Mateu 5:5 - Kakaɨyari Niukieya

⁵ 'Aixɨa mekani'itɨarieka mɨkɨ memɨka'ayu'eririya, wahetsie pɨtinake kwie naitɨ.

Mateu 5:5 ပူးပေါင်းရင်းမြစ်များ

Nɨawari 37:11

Peru kemɨ'ane kayuwatɨ memu'uwa kwie mekanimikiekuni, yu'iyarikɨ 'aixɨa mekateniu'uwakuni.

Kitsariyaxi 29:19

Tixaɨtɨ memɨkateheuxeiya meyutemamawietɨ Yawé hetsiemieme mekanakɨnikuni, yemekɨ waɨkawa memɨteheuyehɨwa mekaniyukatemamawikuni Mɨpatsie 'Ixaheri hetsiemieme.

Tsatiyaku 3:13

Kemɨ'ane xeme mɨtimaiwe, xɨka waɨkawa timaika, 'aixɨa 'anemekɨ tiyurienetɨ keyuhekɨatani, tixaɨtɨ karayuyeitɨatɨ, kemɨreuyewetse mɨpaɨ mɨtiyurienenikɨ timaiwetɨ.

Nɨawari 149:4

Yawé muyutemawiekɨ yuteɨterima wahetsiemieme, tixaɨtɨ memɨkatehayuyeitɨa memɨtehayu'iwanikɨ puwapitɨa.

Karatsiyatari 5:23

yu'iyaritsie tixaɨtɨ pɨkareuyehɨaka, kanitseɨyekamɨkɨ tiyu'aitɨatɨ. 'Inɨari pɨkaxuawe mixani'erie, xɨka mɨpaɨ tiyurieneni.

Tsatiyaku 1:21

'Ayumieme, xekenewiwi naime tita mɨkati'itiya meta tita 'axamɨti'ane, naitsarie manayuhayewa, xemɨyɨwawenikɨ Kakaɨyari niukieya xehetsie muka'iteɨtsie xemɨtanaki'erienikɨ tixaɨtɨ xekatehɨkɨtɨtɨ, mɨkɨ kaniyɨweni xe'iyari mɨtawikweitsitɨani.

Nɨawari 25:9

Mɨkɨ tixaɨtɨ memɨkate'ayuyeitɨa 'aixɨa 'anemekɨ kaniwaruwitɨximeni, meta yuhuye kaniwa'ɨkitɨaka.

'Inɨatsie 12:3

Matsi Muitsexi tixaɨtɨ karayuyeitɨatɨ 'amuyeika kanihɨkɨtɨkaitɨni, nixewitɨ tawarita hepaɨna 'anetɨ kwiepa pumawekai.

Kurutsetari 3:12

'Ayumieme nepaine, Kakaɨyari mɨxe'anuyexeikɨ, teɨterimama xemɨhɨkɨkɨ, xemɨnaki'eriwakɨ, xeteyukanenimayatɨ xekenakɨni yu'iyaritsie, mɨhekwa xe'anakatɨtɨ, 'aixɨa xeketeneu'iyarini, xepɨkateyukatawe'erieka, xeketeneuyukanaki'erieka meta 'axeketeneutewini xekaha'atɨ.

Mateu 11:29

Neyuku xekenanuyetekani, xenetsi'enietɨ xeketeneyɨ'ɨkitɨaka, ne nepɨka'ane'eriya meta nepɨkatinekatawe'erie ne'iyaritsie, 'uxipiya xekanitaxeiyakuni yu'iyaritsie.

'Epetsutari 4:2

Tixaɨtɨ xekatehɨkɨtɨtɨ xekeneyu'erieka naimekɨ, xepɨka'ayu'eririyani, 'axeketeneutewini xekaha'atɨ, xekeneyunewieka matsi xeyunaki'erietɨ.

1 Pekuru 3:15

Matsi yu'iyaritsie xekenayemakaxeni Ti'aitame Kɨritsitu kemɨtiupatsie. Yuheyemekɨ xekeneha'aritsieka xemɨtiniunikɨ tita xemɨtekwewietsie mieme, yaxete'ikɨhɨawetɨ kemɨ'ane mɨxeta'iwawiya. Mɨpaɨ xetekuxatatɨ xepɨka'ayu'eririyani xeikɨa, matsi xekenayemakaxeni kemɨ'ane mɨxeta'iwawiya,

Tsupuniyaxi 2:3

Yawé xekeneutiwawa, yunaitɨ xeme tixaɨtɨ xemɨkatehayuyeitɨa 'ena kwiepa, yaxemɨteyurie 'aitsikateya kemaine. Xekeneutiwawa tita mɨtiheitserie meta 'axekeneu'uwani tixaɨtɨ xekatehayuyeitɨatɨ, heiwatɨ 'ana xe'uti'awieta, kepauka Yawé haxɨaya tukarieya maye'anitsie.

Titu 3:2

hipame wahepaɨtsita 'axamemɨka'utiyuanenikɨ, memɨkayukwitɨwenikɨ, memɨka'ayu'eririyanikɨ, mɨmatsiɨkɨnikɨ kename tixaɨtɨ mekatehɨkɨ kememɨtewaxeiya yunaime teɨteri.

Nɨawari 37:22

Yawé 'aixɨa mɨwayurie, kwie mekaniyetuiriyariekuni, peru kemɨ'ane mɨkɨ 'axamɨwayurie mekanikumaweriyariekuni.

