Mateu 5:22 - Kakaɨyari Niukieya

²² Ne matsi mɨpaɨ nepɨtixekɨhɨawe, kemɨ'ane miheka yu'iwa, 'itsɨkame hetsiena pɨrahɨani. Kemɨ'ane 'axamɨtikɨhɨaweni yu'iwa, mɨkɨtsie mepɨte'uhɨpani ta'ukiyarima. Kemɨ'ane mɨpaɨ mɨtitahɨawe: “Kari pepɨka'amate”. Mɨkɨ panutahɨiyani tai yamɨtita'atsie.

Mateu 5:22 ပူးပေါင်းရင်းမြစ်များ

1 Wani 2:9

Kemɨ'ane hekɨaripa muyeika maine, peru yu'iwa 'uxietɨ, mɨkɨ yɨwipa 'akuxi kaniuyeikani.

Tsatiyaku 3:6

Yaxeikɨata taneni tai hepaɨ kani'aneni, kwiepa timieme tikuxatatɨ 'apɨyeka tawaiyaritsie, tita mɨkatiheitserie naime tixatatɨ, tawaiyari naime kanitsewiximaka, pɨtatsixɨrimɨtsitɨa tatukari naime, xatsi taiyariyaritsie mieme panunetɨarie mɨtakakɨ.

Titu 3:2

hipame wahepaɨtsita 'axamemɨka'utiyuanenikɨ, memɨkayukwitɨwenikɨ, memɨka'ayu'eririyanikɨ, mɨmatsiɨkɨnikɨ kename tixaɨtɨ mekatehɨkɨ kememɨtewaxeiya yunaime teɨteri.

Mateu 10:28

Xepɨkawamakarɨka mɨkɨ memɨyɨwawe wai memumieni xeikɨa, peru mepɨkayɨwawe 'iyari memumieni. Matsi xekenemakarɨka kemɨ'ane mɨyɨwe mika'una 'iyari meta waiyari naime tai yamɨtita'atsie.

Mateu 18:35

»Yaxeikɨata ne'ukiyari taheima makawe pɨxeyurieni xɨka yuxexuitɨ 'aixɨa 'iyarikɨ xekatewareuyehɨwiriwani yu'iwama».

1 Pekuru 3:9

'Axaxete'upitɨarieme 'axaxepɨkawayurieni, 'axaxete'utahɨawarieme 'axaxepɨkatewakɨhɨaweni, matsitsɨ xekeneutawawiri Kakaɨyari 'aixɨa memɨ'itɨarienikɨ pɨta, 'ayumieme xeputa'inierie, xehetsie mɨtinakenikɨ 'aixɨa xemɨ'itɨarienikɨ.

Xumatari 12:10

Kexemɨtewanaki'erie yu'iwamarixi, yu'iyarikɨ xekeniwahiwe'erieka. Yuxexuitɨ matsi 'aixɨa xeketeneyuxeiyani meta 'aixɨa xeketenayɨhɨaweni.

1 Pekuru 2:23

'Axatikɨhɨawarɨwatɨ 'axapɨkatiwarutahɨawixɨ, tikwinetɨ 'atsipɨkahainekai kename 'axawayurienikekai, matsi kaniyuyetuani kemɨ'ane heitseriemekɨ mɨwa'inɨata 'aixɨa miyurienikɨ.

Mateu 18:21

Pekuru Ketsutsi 'aurie 'ahurawa 'uyaka mɨpaɨ katinitahɨawe: —Ti'aitame, ¿kepaɨmexɨa nepɨreiyehɨwirieka ne'iwa, nehepaɨtsita xɨka 'axa'utayɨni? ¿'Atahutamexɨa wa'atɨ?

Nɨawari 109:3

yemekɨ kwinimieme meneteheuhekatɨ mepɨnetsixaneta, peru yakɨ xeikɨa mepɨtekuxata.

