Mateu 6:2 - Kakaɨyari Niukieya

² »Kepauka pemiparewi tixaɨtɨ mɨkarexeiya, kuxineta pepɨka'aitani 'ahɨxie mɨhɨtsieriekakɨ pemɨxeiyarienikɨ, tukita kaye 'utɨa kememɨteyurie mɨkɨ memɨte'itawamete, teɨteri 'aixɨa memutiyuanenikɨ wahepaɨtsita. Yurikɨ mɨpaɨ nekanaineni, 'ari meheixeiyatɨ mepakɨ yu'iwarika.

Mateu 6:2 ပူးပေါင်းရင်းမြစ်များ

Mateu 6:5

»Kepauka xemɨyunenewie, mɨkɨ memɨte'itawamete wahepaɨ xepɨkayɨaka, pɨwanake tukipa memɨti'unikɨ meta 'itsikinatsie memɨti'unikɨ meyunenewietɨ teɨteri memɨwaxeiyanikɨ. Yurikɨ mɨpaɨ nekatinixehahɨaweni, 'ari meheixeiyatɨ mepakɨ yu'iwarika.

Mateu 6:16

»Kepauka xemɨyuhakiwa mɨkɨ memɨte'itawamete wahepaɨ xepɨkayɨaka. Mɨkɨ yuheiweriekate wahepaɨ meteyuxexeiyame mepayuyeitɨwa, meta yuhakiwamete wahepaɨ teɨteri memɨwaxeiyakɨ. Yurikɨ mɨpaɨ nepɨxerahɨawe, mɨkɨ 'ari meheixeiyatɨ mepakɨ yu'iwarika.

Wani 5:41

»Tita teɨteri memɨtexata witsimenetexeiyatɨ, mɨkɨ nepɨkanaki'erie.

Hepɨrayutsixi 13:16

Mɨkɨ meta, xepɨkatehatɨtɨmaiyani 'aixɨa xemɨteyuriekakɨ xemɨteyumikwanikɨ, mawari mɨpaɨ mɨ'ane pinake Kakaɨyari.

Rukaxi 20:46

—Xekeneyukweriwayurieka mɨkɨ 'inɨarikɨ memɨte'ɨkitamete wahepaɨtsita. Mɨkɨ pɨwanake 'etɨtɨme me'anakatɨtɨ memeu'uwanikɨ, meta yemekɨ pɨwanake waɨritsika memɨpitɨarienikɨ kiekari hixɨapa meta teɨteri wahɨxie memayaxekɨ tuki 'etsimɨpepeta, meta kiekame 'aurie memayaxekɨ 'ixɨararipa.

Wani 7:18

Kemɨ'ane yɨkɨmana mutaine katinikuwauneni witsimɨtikɨhɨawarɨwanikɨ. Kemɨ'ane mɨtikuwauneni witsimɨtikɨhɨawarɨwanikɨ pɨta 'iya meiyenɨ'a, mɨkɨ yuri paine, tita mɨkatiheitserie pumawe hetsiena.

1 Pekuru 4:11

Xɨka niukametɨni, Kakaɨyaritsie mieme 'utaniutɨ ketikuxatani. Xɨka tiparewiwametɨni, mɨpaɨ ketiwaparewieka Kakaɨyari kemɨtitɨrɨkariya. Mɨpaɨ xeteyuriekaku, Ketsutsi Kɨritsitu yatixepitɨakaku, Kakaɨyari witsikatinikuxaxatsiwamɨkɨ naimekɨ. Mɨkɨ witsiketikɨhɨawarɨwani, tɨrɨkariya kepitɨarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Nɨawari 37:21

'Axamemɨte'u'iyari mekaniyuniɨrɨweni, peru mepɨkateyutuarita, matsi heitserie memexeiya mepɨteyumikwa 'aixɨa 'anemekɨ.

'Epetsutari 4:28

Kemɨ'ane mɨtinawayakai ketiuhayewa tinawanetɨ, ketikumaɨwani matsi yumamakɨ 'aixɨa tiyurienetɨ, mɨrexeiyanikɨ mɨkɨ memɨteheuyehɨwa mɨtiwayetuiriwanikɨ.

Karatsiyatari 2:10

xemɨwara'eriwanikɨ xeikɨa tixaɨtɨ memɨkatehexeiya me'utiyuatɨ. Netsietɨ 'aixɨa 'iyarikɨ mɨpaɨ nemɨtiyurienenikɨ nepɨnewaɨriya.

