Mateu 5:3 - Kakaɨyari Niukieya

³ «'Aixɨa mekani'itɨarieka mɨkɨ waɨkawa memɨteheuyehɨwa yu'iyaritsie kememɨteyumate, kemɨ'ane taheima makawe mekanexeiyakakuni tiwa'aitɨwametɨme.

Mateu 5:3 ပူးပေါင်းရင်းမြစ်များ

Kitsariyaxi 66:2

Netɨrɨkariya katiniuyurieni naime 'ikɨ mɨtiutawewi: mɨpaɨ tiɨyɨku 'ayumieme katiniuneni ―Yawé mɨpaɨ kanaineni―. »Ne nepuwaxeiya tixaɨtɨ memɨkateheuxeiya meta yu'iyaritsie memɨte'uka'eniwa, kemɨ'ane neniuki memayemakaxe.

Temaiwawemete 29:23

Kemɨ'ane muyuta'ɨre tixaɨtɨ pɨkarayani, matsi kemɨ'ane tixaɨtɨ mɨkarayuyeitɨa matsi mariwetɨ kanayeitɨariemɨkɨ.

Nɨawari 34:18

Kemɨ'ane yu'iyaritsie memɨte'uka'eniwa Yawé wa'aurie 'ahurawa kaniutiweni, kemɨ'ane yu'iyaritsie memuyutsaipɨna kaniwarutawikweitsitɨwani.

Temaiwawemete 16:19

'Aixɨa pɨ'ane xɨka haweri memɨ'anene wahamatɨa tixaɨtɨ katihɨkɨtɨni, keyuri memuyuti'ɨre wahamatɨa pemɨxikutɨnikɨ.

Rukaxi 18:14

»Mɨpaɨ nepɨtixekɨhɨawe, mɨkɨ matsi yukie kaneyani heitserie hexeiyatɨ, paritseu pɨkatixaɨ. Yunaitɨ yuxaɨta mariweme memayuyeitɨwa tixaɨtɨ mekatehɨkɨtɨtɨ mekanayeitɨariekuni, peru kemɨ'ane tixaɨtɨ katihɨkɨtɨme mayuyeitɨwa mɨkɨ mariweme kanayeitɨariemɨkɨ».

2 Kemɨtiuyɨ 7:14

xɨka neteɨterima, Yawé teɨterimama memɨte'uterɨwarɨwa, tixaɨtɨ xɨka mekatehayuyeitɨani meta xɨka meyutanenewieni, meta xɨka menetsi'anukuwauni, mete'uhayewa ke'axamemɨteyuriekai, ne muyuawitsie paitɨ nepɨwa'enieni, nekatiniwareuyehɨwiriemɨkɨ ke'axamemɨte'uyuri meta wakwie 'aixɨa nekaniyurimɨkɨ.

Nɨawari 51:17

Mawari mɨmetsinake 'iyari muyuhiwerie pɨhɨkɨ, 'ekɨ Kakaɨyari, pepɨka'ixani'erie 'iyari mɨtiuka'eniwa meta 'axamɨti'ane mɨtiuhayewaxɨ.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Tsatiyaku 2:5

Xekeneu'enana ne'iwama nenaki'erima: ¿Kakaɨyari tamɨ katiwaranuyexei tixaɨ memɨkatehexeiya 'ena kwiepa, mɨkɨ matsi metehexeiyakame mɨwarayeitɨanikɨ yuri mete'erietɨ, para wahetsie mɨtinakenikɨ mɨkɨ tiwa'aitɨwame mayanikɨ, kemutayɨ kemɨ'ane mɨkɨ meminaki'erie wahetsiemieme?