Nɨawari 37:8

Ketineuhayewa peha'atɨ, keneuku'eiri haxɨa, pepɨka'utaweranareni, mɨkɨ 'axamɨ'anetsie katiniyu'iniwani.

Kura 1:9

Mɨkɨ Miyeri niuki tuayamete tiwa'aitɨwame mɨhɨkɨ, kepauka Kauyumarie hamatɨa mɨkɨ niuki memɨxɨatɨakai Muitsexi kaxarieya hepaɨtsita, mɨkɨ pɨkayuwaɨriyakai 'axamɨtitahɨawekɨ Kauyumarie hetsie tiuhɨpatɨ, matsi mɨpaɨ kaniutayɨni: «Ti'aitame kematsi'utatieni».

1 Wani 3:10

'Ipaɨ mepɨtematsiɨkɨ Kakaɨyari niwemama meta Kauyumarie niwemama: Kemɨ'ane yamɨkatiyuriene kemɨtiheitserie meta kemɨ'ane yu'iwa mɨkanaki'erie, mɨkɨ Kakaɨyari pɨkanu'aya.

Nɨ'ariekate 17:18

Hipatɨ 'Epikureyutsixi meta 'Etsituikutsixi temaiwawemete mekaniti'eiyarɨmekaitɨni. Hipatɨ mɨpaɨ mekaniutiyuanekaitɨni: «¿Titakuta tixatanikeyu 'ikɨ niukiwiwame?» Hipatɨta mɨpaɨ mete'utiyuanekai: «Wa'atɨtɨ kakaɨyarixi xaɨtsie miemete puwakuxata». Mɨpaɨ mekaniutiyuanekaitɨni Papuru Ketsutsi niukieya 'aixɨa manɨyɨne mukuxatakaikɨ, meta mɨkite kememɨte'anuku'uni.

1 Tetsarunikatari 4:6

Xepɨka'anuyehaitɨrɨweni, xepɨka'ikwamana yu'iwa kexemɨteyurie. Ti'aitame 'apɨrapika mɨkɨ naimekɨ, meripai ketemɨtexe'utahɨawixɨ, ketemɨtexekuhekɨatsitɨiya.

Marikuxi 14:55

Hikɨ mawari wewiwamete tewa'aitɨwamete meta 'itsɨkate yunaitɨ mekaniwawautɨwekaitɨni hipame memunenierixɨ memɨte'itani Ketsutsi hepaɨtsita, mɨpaɨ hetsiena memɨte'ahɨanikɨ memita'aitakɨ mɨmierienikɨ, peru mepɨyutexietɨwekai.

Mateu 26:59

Hikɨ mawari wewiwamete tewa'aitɨwamete meta 'itsɨkate yunaitɨ mekaniwawautɨwekaitɨni hipame memunenierixɨ memɨte'itani Ketsutsi hepaɨtsita, mɨpaɨ hetsiena memɨte'ahɨanikɨ memita'aitakɨ mɨmierienikɨ.

Hutarieka 'inɨari 15:11

Teɨteri tixaɨtɨ memɨkatehexeiya 'ena kwiepa tsiere mekanixuawekakuni, 'ayumieme mɨpaɨ nekatinixe'aitɨaka 'aixɨa xeketeneu'iyarini yu'iwama wahamatɨa hepɨrayutsixi meta tixaɨtɨ memɨkateheuxeiya memɨyehakakwitɨwe wahamatɨa 'akwiepa memu'uwa.

Wani 11:47

'Ayumieme mawari wewiwamete tewa'aitɨwamete paritseutsixi wahamatɨa mekaniyukuxeɨrieni meyu'enienike, mɨpaɨ mekateniyutahɨawe: —¿Keteteyurieni? 'Ikɨ tewi waɨkawa 'inɨari katiniyurieneni.

Matsiɨkɨtɨ kemɨratɨa 20:14

Mɨɨya meta tai mɨta'a harakuna mɨta'a hetsie mekaneukaxɨriyani. 'Ikɨ harakuna mɨta'a, hutarieka mieme mɨɨya kanihɨkɨtɨni.