Nɨawari 37:9

Karikɨ Kakaɨyari memɨka'ayexeiya mekanakumaweriyariekuni, matsi kemɨ'ane Yawé hetsiemieme memɨtetakwewie, kwie mekaniyetuiriyariekuni.

1 Pekuru 3:4

Matsi xekenemariwani kexemɨ'anene yutaɨta hakewa mɨkahematsiɨkɨ herie, yu'iyaritsie pɨta. Xɨka xe'iyari ka'ayu'eriyani xɨka kayuwatɨ 'umaka, mɨkɨ matsi witsipɨrekemari mɨkapɨniwekɨ, kemɨ'ane mɨpaɨ mɨ'ane, Kakaɨyari kwinimieme mariwemekɨ 'aixɨa pɨtixeiya.

Kitsariyaxi 11:4

matsi heitseriemekɨ 'aixɨa pɨtiyurieni memɨnanaimarie wahetsiemieme, meta 'aixɨa pɨtiyurieni tixaɨtɨ memɨkatehexeiya wahetsiemieme 'ena kwiepa. Kwie pɨka'una kɨye 'iwaɨyɨpame yuteta miemekɨ, 'axatiyuruwame yu'iiyakɨ pumieni.

Nɨawari 25:13

'Aixɨa 'anemekɨ kaniuyeikamɨkɨ, wanuiwarimata kwie mekaniyetuiriyariekuni.

1 Timuteu 6:11

'Ekɨtsɨ, Kakaɨyari tewiyari pekanihɨkɨtɨni, kene'ata'una mɨkɨkɨ, mɨpaɨ pɨta ketine'amexɨitɨaka, heitseriemekɨ yapemɨtikamienikɨ, Kakaɨyari pemayexeiyanikɨ, yuri pemɨti'eriekakɨ, pemɨti'akanaki'eriekakɨ, pemɨtiuka'eniwanikɨ meta pemɨkahayu'eriyanikɨ.

Nɨawari 69:32

Tixaɨtɨ memɨkatehexeiya mɨkɨ metexeiyame mepuyutemamawieka, xeme xekeneyuwaɨriyani, Kakaɨyari xemukuwautɨwe.

Nɨawari 37:29

Heitserie memexeiya kwie mepɨyetuiriyarieni, yuheyemekɨ mana mepu'uwani.

Nɨawari 37:34

Peru 'ekɨ, Yawé hetsie timieme ketinetakwewieka, meta yaketineuyeikani kemɨtinake, mɨkɨ kamenetemawieritɨamɨkɨ kwie pemɨyetuiriyarienikɨ. Kepauka 'axateyuruwamete memɨka'unarieni, 'ekɨ pekaniwaxeiyamɨkɨ.

2 Timuteu 2:25

'iyarieya 'aixɨa 'anekaku pɨwatiheitseriyani mɨkɨ memeye'unie, mɨpaɨ ra'eriwatɨ Kakaɨyari mɨwapitɨanikɨ memɨtehayewakɨ kememɨteyuriekai, tita yuri mɨraine memetimanikɨ,

Xumatari 4:13

Kepauka 'Apɨrahami mɨpaɨ mɨtiutahɨawarie, niwemamata, kename wahetsie tinakekekai naitɨ kwie, 'inɨari niukiyari hexeiyatɨ mɨpaɨ pɨkatiutahɨawarie. Heitserie 'upitɨarieka pɨta yuri mɨtiuta'erikɨ, mɨpaɨ pɨtiutahɨawarie.

Nɨawari 147:6

Yawé puwaranuku'uitɨwa tixaɨtɨ memɨkateheuxeiya, matsi pɨta 'axateyuruwamete puwaratixɨrɨwa.

Mateu 21:5

«Mɨpaɨ xeketenetahɨawi Tsiyuni mɨrakutewa kiekame: “Neuxei, mati'aitɨwame 'ahetsɨa kanamieni, tixaɨtɨ karayuyeitɨatɨ meta puxutsie 'anakaitɨ, puxu temaikɨ hetsie, ti'ikatɨariwame nu'ayatsie”».

Kitsariyaxi 60:21

Hikɨ 'ana yunaitɨ 'ateɨterima heitserie mepu'uwani, meta yukwietsie mepu'uwani yuheyemekɨ. 'Iteɨri nemikake mɨyɨra xepɨhɨkɨtɨni, newewiya 'aixɨa muyɨ kɨmana nemɨmariwe.

Kitsariyaxi 61:1

Yawé naimekɨmɨyɨwe 'iyarieya nehetsie kaniyekani, mɨpaɨ mɨneranayexeikɨ niuki 'aixɨa manɨyɨne nemuwakuxaxatɨwanikɨ tixaɨtɨ memɨkateheuxeiya. Pɨnetsiheyenɨ'a yu'iyaritsie memɨte'ukakukuine 'aixɨa meteheu'eriekame nemɨwarayeitɨanikɨ, 'ateewa memehapanie nemɨwakuxaxatɨwanikɨ, meta kemɨ'ane memanutaxɨriya nemɨwaranayexɨnakɨ,

Nɨawari 22:26

Tixaɨtɨ memɨkateheuxeiya mepɨtekwani, mɨkɨ mepɨtihuxani, Yawé mepɨtanɨawa kemɨ'ane memikuwautɨwe, wa'iyari ke'ayeyurini yuheyemekɨ.