6

Mɨkɨ pɨhɨkɨtɨni 'aixɨa 'iyari pemuyeikanikɨ, waɨkawa wikweitsitɨarika pɨmatsimini, meta pemɨtimaiwenikɨ meta pemɨtimaikakɨ, xɨka Yawé pemakaka mɨkɨ waɨkawa mɨraye'axe pɨhɨkɨtɨni 'ahetsiemieme.

Hepɨrayutsixi 3:12

Xekeneyukweriwayurieka, xeme ne'iwama, kapa xewitɨ xeme 'iyarieya 'axa'anenikɨ, kapa yuri kati'eriekakɨ 'ihayewamɨtɨ Kakaɨyari mayeniere.

Keremiyaxi 4:14

Kerutsareme, 'a'iyaritsie keneu'a'iti 'axamɨti'anekɨ, pemɨtawikweitsitɨarienikɨ. ¿Kepaukake pepɨtihayewa 'iyaritɨarika kemɨmatikuyuitɨwa?

Mateu 12:34

Xeme kuterixi xepɨhɨkɨ, xeme xepɨkayɨwawe 'aixɨa xemɨtekuxatani, xeme 'axaxepɨte'u'iyari. Tita yu'iyaritsie mɨtihɨniyani, mɨpaɨ katinikuxatamɨkɨ.

Nɨ'ariekate 8:21

'Ikɨ hepaɨtsita 'ekɨ heitserie pepɨkahexeiya, 'ahetsie pɨkatinakeni. 'A'iyari mɨkaheitseriekɨ Kakaɨyari hɨxie.

Keremiyaxi 22:17

»Peru 'ahɨxite meta 'a'iyari 'iwarika 'axamɨti'ane xeikɨa pukuwautɨwe, mepɨtekuwautɨwe xeikɨa 'atsimemɨkate'u'iyari waxuriya memɨtayeurienikɨ meta waɨriyarika memɨte'aitanikɨ meta nanaimarikakɨ».

Kirimuni 1:3

Kakaɨyari mɨta'ukiyari meta Tati'aitɨwame Ketsutsi Kɨritsitu, mɨkɨ 'aixɨa 'anemekɨ mekexepitɨaka yu'iyaritsie xemɨka'uximatɨariekakɨ.

Kirimuni 1:19

Ne Papuru nemamakɨ mɨpaɨ nepɨtiu'utɨa: ne nepɨrayukatuani, ne yanepɨkametitahɨawe 'ekɨ pemɨnerapiniriekɨ 'atukarikɨ.

Mateu 6:22

»Tahɨxi tawaiyari kɨxemeya kanihɨkɨtɨni. 'Ayumieme xɨka 'ahɨxi yuxewini 'aixɨa 'aneni, 'awaiyaritsie naitɨ pepɨhekɨariwiyarieka.