Mateu 6:16 - Kakaɨyari Niukieya

¹⁶ »Kepauka xemɨyuhakiwa mɨkɨ memɨte'itawamete wahepaɨ xepɨkayɨaka. Mɨkɨ yuheiweriekate wahepaɨ meteyuxexeiyame mepayuyeitɨwa, meta yuhakiwamete wahepaɨ teɨteri memɨwaxeiyakɨ. Yurikɨ mɨpaɨ nepɨxerahɨawe, mɨkɨ 'ari meheixeiyatɨ mepakɨ yu'iwarika.

Mateu 6:16 ပူးပေါင်းရင်းမြစ်များ

Nehemiyaxi 1:4

Mɨpaɨ netiu'enaka, ne'utatsuatɨ nekanayani, mɨixa tukari neninehiweriekaitɨni, nekaniunehakieni, meta neyunenewietɨ Kakaɨyari muyuawitsie makawe newawirietɨ.

Tanieri 9:3

Hikɨ 'ana nekaniuyutinenewietɨyani meta Yawé nekakaɨyari yanekatinahɨawekaitɨni. Neyunenewietɨ 'akuxita nekaniyuhakieni meta hiwerika kamixayari nekananakatɨni, meta naxipa nekaniutayerɨni.

Rukaxi 18:12

Ne matsi hutakɨa nepunetihakiwa xexuime tsemanatsie, ne'iwarika tamamatatsie mieme xeime nepɨyetuaya tukita”.

Marikuxi 2:18

Merikɨtsɨ Wani hetsɨa miemete teyɨ'ɨkitɨwamete meta paritseutsixi mewaxeiyatɨ memuyuhakiximekaikɨ, hipatɨ me'u'axɨaka, Ketsutsi mɨpaɨ mekateniuta'iwawiya: —¿Titayari Wani hetsɨa miemete teyɨ'ɨkitɨwamete meta paritseutsixi wahetsɨa miemete meteyuhakiwa, 'ahetsɨa miemeteta teyɨ'ɨkitɨwamete mekateyutihakiwa?

Nɨawari 69:10

Kepauka nemutatsuakatsie meta kepauka nemɨnehakietsie, nekatininewiekamɨkɨ kememɨnetehahɨaweni,

Nɨawari 35:13

metsɨ kepauka mɨkɨ memɨtekukuyeni ne hiwerika kamixayari nepanakatɨkɨkai, nenutuixietɨ nepayeikakai nepɨnetihakiwakai. Ne matsi nepɨnenenewiekai ne pɨta nemɨtikuyenikɨ.

Nɨ'ariekate 14:23

Naitsarie memɨyutixexeɨriwatsie wa'ukiyarima mekananayexeiyarieni. Meyutanenewieka me'uyuhakieka mepihɨritɨa Ti'aitame, mɨkɨ yuri memɨte'uta'erikɨ hetsiena.

Mateu 6:5

»Kepauka xemɨyunenewie, mɨkɨ memɨte'itawamete wahepaɨ xepɨkayɨaka, pɨwanake tukipa memɨti'unikɨ meta 'itsikinatsie memɨti'unikɨ meyunenewietɨ teɨteri memɨwaxeiyanikɨ. Yurikɨ mɨpaɨ nekatinixehahɨaweni, 'ari meheixeiyatɨ mepakɨ yu'iwarika.

Mateu 6:2

»Kepauka pemiparewi tixaɨtɨ mɨkarexeiya, kuxineta pepɨka'aitani 'ahɨxie mɨhɨtsieriekakɨ pemɨxeiyarienikɨ, tukita kaye 'utɨa kememɨteyurie mɨkɨ memɨte'itawamete, teɨteri 'aixɨa memutiyuanenikɨ wahepaɨtsita. Yurikɨ mɨpaɨ nekanaineni, 'ari meheixeiyatɨ mepakɨ yu'iwarika.