Nɨ'ariekate 10:4

Kuxineriyu 'ixeiyatɨ waɨkamekɨ kanimakaitɨni mɨpaɨ katinita'iwawiya: —¿Ketita 'aku neti'aitɨwame? Niuki tuayame mɨpaɨ katinita'eiya: —Kakaɨyari 'anenewieri kaniu'enieni 'anenimayatsika meta 'a'uximayatsikatsie kepemɨtiyuriene mawari pewewietɨ.

'Utseyaxi 8:1

»Kuxineta keneutahɨtsiri 'inɨari mayanikɨ. Kwixɨ hepaɨ 'akanamieni mɨkɨ waneɨkixiwi Yawé teɨterimama wahetsɨa. Tɨratu ketemɨte'uwewi mɨkɨtsie yamepɨkatekakɨ meta ne'inɨari niukiyari mɨkɨ mepuku'eiri,

1 Timuteu 6:18

Mɨpaɨ ketiniwa'aitɨaka meta 'aixɨa memɨte'uximayakakɨ, memeuka'unikɨ 'aixɨa meteyurietɨ, 'aixɨa memɨte'u'iyarinikɨ, hipame wahamatɨa memɨyuxewinikɨ.

Xumatari 12:8

xɨka tetetutuikametetɨni, tepɨwatuikani. Kemɨ'ane mɨtiwamikwa, 'aixɨa 'iyarikɨ ketiwamikwani, kemɨ'ane mɨti'aita, yapɨtiyumexɨitɨa, kemɨ'ane mɨwanenimaya hipame, yutemawietɨ yaketiyurieneni.

Nɨ'ariekate 24:17

»Hikɨ ne tumini nekaniuxeɨrieni neteɨterima Kerutsareme kiekatari wahetsiemieme, yapaɨmexɨa wiyari mɨpaɨ nekatiniyurienekaitɨni. Manaketa 'imikieri ne'a'ɨtɨ nekaninuani.

Nɨ'ariekate 10:31

mɨpaɨ kanetiniutahɨawe: “Kuxineriyu 'aku, Kakaɨyari 'anenewieri pu'eni meta yapɨretima kepemɨti'uximaya peti'akanenimayatɨ.

Nɨ'ariekate 10:2

Mɨkɨ Kakaɨyari 'ayemakatɨ yakatinikamiekaitɨni, meta yunaitɨ kiena kiekatari. Waɨkawa katiniyurienekaitɨni teɨteri wahetsiemieme wanenimayatɨ, Kakaɨyari nenewieri pɨpitɨakai yuheyemekɨ.

Nɨ'ariekate 9:36

Hikɨ tiyɨ'ɨkitɨwame 'uka Kupetsie nekateitɨni Tawita titewatɨ (taniukikɨ Rurukaxi titewatɨ, Maxama titewatɨ). Mɨkɨ 'aixɨa ti'aneneme katiniyurienekaitɨni kwini mieme, katiniyukanenimayakaitɨni.

Wani 13:29

Kura watumini maname mahanakaikɨ, hipatɨ mɨpaɨ mekateniku'eriwakaitɨni Ketsutsi mɨpaɨ rehɨaweme mekani'eriekaitɨni: Tita temɨteuyehɨwa 'ixɨararipa ketinenanaimie, yatɨni tumini mɨwa'ɨitɨanikɨ tixaɨtɨ memɨkatehexeiya meteku'eriwatɨ.

Wani 5:44

¿Kexeteyɨwawe yuri xemɨteta'erienikɨ xɨka xe'itanaki'erieni tita xemɨtexata witsixeteyuxeiyatɨ, xɨkarita xekatekuwautɨweni 'iya muyuxewi Kakaɨyaritɨtɨ witsimɨtixexeiyanikɨ xeme?

Rukaxi 6:42

¿Kepaɨtɨtɨ petiyɨwe mɨpaɨ pemɨtitahɨawekɨ 'a'iwa: “Neuxei ne'iwa, nepiwaye'itieni xatsi 'ahɨxita meutawiwi”, peka'ixeiyatɨ keuruwi 'ahɨxita meutawe? Yakɨtsɨ peputaine xeikɨa. Keniwaye'iti meri mɨkɨ keuruwi 'ahɨxita meutawe, 'ana 'aixɨa 'anemekɨ peheunieretɨ pekanayeimɨkɨ pemiwaye'itirienikɨ xatsi 'a'iwa hɨxita meutawiwi.

