Mateu 6:12 - Kakaɨyari Niukieya

¹² Ketatineuyehɨwirieka 'axatemɨte'uyurikɨ tameta temɨtewareuyehɨwirikɨ mɨkɨ 'axamemɨtatsi'uyuri.

Mateu 6:12 ပူးပေါင်းရင်းမြစ်များ

'Epetsutari 4:32

'Aixɨa xete'u'iyaritɨ xekenakɨni, xekeneyunenimayaka, xeketeneuyuyehɨwirieka, xeme Kakaɨyari kemɨtixeheuyehɨwiri Kɨritsitu hetsie xetewiyakaku.

Marikuxi 11:25

Kepauka xemɨyunenewie, xɨka xeime hamatɨa 'aixɨa xekateyuxeiyani xeketeneuyehɨwirieka, xemeta xe'ukiyari muyuawitsie makawe mɨtixeheuyehɨwiriekakɨ, 'axakexemɨteyurie.

'Epetsutari 1:7

Mɨkɨ xuriyaya mutayeuriyakɨ, hetsiena tetewiyatɨ tekaniuxɨnarieni. Tekateneuyehɨwiyarieni 'axaketemɨte'uyuri. Mɨpaɨ katatineuyehɨwirieni kwinimieme 'aixɨa tiuka'iyaritɨ.

Kurutsetari 3:13

Xekeneyunewieka, xeketeneuyuyehɨwirieka xɨka xewitɨ 'itaniukimani xeime. Ti'aitame kemɨtixeheuyehɨwiri, xemeta hepaɨna xekeneyɨaka.

Rukaxi 11:4

'Axaketemɨte'uyuri ketatineuyehɨwirieka, tameta temɨtewareuyehɨwiriekaku mɨkɨ 'axamemɨtatsiyurie yunaime. Pepɨkatatsipitɨaka temɨta'inɨatsienikɨ”.

Rukaxi 6:37

»Hipame wahetsie xɨka xekate'ahɨpani, xehetsieta pɨkarahɨiwani. Xɨka xekateyuxanetani, xemeta xepɨkaxanetsieka. Xɨka xekawaranutaxɨrɨwani, xemeta xepɨka'anutaxɨriyani. Xɨka xetewareuyehɨwirieka, xemeta xepɨteheuyehɨwiyarieni.

Memeyekɨ 34:7

nepɨtiuyukanaki'erie 'atsita xeimiriyari nuiwariyaritsiepai 'arike, nepɨyɨweta xeime nemɨreuyehɨwirienikɨ xɨka 'axatiuyurieni, xɨka kahau'enani, meta xɨka xurikime hexeiyani, peru nepɨkayɨwe nemihayewa kemɨ'ane mɨrapine nemɨkatikwinitɨanikɨ, matsi paapaya, nu'aya, teukarieya, meta tutsieya nuiwariyaya pɨwa'uximatɨwa.

Nɨawari 32:1

Keyutemawieka kemɨ'ane 'inɨari niukiyari heutitsanaxɨaka mɨreuyehɨwiyarie, kemɨ'ane 'axatiuyurieka mu'itiya.

Nɨawari 130:4

Peru 'ekɨ pepɨtareuyehɨwiriwa, 'ayumieme peuyewetse temɨmetsi'ayemakaxenikɨ.

1 Te'aitamete 8:39

'ekɨ keniwaru'eni muyuawitsie paitɨ, hakewa pemeyeika, meta ketiniwareuyehɨwiri. Yakeniwaruyuri yuxexuitɨ kememɨte'u'uwakai, 'ekɨtsɨ pekatinimaika, 'ekɨ xeikɨa tewi 'iyarieya pekanimaika.

1 Te'aitamete 8:30

Keneneu'eni waɨkawa kenemɨmatiwawirie ne ti'a'uximayatsiriwame meta 'ateɨterima 'ixaheritsixi kepauka memɨyunenewie 'uwa. Ketane'enieka muyuawitsie paitɨ, hakewa 'ekɨ pemeyeika, ketaneu'eni meta ketatineuyehɨwiri.

Kitsariyaxi 1:18

Yawé mɨpaɨ kanaineni: «Xekenakɨni, 'aixɨa tepɨtayurieni 'ahekɨakamekɨ, ¿'Axakexemɨteyuriekɨ xuriya muweka hepaɨ ti'ane? 'Ɨwi hepaɨ tituxatɨ kanayeimɨkɨ. ¿'Axakexemɨteyuriekɨ tixeta mɨyɨtsikimaɨyeni hepaɨ? Muxa huxarieya mutuxa hepaɨ kaniyɨmɨkɨ.

Tanieri 9:19

Yawé, ketaneu'eni. Yawé, ketatineuyehɨwiri. Yawé, ketananu'eni meta yaketineuyuri. Nekakaɨyari, 'aixɨa pemɨtikuxaxatsiwanikɨ yaketineuyuri meta 'apepɨkareutewini tawarita matsi, pekanahɨawarɨwani 'akiekari meta 'ateɨterima wahetsiemieme”.

1 Te'aitamete 8:34

'ekɨ keniwaru'eni taheima muyuawitsie paitɨ meta ketiniwareuyehɨwiri 'ateɨterima 'ixaheritsixi ke'axamemɨte'uyuri meta keniwarakunuitɨa 'ikɨ kwieyaritsie wa'ukiyarima pemɨwayetuiritsie.

1 Te'aitamete 8:50

Ketiniwareuyehɨwiri 'ateɨterima, 'axamemɨte'uyuri 'ahepaɨtsita, ketiniwareuyehɨwiri naime titakɨ memɨmatehiweritɨakai. Yaketineuyuri memɨwaraye'unie memɨwatinenimayatakɨ,

Nɨ'ariekate 13:38

»'Ayumieme mɨpaɨ xeketenemaika xeme ne'iwama, Ketsutsi hetsiemieme mɨpaɨ tepɨtexehekɨatɨa, tita 'axaxemɨteyurie xemɨteheuyehɨwiyarienikɨ,

Mateu 9:2

Hikɨ mana hipatɨ teɨteri huriekame mekani'atɨirieni 'itaritsie yekaime. Ketsutsi waxeiyatɨ yuri kememɨte'eriekai mɨpaɨ huriekame katiniutahɨawe: —Yukɨ pepɨkati'akɨhɨaweni, nehamiku, 'ari pepɨreuyehɨwiyarie 'axapemɨtiuyurikɨ.

Mateu 26:28

'Ikɨ kaninexuriyatɨni, mɨkɨ tɨratu mɨhekwa 'aixɨa kaniyurimɨkɨ Kakaɨyari meta yuteɨterima wahamatɨa mieme. Yumɨireme wahetsiemieme kanitayeurimɨkɨ memɨteheuyehɨwiyarienikɨ ke'axamemɨte'uyurikɨ.

Rukaxi 13:4

¿Mɨkɨ meta tamamata heimana 'atahaika memɨyupaɨmekai wahetsie mukawe Tsiruhe tuxiyuyari mɨwarukwi, kexeteku'eriwa mɨkɨ wahepaɨtsita, kemetematsiɨkɨ kename matsi kwinimieme wahetsie rahɨiwakai, hipatɨ teɨteri Kerutsareme memɨtama yunaime wahetsie kemɨkarahɨiwakai?