Mateu 5:6 - Kakaɨyari Niukieya

⁶ 'Aixɨa mekani'itɨarieka mɨkɨ memɨyuwaɨriya heitseriemekɨ yamemɨtekahunikɨ yaxeikɨa tewi hepaɨ meuhakamɨkɨ meuharimɨkɨ hepaɨ, yamepɨtepitɨarieni mepɨtihuxani.

Mateu 5:6 ပူးပေါင်းရင်းမြစ်များ

Wani 4:14

peru kemɨ'ane manuhareni ne ne'iharitɨayu tawariri hatsuaku pɨkaheuharimɨkɨni, matsi mɨkɨ haa nemiharitɨani, mɨkɨ haixa kanayeimɨkɨ hetsiena 'atineikatɨ tukari mɨkaxɨwe 'ipitɨatɨ.

Nɨawari 107:9

Kemɨ'ane meuharimɨkɨ mɨkɨ pɨharitɨa, meta kemɨ'ane meuhakamɨkɨ 'aixɨa mɨti'anekɨ pitahuxaitɨa.

Wani 6:27

Xepɨkate'uximayaka 'ikwai mɨtipɨniwe xema'iwakɨ xeikɨa. Xeketene'uximayaka pɨta xeme'iwakɨ 'ikwai 'amɨtiteriwe tukari mɨkaxɨwe mɨxepitɨatsie Yuri Tewi mɨtixemini. 'Ukiyarieya Kakaɨyaritɨtɨ mɨkɨ kaniu'inɨaritɨani.

Nɨawari 145:19

Pɨraye'atɨwa kememɨtehehɨawe meteheuyehɨatɨ memeyemakaxe, wahiwari 'aiwariyari 'enietɨ yapɨtikamie meta puwawikweitsitɨa.

Wani 7:37

Hikɨ patsiekamekɨ memuyukuxexeɨriwa tukariyaritsie 'ixɨarari heutiparirɨmekaku, Ketsutsi mana 'utakeka, kanahiwakaitɨni mɨpaɨ 'utaitɨ: —Xɨka tewi heuharimɨkɨni, nehetsɨa kenuani, ke'anuhareni.

Matsiɨkɨtɨ kemɨratɨa 7:16

Hatsuakuri mepɨkaheuhakakwikuni, mepɨkaheuharikuni. Tau pɨkawaxɨrimɨtɨaka, xɨri pɨkawa'uximatɨaka.

Rukaxi 6:21

'Aixɨa xekani'itɨarieka xeme hikɨ xemeuhakakwiku, xekanitihuxaikuni. 'Aixɨa xekani'itɨarieka xeme hikɨ xemutitsuana, xekaniutinawekuni.

Kitsariyaxi 44:3

kwie meuharimɨkɨ hakɨ nekanakuhatuiyamɨkɨ, kwie mɨwaki, haixa 'akiyari nekaniuyetuaxɨamɨkɨ, ne'iyari 'anuiwarima nekaniwapitɨamɨkɨ, meta 'aixɨa nekaniwayurimɨkɨ kemɨ'ane memɨtiyɨrarɨme 'anuiwarima,

Rukaxi 1:53

Memeuhakakwikukai kaniwarutihɨniya 'aixɨa mɨti'anekɨ, peru memeuka'ukai kaniwareutanɨ'axɨani memamaweme.

Kitsariyaxi 65:13

'Ayumieme, mɨpaɨ kanaineni Yawé naimekɨmɨyɨwe: «Nete'uximayatsiriwamete mepɨtekwaka, peru xeme xepɨhaakakwini, nete'uximayatsiriwamete mepɨhareka, peru xeme xepɨharikwini, nete'uximayatsiriwamete mepuyutemamawieka, peru xeme xepuyutetewiyani.

Nɨawari 65:4

'Aixɨa ke'itɨarieka 'iya kemɨ'ane 'ekɨ pemanayexei, 'iya kemɨ'ane 'ahetsɨa pemɨ'atɨa 'atakwa mukanikɨ. 'Akie timieme 'aixɨa mɨti'anekɨ tekehuxaka, kepemɨtatiumi 'atuki mɨpatsieta timiemekɨ.

Kitsariyaxi 25:6

Yawé Naimekɨmɨtɨrɨkaɨye, 'ikɨ hɨriyaritsie katinikuha'aritɨamɨkɨ yunaime teɨteri wahetsiemieme 'ikwai 'ixɨarariyari witsiti'aneneme ranapikame, winu xeiwiyari mexeiya 'ixɨarariyari, 'ikwaite 'aixɨa ti'anenekame meta winu 'aixɨa mɨ'ane xeiwiyari mexeiya.

Nɨawari 84:2

Nepeiyehɨwa ne'iyarikɨ Yawé takwana, 'ariri mana neheuyeimɨtɨ nekanimɨximeni. Nekanikwikani Kakaɨyari tukari mɨtiyupitɨwa ne'iyarikɨ meta naime newaiyarikɨ.

Rukaxi 6:25

Xɨa'ui xeme hikɨ xemɨhuxa, xepeuhakakwikuni. Xɨa'ui xeme hikɨ xemutinawe, xepɨyuhiwerieka xeputitsuanani.

Kitsariyaxi 41:17

»Tixaɨtɨ memɨkatehexeiya meta memɨteheuyehɨwa haa mekanikuwautɨweni, matsi mepɨka'itaxeiyawawe, harimɨyakɨ waneni pɨwawaki. Peru ne, Yawé, nepɨwata'eiya, ne, 'Ixaheri Kakaɨyarieya, nepɨkawaku'eirieni.

Nɨawari 63:5

Ne'iyari 'aixɨa pɨtika'erieni 'ixɨararipa waɨkawa mɨratikwaiwa hepaɨ, waɨkawa yemekɨ nenetemawietɨ, nepɨmetsinɨawani.

Nɨawari 17:15

Peru ne matsi heitseriekamekɨ 'ahɨxie nepumatsihexeiya. 'Ahɨxie kepauka nemanutaniere nematsihexeiyatsie mɨkɨkɨri ne'iyari 'aixɨa peyɨni.

Kwikari 5:1

Neharaweritari nekaninuani, 'uka ne'iwa nemɨmatsi naki'erie, muwa nepikaxei mixaxi waritsamu meta, muwa xiete kwaiyarikɨ ne'iyari paye'axe. Muwa nepikaxexeiya waɨkawa winu meta retsi, naitɨ 'ikɨ pɨtinehetsiemieme. Hamikutsixi, xeketenekwaka xeketene'ieka, xekeneutitarɨwai naki'eriyakɨ.

Kitsariyaxi 66:11

Karikɨ xeme xekanititsitsitɨariekuni meta xekanitihuxaitɨariekuni, nɨtɨarika xekanikaxeiyakuni tsitsitsie, xepɨtihuxani, xepuyutemamawieka tsitsi 'amɨnenetsie».

Temaiwawemete 10:24

'Axamɨtiuka'iyari ketita mɨtimakaxe, mɨpaɨ yapɨtipitɨarieni, tewi heitseriemekɨ 'amuyeika tita mɨreuyehɨwa, mɨkɨ pɨraye'ani hetsienamieme.

Temaiwawemete 21:21

Kemɨ'ane heitseriemekɨ yamɨtikamie meta mɨtiyukanaki'erie, mɨkɨ tukari kanikaxeiyamɨkɨ, 'aixɨa ti'aneme pɨtikaxeiya meta 'aixɨa pɨraxaxatsiwani.

Keremiyaxi 31:25

Mɨyeharimɨne nekaniharitɨamɨkɨ meta mɨyehakamɨne nekatinimimɨkɨ».