Marikuxi 12:39

teɨteri wahɨxie memayaxekɨ tuki 'etsimɨpepeta meta kiekame 'aurie memayaxekɨ 'ixɨararipa.

Temaiwawemete 20:6

Yumɨiretɨ mɨpaɨ meputiyuane kename 'ahetsie metewiya, ¿kemɨ'ane pɨyɨwe tewi 'aixɨa mɨtiuka'iyari mɨtaxeiyakɨ yuri mɨti'eririekakɨ?

Temaiwawemete 19:17

Tixaɨtɨ mɨkarexeiya xɨka tumini pe'umini Yawé pekaniniɨtɨaka. Mɨkɨ Yawé pumerakapitɨani 'aixɨa kepemɨtiuyurikɨ.

Nɨawari 112:9

Tixaɨtɨ memɨkatehexeiya pɨtiwamikwa tita mɨrexeiya, ke'aixɨa mɨtiyuriene yuheyemekɨ katiniyurieneni, kemɨtiyurieneni 'aixɨa 'anemekɨ pɨmatiwani.

Kirimuni 1:7

Ne'iwa nepɨnetemawie 'ahetsiemieme 'ekɨ kepemɨti'akanaki'eriekɨ meta nepɨnɨtɨarie waɨkawa, Kakaɨyari teɨterimama memɨpatsie mekanitseiriyarieka yu'iyaritsie, 'ekɨ kepemɨtiyuriene.

1 Tetsarunikatari 2:6

Tepɨkatekuwautɨwekai teɨteri tahepaɨtsita 'aixɨa memutiyuanenikɨ, nixeme nihipatɨ.

Nɨ'ariekate 11:29

Yuxexuitɨ teyɨ'ɨkitɨwamete kememɨteheixeiyakai, mekaniyuwaɨriyakaitɨni tixaɨtɨ memɨte'anunɨ'anikɨ memɨwaparewienikɨ yu'iwama Kureyatsie memɨtamakai.

Rukaxi 13:15

Hikɨ Ti'aitame mɨpaɨ katinita'eiya: —Xemɨte'itawamete. ¿Yuxexuitɨ xeme 'uxipiya tukariyaritsie xekatewaxɨna yutuurutsixi kwietsanamete yupuxurima hakewa memakuwɨ, xekatewarehapana xekatewaharitɨwa?

Rukaxi 12:56

Xemɨte'itawamete. Xepi'inɨatawawe kwie kemɨtiyuxexeiya muyuawi meta. ¿Titayari xekate'i'inɨatawawe 'ikɨ tukaritsie mieme?

Rukaxi 12:33

Xeketenetuaka yupiinite, xeteyuparewietɨ xeketeneyumikwani. Xekenanuhuri tumini maname mɨkaye'iriwe, taheima xekeneuti'uta tita mɨkatixɨwe, hakewa tinawayame 'ahurawa mɨkaheyeika hakewa kwitsi mɨkaretikwitamawa.

Rukaxi 11:43

»Xɨa'ui xeme paritseutsixi. Pɨxenake yunaime wahɨxie xemayaxekɨ tuki 'etsimɨpepeta meta xemɨwaɨritɨarieka kiekari hixɨapa.

Rukaxi 11:41

Matsi taɨtana miemekɨ xeketeneyumikwani xeteyukanenimayatɨ, mɨkɨkɨ naitɨ 'itiyatɨ kanayeimɨkɨ xehetsiemieme.

Rukaxi 6:24

»Matsi xɨa'ui, xeme xemɨxikutsixi, 'ariri yunaki'eriya xekanaye'atɨani.

Marikuxi 7:6

Mɨkɨ mɨpaɨ katiniwaruta'eiya: —Kitsariyaxi 'aixɨa putayɨ tihekɨatatɨ xeme xehepaɨtsita, xemɨte'itawa, mɨpaɨ katine'uka: »“'Ikɨ teɨteri yutenikɨ xeikɨa 'aixɨa meputiyuane nehepaɨtsita, peru wa'iyari 'ateewa puyeika.

Mateu 24:51

Waɨkawa pi'uximatɨani meta mɨkɨ memɨte'itawamete wahepaɨ pɨtipitɨani. Manari putatsuakani puyutikeweni.

Mateu 23:6

Pɨwanake kiekame 'aurie memayaxekɨ 'ikwai 'ixɨararipa meta teɨteri wahɨxie memayaxekɨ tuki 'etsimɨpepeta,

Mateu 22:18

Ketsutsi timaitɨ 'axameteniukutɨ memutiyuanekaikɨ mɨpaɨ kaniutayɨni: —Xemɨte'itawamete. ¿Titayarikuta xenetewiniyatɨwe?