Kitsariyaxi 61:1

Yawé naimekɨmɨyɨwe 'iyarieya nehetsie kaniyekani, mɨpaɨ mɨneranayexeikɨ niuki 'aixɨa manɨyɨne nemuwakuxaxatɨwanikɨ tixaɨtɨ memɨkateheuxeiya. Pɨnetsiheyenɨ'a yu'iyaritsie memɨte'ukakukuine 'aixɨa meteheu'eriekame nemɨwarayeitɨanikɨ, 'ateewa memehapanie nemɨwakuxaxatɨwanikɨ, meta kemɨ'ane memanutaxɨriya nemɨwaranayexɨnakɨ,

2 Kemɨtiuyɨ 34:27

‘'A'iyari muyuitɨariekɨ meta tixaɨtɨ pemɨkarayuyeitɨakɨ nehɨxie pe'u'enaka 'ikɨ kwieyaritsie meta 'ena kiekatari wahetsiemieme kenemutayɨ, meta 'akamixa pemeukatsanaxɨkɨ hiwerikakɨ meta nehɨxie pemutatsuakakɨ, ne nekamaniu'enieni. Ne, Yawé, mɨpaɨ nekanaineni.

Mikeyaxi 6:8

Yapekatiniutaxatɨarieniri tita 'aixɨa mɨti'ane. Pepɨtiutaxatɨarieri tita mɨtitakwewie 'ahetsiemieme Yawé: Yapepɨtiyurieneni tita mɨtiheitserie hepaɨtsita, pepinaki'erieka nenimayatsika, meta Kakaɨyari hɨxie mariweme pepɨka'ayuyeitɨwani.

Rukaxi 11:28

Ketsutsi mɨpaɨ kaniutayɨni: —Matsitsɨ pɨta, 'aixɨa meke'itɨarieka mɨkɨ Kakaɨyari niukieya memɨ'enie meta yamemɨtekahu.

Nɨawari 112:1

Yawé kenɨawarieka. 'Aixɨa kani'itɨarieka kemɨ'ane Yawé mayemakaxe meta kaniyutemawieka 'aitsikaya 'aye'atɨatɨ.

Nɨawari 1:1

'Aixɨa kani'itɨarieka tewi kemɨ'ane 'axamemɨte'u'iyari wa'ɨxatsi mɨka'enie, meta 'axamemɨteyurie wahuyeta mɨka'umie meta 'axamemɨteniniuki wahamatɨa mɨkayuxewiriya,

Kuwi 42:6

'Ayumieme, kenemutayɨ tawari mɨpaɨ nepɨkatayɨni, kenetineuyehɨwiri 'ena ne'ukaitɨ nepaine tumuanaritsata meta naxitsata».

Mateu 11:25

Merikɨtsɨ 'ana Ketsutsi mɨpaɨ kaniutayɨni: «Ne'ukiyari, taheima pemɨti'aita meta kwiepa, pamɨpariyutsi nepɨmatsipitɨa, pemɨtiuti'awietaxɨkɨ 'ikɨ naime memɨkaheitimanikɨ mɨkɨ memɨteyɨ'ɨkitɨawawe meta memɨtemaiwawe, tɨɨri pɨta wahetsiemieme matsiɨkɨme pemayeitɨakɨ.

Rukaxi 4:18

«Ti'aitame 'Iyarieya kaneniuwiya, Kaneniuhɨritɨani niuki 'aixɨa manuyɨne nemɨwakuxaxatɨwanikɨ tixaɨtɨ memɨkateheuxeiya. Kaneneyenɨ'ani nemɨwaranayexɨrienikɨ mɨkɨ memɨyuhiwerie yu'iyaritsie, yanemɨtiwatahɨawekɨ mɨkɨ memanutaxɨriya kename me'utixɨnarie, meta yanemɨtiwatahɨawekɨ mɨkɨ memakɨkɨpe kename me'anutaneniere, nemɨwaxɨnakɨ mɨkɨ memɨwiyarietɨka,

Marikuxi 10:14

Ketsutsi waruxeiyaka teyɨ'ɨkitɨwamete kememɨteyuriekai kaniuyeha'ani, mɨpaɨ katiniwarutahɨawe: «Xekeniwapitɨaka tɨɨri nehetsɨa memɨ'axenikɨ, wahɨxie xepɨka'u'uka, mɨpaɨ memɨ'anene kaniwahetsiemiemetɨni Kakaɨyari mɨra'aita.