Nɨ'ariekate 7:37

»'Ikɨ Muitsexi kanihɨkɨtɨni kemɨ'ane mɨpaɨ mɨtiwarutahɨawixɨ 'ixaheritsixi: “Ti'aitame mɨxekakaɨyari tixexaxatɨwame nanukuketɨamɨkɨ xe'iwama watsata nehepaɨ 'anekame, mɨkɨ hɨrixɨa xepɨ'enieka”.

Rukaxi 12:5

Nepɨtixetaxatɨani kemɨ'ane matsi xemɨmakarɨka: xekenemakarɨka kemɨ'ane, ramieme, heitserie mexeiya tai yamɨtita'atsie mɨreukahɨani. Huu, mɨpaɨ nepɨtixekɨhɨawe, mɨkɨ xekenemakarɨka.

Mateu 5:44

Ne matsi mɨpaɨ nepɨtixekɨhɨawe: Xekeniwanaki'erieka mɨkɨ memɨxe'aye'unie, xekeneyunenewieka mɨkɨ memɨxe'uweiya wahetsiemieme.

Mateu 5:34

Ne matsi mɨpaɨ nepɨtixekɨhɨawe: Yemekɨ xepɨkayɨhɨritɨaka. Taheima mieme muyuawi xexatatɨ xepɨkayɨhɨritɨaka Kakaɨyari muwa yu'uwenitsie 'akaitɨ mɨti'aitakɨ.

Mateu 3:17

Hikɨ xewitɨta muyuawitsie mɨpaɨ kanetayɨni: «'Ikɨ Neniwe kanihɨkɨtɨni neminaki'erie, mɨkɨkɨ nekaniyutemawieka».

'Awiriyaxi 1:10

»'A'iwa Kakuwu kepemɨtiunanaimakɨ, pekanitewiyatsitɨariemɨkɨ, meta 'aheyemekɨ pekanikumaweriyariemɨkɨ.

Temaiwawemete 14:16

Mɨtimaiwe Yawé kanayemakaxeni 'ayumieme kaniyɨ'ɨwiyani 'axamɨti'ane hepaɨtsita, matsi mɨkayuwaɨriya puyuta'ɨre meta puyuwaɨriya mɨpaɨ 'utaitɨ nenekaniyɨweni.

Nɨawari 7:4

Xɨka nehamiku 'axane'uyurieni, xɨka netikuhɨwirieni kemɨ'ane mɨnetikwinitɨa,

Tsutɨarika 37:4

Hikɨ 'iwamama me'ixeiyatɨ paapaya kemɨtinaki'eriekai, matsi waɨkawa mekani'uxiwe'eriekaitɨni ni tɨma 'aixɨa mepɨkate'ikuhɨawekai.

1 Wani 5:16

Xɨka xewitɨ 'ixeiya yu'iwa 'axatiyurieneme kemɨkatimɨni, kanitawawiriemɨkɨ yu'iwatsie mieme, mɨkɨ Kakaɨyari tukari kanipitɨamɨkɨ. Tita 'axamɨti'ane nekanixatani 'axaxɨkatiuyurieni mɨka'umɨnikɨ. Kanixuaweni xewitɨ mɨmɨnikɨ xɨka 'axatiuyurieni, mɨkɨtsie mieme xemitawawirienikɨ 'atsinepɨkahaine.

Tsatiyaku 2:20

Kari pemɨka'akɨhɨawe pepɨhɨkɨ. ¿Tietɨtsɨ pe'awaɨriyani mɨpaɨ pemɨretimanikɨ, tewi 'atsimɨkayɨwekɨ xɨka yuri ti'erieka tixaɨ 'atsikatiyurienetɨ?