Mateu 16:3

meta ximeri mɨpaɨ xeputiyuane, kename kawiye haiwitɨri 'aheutsuye. Xeme xepimate kemɨtiyuxexeiya haiwitɨri, peru xepɨkayɨwawe xemeitimani hikɨ kenemɨtiyuriene mɨkɨ Kakaɨyari 'inɨarieya kanihɨkɨtɨni.

Mateu 15:7

Xemɨte'itawamete. Kitsariyaxi 'aixɨa putayɨ tihekɨatatɨ xehepaɨtsita, mɨpaɨ 'utaitɨ:

Kitsariyaxi 58:7

Hakiya kani'ayumiemetɨni meuhakamɨkɨ hamatɨa pemɨtikwanikɨ, meta 'aixɨa pemɨtiwakiitɨanikɨ memɨka'ukii, mɨkarekakemari pemɨtikemaritɨanikɨ, meta kemɨ'ane 'ahepaɨ memɨ'anene hupemɨkawaraxɨrɨwanikɨ.

Kitsariyaxi 9:17

'Ayumieme Ti'aitame temari 'aixɨari pɨkatiwaxeiya, nutuite meta wiuraxi pɨkawatinenimayata, mɨkɨ yunaitɨ 'axamemɨteyuruwametekɨ, wateni 'axamɨti'anene pɨtikuxata. Tsepanetɨ 'ikɨ naitɨ mɨyamɨtiɨyɨ, Kakaɨyari haxɨaya pukaheunuawe, matsi 'akuxi yumamá kanitatseratɨkani.

Ti'ɨkitame 11:2

Me'atahutame yatɨni me'atahaikame ketiniwarumikwa tita pemɨrexeiya, 'atsipemɨkatimatekɨ tita 'uximatɨarikayari 'umɨramie 'ena kwiepa.

1 Tsamuheri 15:30

Merikɨte Tsahuri mɨpaɨ katinita'eiya: —'Axanepɨtiuyuri. Peru hikɨ nepɨmatsiwawirie 'ukirawetsixi neteɨterima wahɨxie meta 'ixaheritsixi meketemaika kenemɨti'aitame. Meta Yawé 'akakaɨyari temɨtahɨawekɨ tanaitɨ keneukunua.

Mateu 7:5

Yakɨ peputaine xeikɨa. 'Ahɨxita meri keniwayehɨwa keuruwi, mɨpaɨke 'aixɨa pereunieretɨ pekanayeimɨkɨ pemiwaye'itirienikɨ xatsi 'a'iwa hɨxita meutawiwi.

Mateu 5:18

Yurikɨ mɨpaɨ nepɨxerahɨawe, mexi kataxɨwe muyuawi meta kwie, xeihɨxiyari xeituniyari pɨkatatɨmaiyarieni 'inɨari niukiyaritsie mieme, naitɨ mexi karaye'awe.

Kitsariyaxi 10:6

Nekanitanɨ'amɨkɨ xeinuiwariyaritsie 'axamemɨteyurie wahetsɨa, nekanitanɨ'amɨkɨ teɨteri memɨnetsihaxɨatɨa wehetsɨa, memɨtewanawatsirienikɨ meta tita waɨkawa memɨtehexeiya, meta memuwatiketsinikɨ haxu kaye 'utɨa mɨtikani hepaɨ.

Mateu 6:3

Matsi 'ekɨ pɨta kepauka pemɨwaparewie tixaɨtɨ memɨkatehexeiya, 'atsipepɨkatayɨni, 'amamá 'a'utata mieme 'atsipɨkatimaika kemɨtiyuriene 'atserieta mieme,

Mateu 23:5

»Naime kememɨteyurie, yamepɨteyurie teɨteri memɨwaxeiyakɨ xeikɨa: Yukanata mepeyatsatɨka nawi kakuniyari 'aneneme hetsiena niuki mɨye'uxa, meta 'apɨnene wa'ɨkari putuniyari.

1 Kurinitutari 13:3

Xɨka tixaɨtɨ memɨkatehexeiya nepiinite naime netiwaruminike, xɨka neneyetuanike newaiyari mɨtataiyarienikɨ, peru xɨka nekatinekanaki'eriekake, tixaɨtɨ nepɨkara'iwakeyu.