'Etsitexi 4:16

«Kenemieka mɨpaɨ ketineyuri keniwarekuxeɨri yunaime huriyutsixi Tsutsa kiekatari, para memeyuhakienikɨ nehetsiemieme. Haika tukari xepɨkatehekwaka xepɨkahehareka tukarikɨ meta tɨkarikɨ. Neta nepɨnehakieni neparewiwamete teyunaitɨ xehepaɨ. Kepauka nemɨraye'atɨani, ti'aitame hɨxie nepɨtakeni, tsepa 'inɨari mɨkahaine hepaɨ. Xɨka ne'umierieni, tsepa neketiumierie».

2 Tsamuheri 12:16

Rawiri Kakaɨyari kaniwawiriekaitɨni hetsienamieme yuhakietɨ, tɨkarikɨ kwiepa 'ukaitɨ tihɨximawetɨ kaniukatariyarɨwakaitɨni.

Nɨawari 109:24

Haakakɨ nepɨkakewe ne'ɨkate pɨwerarani, ne'umete kaniyuhekɨkɨaka newaiyaritsie.

1 Te'aitamete 21:27

Kepauka 'Akawi 'ikɨ niuki mu'eni, mɨkɨ yukamixa kaneukatsana, hiwerika kamixayari kananakatɨni meta kaniyuhakieni. Mɨpaɨ rekamixatɨ kaniukahupukaitɨni meta nutuixietɨ kanikuyeikakaitɨni.

2 Kurinitutari 11:27

Neti'uximayatɨ meta waɨkawamekɨ ne'uxetɨ, mɨixa tukari nekakutɨ, neheuhakamɨtɨ meta neheuharimɨtɨ, mɨixa tukari nekatikwatɨ, neyexerimɨnetɨ meta nekaheukemaritɨ nepɨyɨane.

1 Kurinitutari 7:5

Xepɨkatekuhayeikawani xeyukumaɨwatɨ, xeyu'enietɨ xekeneyɨaka 'etsiwa xɨka yaxeteheuterikuni, xemuyunenewiekakɨ xemɨ'ayumiemetetɨnikɨ, mɨixa xepɨkayurieka tawari xeyuxewitɨ xe'akɨneke, kapa Kauyumarie xe'uta'inɨatakɨ, xekayɨwawekaku xemɨyukumaɨwanikɨ.

Rukaxi 2:37

'umɨku yuxaɨta 'eniukateitɨni. Tuki kuraruyarita pɨkawayeyeikakai matsi yuhakietɨ yunenewietɨ pɨ'ayumiemetɨkai tukarikɨ tɨkarikɨ.

Marakiyaxi 3:14

»Xeme mɨpaɨ xekaniutiyuani: “Kakaɨyari xɨka 'ayexeiyani yakɨ xeikɨa pɨtiyu'uxitɨaka. ¿Tita teteha'iwa xɨka 'aitsikateyatsie yatetekahuni meta Yawé Naimekɨmɨtɨrɨkaɨye hɨxie te'u'uwani hiwerika kamixayari te'anakatɨtɨkaitɨ?

2 Tsamuheri 12:21

'Iparewiwamete mɨpaɨ mekatenita'iwawiya: —¿Kehepaɨtɨtɨri mɨya pepɨyɨane? Kepauka nunutsi mayenierekaitsie 'ekɨ matsi pekaniyuhakiekaitɨni meta petiutatsuakakai, hikɨta matsi kutana 'ekɨ pe'anukukeka petikwa'a.

2 Kurinitutari 6:5

tetiweiwatɨ, te'anutaxɨriwatɨ meta teɨteri meyuxamurietɨwekaku, waɨkawamekɨ tete'uximayatɨ, tetahɨtɨatɨ meta teyehakakwitɨwetɨ.

Nɨ'ariekate 10:30

Kuxineriyu mɨpaɨ katinitahɨawe: —Ranuka'atu nepɨnehakiekai 'epauka. Tau kɨa kakaiku ne ninenenewiekaitɨni nekiita. Yapauka xewitɨ nehɨxie putake 'ixuriki merɨkaɨyeme 'anakatɨtɨ

Mateu 6:1

»Xekeneyukweriwayurieka kapa kemɨtiheitserie xeteyurieka teɨteri wahɨxie, mɨkɨ memɨxexeiyakɨ xeikɨa. Mexɨka wahɨxie xeikɨa yaxeteyurieka, xe'ukiyari taheima makawe tixaɨtɨ pɨkatixepitɨani xe'iwarika.