Hepɨrayutsixi 12:25

Xekeneyukweriwayurieka xemɨka'ixani'eriekakɨ kemɨ'ane maniuka. Mɨkɨ mepɨka'utawikwei me'itixani'erieka kemɨ'ane 'ena kwiepa mɨpaɨ mɨtiwarutahɨawixɨ kememɨ'itɨarienikekai, tame matsi yemekɨ tepɨkatawikweni xɨka ta'aurie te'axɨrieni temɨka'i'enienikɨ kemɨ'ane taheima maniuka.

Hepɨrayutsixi 5:9

mɨpaɨ raye'atɨarieka, yuheyemekɨ memɨtawikweitsitɨarienikɨ wapitɨatɨ kanayani, yunaitɨ yamemɨtekahu kemaine,

1 Kurinitutari 6:10

xɨka tinawayani, xɨka naime tihiwe'erieka yuhetsiemieme, xɨka taweneniri, xɨka 'axa'utaineni hipame wahepaɨtsita, xɨka tiyukwamanani tuminikɨ, hetsiena pɨkatinakeni maye'anikɨ, Kakaɨyari ti'aitɨwame mayanikɨ.

1 Kurinitutari 6:6

Matsitsɨ yu'iwamatɨ xepɨyuxaneta, mɨyaxeteyurietɨ mɨkɨ yuri memɨkate'erie wahɨxie.

Nɨ'ariekate 5:27

Hikɨ mewa'atɨaka 'itsɨkate wahɨxie mekaniwati'uitɨani, mawari wewiwame mɨhɨritɨarie

Wani 15:25

Matsi niuki kanaye'atɨarieni 'inɨari niukiyaritsie mɨpaɨ mɨre'uxa: “Tsepa 'atsinemɨkatiuyuri, mekaneni'uxiwe'eriekaitɨni”.

Wani 8:48

Huriyutsixi mɨpaɨ mekatenita'eiya: —'Aixɨa tekaniutiyuaneni kename 'ekɨ tsamariyatanaka pehɨkɨ, kename kakaɨyari 'axamɨ'ane metsinɨ'ɨ.

Wani 7:20

Teɨteri mɨpaɨ mekatenita'eiya: —Kakaɨyari 'axamɨ'ane kameninɨka. ¿Kepaikɨ metsikuwaune metsimienike?

Marikuxi 15:1

Hikɨ 'ukatareku kwitɨwa mawari wewiwamete tewa'aitɨwamete, 'ukirawetsixi, meta 'inɨarikɨ memɨte'ɨkitametetɨkai, meta hipatɨ 'itsɨkate yunaitɨ meyukuxeɨrieka meyu'enieka, Ketsutsi mekanehana hɨakame, Piratu mekaniyetuirieni.

Mateu 25:41

»Hikɨ mɨpaɨ pɨtiwatahɨaweta mɨkɨ 'utatana memɨti'uka: “Xekenehu nehetsɨa xepɨkayuhayewani, xeme haxɨa xehetsie pɨtiunakixɨ, tai yuheyeme mɨta'atsie xekenehu Kauyumarie hetsiemieme meta niuki tuayametemama wahetsiemieme mukuha'aritsietsie.

Mateu 23:33

»Kuterixi xepɨhɨkɨ. Kuterixi waniwema. ¿Kehepaɨ xeteyutawikweitsitɨani xemɨkaheukaxɨriyanikɨ mɨrataiyarietsie?

Mateu 23:15

»Xɨa'ui xeme, 'inɨarikɨ xemɨte'ɨkita, meta xeme paritseutsixi, kexemɨ'itɨarieni xemɨte'itawamete. Naitsarie haramaratsie kwiepa xepɨku'uwa xeime xewautɨwetɨ yuhetsɨa mieme xemeyeitɨanikɨ. Kepauka xemitaxeiya, kwinimieme 'axatiuka'iyarime xepayeitɨwa keyuri xeme, meta yemekɨ hetsiena tinakeme mɨrataiyarietsie meukahɨiyanikɨ keyuri xeme.