Mateu 13:16

Xeme matsi 'aixɨa xepɨ'itɨarie xemeunenierekɨ yɨhɨxitekɨ, xemeu'enanakɨ yunakakɨ

Kitsariyaxi 30:18

'Ayumieme Yawé kanixekwewieka, mɨxeparewienikɨ, 'ayumieme kanixehahɨaweni kemɨtixenenimaya xemeitimanikɨ. Yawé Kakaɨyari heitserie mɨtiyurienekɨ. 'Aixɨa meke'itɨarieka kemɨ'ane hetsiena timieme memɨtetakwewie.

Nɨawari 146:5

'Aixɨa kani'itɨarieka kemɨ'ane Kakuwu kakaɨyarieya miparewie, meta kemɨ'ane Yawé mɨtakwewie yukakaɨyari,

2 Kemɨtiuyɨ 33:12

Hikɨ mɨya tiuka'eniwatɨ, Yawé kaniutahɨawe, yu'ukiyarima wakakaɨyari, tixaɨtɨ karayuyeitɨatɨ yemekɨ kaniyuyetuani naimekɨ.

Nɨawari 41:1

'Aixɨa pɨ'itɨarie kemɨ'ane memɨwerarani 'aixɨa mɨtiwaxeiya, Yawé hetsiena kanitanuamɨkɨ kepauka 'uximatɨarika hetsiena mɨye'ani.

Nɨawari 2:12

Yaxeketenekahuni, kapa 'uyeha'anikɨ kapa xe'ukwinikɨ huyeta, mɨkɨ yapauka kaniuyeha'arɨweni. 'Aixɨa meke'itɨarieka kemɨ'ane memɨyu'awieta hetsɨana.

2 Kemɨtiuyɨ 33:23

Peru, yu'ukiyari Manatsexi hepaɨ pɨka'uyɨ, Yawé hetsɨa pɨkayuyetua, matsi waɨkawa 'axapɨtiyurienekai xeikɨa.

Tsatiyaku 1:12

'Aixɨa kani'itɨarieka kemɨ'ane tiuka'eniwatɨ mumie, mɨkɨ mɨpaɨ tita'inɨatsieme, tukari kurunayari kaniyetuiriyariemɨkɨ Kakaɨyari kemutayɨ kemɨ'ane meminaki'erie wahetsiemieme.

Wani 20:29

Ketsutsi mɨpaɨ katinitahɨawe: —Yuri pepɨtiuta'eri pemɨnetsi'uxeikɨ. Mɨkɨ memɨkanetsixeiyawawe peru yuri memɨte'erie, mɨkɨ mekaniyutemamawieka.

Mateu 24:46

'Aixɨa ke'itɨarieka mɨkɨ ti'uximayatame xɨka kutsiyarieya nuame 'itaxeiya yatiyurieneme kemɨtiuta'aitɨarie.

Nɨawari 84:12

Yawé Naimekɨmɨtɨrɨkaɨye, 'aixɨa meke'itɨarieka 'ahetsie memɨtewiya.

Hutarieka 'inɨari 8:2

Xekena'eriwani huta tewiyari wiyari Yawé xekakaɨyari mɨxe'uwitɨximekai huyeta tukarikɨ meta tɨkarikɨ makumawetsie, puxetiuka'enitsitɨa mana waɨkawa pɨxe'uta'inɨataxɨ yamɨretimanikɨ tita yu'iyaritsie xemɨtehexeiya, meta yamɨretimanikɨ xɨka 'aitsikaya xe'eye'atɨaka yatɨ hawaikɨ.

Tsatiyaku 1:10

meta xiku tixaɨtɨ karexeiyame keyu'erieka mɨpaɨ timaitɨ. Mɨkɨ xiku tuturi 'ɨtsita mieme hepaɨ kanitayɨnarimɨkɨ.

Temaiwawemete 8:32

»Hikɨ 'ayumieme, temari 'aku, xekeneneu'eni: 'aixɨa mepɨ'itɨarieni kemɨ'ane nehuye 'utɨa memuhuni.

2 Kemɨtiuyɨ 33:19

Naitɨ 'axakemɨtiuyuri meta Kakaɨyari 'aye'unietɨ kemɨratɨa, hakewa tuki 'etsimɨpepe metiwewi, 'uka kakaɨyariyari 'Atserá kemɨtiutiwewi meta hipame kakaɨyarixi, 'arike Kakaɨyari hɨxie kemɨtiyuyetua, nenewierieya meta Yawé kemɨtita'ei, 'ikɨ naitɨ katinaka'uka kemɨtiuyɨ xapayaritsie Kutsahi mɨraka'utɨatsie.

Matsiɨkɨtɨ kemɨratɨa 22:14

»'Aixɨa mekani'itɨariekakuni kemɨ'ane yu'ixuriki memɨ'ekwa, heitserie mekanexeiyakakuni mɨkɨ 'iteɨri tukari mexeiya hepaɨtsita, meta memɨpitɨarienikɨ kiekari kitenie memeutahaxɨanikɨ.

Matsiɨkɨtɨ kemɨratɨa 19:9

Hikɨ niuki tuayame mɨpaɨ pɨnetiutahɨawixɨ: «'Aixɨa mekani'itɨarieka kemɨ'ane memuta'inierie, Muxa mɨtineɨketsie memɨtekwanikɨ». Mɨpaɨta kanetiniutahɨawe: «'Ikɨ Kakaɨyari niukieya kaniyuritɨni».

Mateu 25:34

»Hikɨ Ti'aitame mɨpaɨ pɨtiwatahɨawe mɨkɨ tserietana memɨti'uka: “Xeme xekenakɨni, ne'ukiyari 'aixɨa mɨxe'uyuri, ne'ukiyari mɨra'aita yuhetsiemieme xekenayeitɨa mukuha'aritsie kepauka kwie munetɨarietsie paitɨtɨ.

Nɨawari 128:1

'Aixɨa mepɨ'itɨarie kemɨ'ane Yawé memayemakaxe, kehate huyetana memuhu.

Mateu 11:6

Meta 'aixɨa kani'itɨarieka kemɨ'ane nekɨmana mɨkakunuani.

Mateu 8:11

Mɨpaɨ nepɨtixekɨhɨawe, yumɨiretɨ mekani'axɨakuni tau manatineika hepatsie kiekatari meta makayuyuipike hepatsie kiekatari, 'Apɨrahami, 'Itsahaki meta Kakuwu wahamatɨa mekaniutiyaxikuni hakewa mɨre'aita taheima makawe.

Mateu 3:2

mɨpaɨ 'utaitɨ: «Xeketeneuhayewa ke'axaxemɨteyurie, kanehuraniri Kakaɨyari kemɨtita'aita».

Mateu 19:14

Ketsutsi mɨpaɨ katiniwarutahɨawe: «Xekeniwapitɨaka tɨɨri nehetsɨa memɨ'axenikɨ, wahɨxie xepɨka'u'uka, mɨpaɨ memɨ'anene kaniwahetsiemiemetɨni Kakaɨyari mɨra'aita».

Rukaxi 22:29

Ne'ukiyari kemɨnerayeitɨa ti'aitame, neta yaxeikɨa te'aitamete nekanixe'ayeitɨamɨkɨ.

Rukaxi 22:30

Nehamatɨa xekatenikwaikuni xekateni'ikuni mexa 'aurie ne'akaime neti'aitametɨkaku, 'itsɨkate xekanakɨnikuni, 'uwenitsie xe'ayaxeme xekateniwa'aitɨakakuni teɨteri tamamata heimana huta 'Ixaheri nuiwarimama.

Matsiɨkɨtɨ kemɨratɨa 3:17

'Ekɨ mɨpaɨ pekaniutaineni: “Ne nepɨxiku, waɨkawa nerexeiyatɨ nepaneyeitɨa, tixaɨtɨ nepɨkareuyehɨwa”, pe'utaitɨ, 'atsipepɨkatimate kepemɨ'ane, 'axapepɨ'itɨarie tixaɨtɨ pepɨkarexeiya, pepɨkaheuniere, meta 'ixurikikɨ pepɨmawe.