Mateu 17:5

Hikɨ 'utaniukakaku 'akuxi, yapauka haiwitɨri xawatɨtɨ kaniwaranukanani, hikɨ mɨkɨ haiwitɨritsata xewitɨ kanetaniuni mɨpaɨ 'utaitɨ: «'Ikɨ kanineniwetɨni neminaki'erie, mɨkɨkɨ waɨkawa nekaniyutemawieka. Xekene'enieka».

Mateu 12:24

Peru, paritseutsixi me'u'enanaka, mɨpaɨ mekaniutiyuani: «'Ikɨ kakaɨyarixi 'axamemɨ'anene puwarayenɨ'awa Weheritsewu tɨrɨkariyayakɨ, kakaɨyarixi 'axamemɨ'anene tiwa'aitɨwame».

Mateu 10:17

»Xekeneyukweriwayurieka teɨteri wahepaɨtsita, mɨkɨ mekanixeyetuakuni yu'itsɨkate wahetsɨa meta mepɨxetiwani yutukiteta.

'Awiriyaxi 1:12

Pɨkaheuyewekai 'a'iwa hetsiemieme pemutanaweni pe'inanaimatɨ mɨtiuka'eniwakaitsie, kepauka waɨkawa mu'uximatɨariekai. Pɨkaheuyewekai 'ekɨ pemɨ'atemawieka kepauka Kura teɨterimama memakumaweriyarietsie. Hawaikɨ pɨkaheuyewekai 'axapemutaineni kepauka 'iya tukaritsie mete'uka'eniwakaku.

Tanieri 3:19

Tsatɨraki, Metsaki meta 'Awenekuxi, Nawukurunutsuxi waru'enieka kememutiyua matsi waɨkawa kaniuyeha'ani, yunierika kaniupata wahepaɨtsita mieme. Hikɨ katiniuta'aita huxunu 'atahutamexɨa mɨtaxɨriyarienikɨ kememɨkate'itaxɨriyakai,

Tanieri 3:13

Nawukurunutsuxi waɨkawamekɨ ha'atɨ katiniwarutanɨ'airieni. Kepauka mɨkɨ temari ti'aitame hɨxie memu'axɨa,

Hiwerika 3:52

Memɨnetsi'aye'unie mekaneniuweiyani nitixaɨtɨ mekatehayexeiyatɨ nehamatɨa, wiki hepaɨ mekaneniwiniyatɨweni.

Keremiyaxi 17:11

Kemɨ'ane muyuxikutɨane kemɨtiheitseriekɨ kayɨanetɨ mɨkɨ wiki kayutawári mɨtsiniya hepaɨ kani'aneni. Yutukari hixɨapa katineuyehɨamɨkɨ, 'imatɨrieka mɨkɨ ka'uka'iyaritɨ kanayeimɨkɨ.

Temaiwawemete 18:6

Mɨkayuwaɨriya teɨteri muwaparewienikɨ 'axa'anemekɨ xeikɨa putaniuka, yutetakɨ xeikɨa 'axaputaine mɨtamierienikɨ.

Nɨawari 92:6

Yuri memɨkate'erie 'atsimepɨkatemate, 'atsimemɨkatemate mepɨkaheitimaitɨkɨka,

Nɨawari 69:4

Nekɨpate kemɨpaɨme reuyeta mepɨyupaɨme memɨnetsixani'erie yakɨxeikɨa, mepuyumɨire memɨnetsi'aye'unie 'itarikakɨ memɨnetsimieku. ¿Titakuta netiyetuani nemɨkatiunawa?

Nɨawari 49:10

Meyunaitɨ yaxeikɨa mepɨtetakukuwe, memɨtemaiwawe meta memɨkatemaiwawe yaxeikɨa mepɨtakukuwe, wapiinitɨarika hipatɨ wapiini pɨrayeika.

Nɨawari 35:19

Pepɨkawapitɨaka memɨnetsiyuriyanikɨ, memɨnetsi'aye'unie meteyukwamanatɨ. Memɨnetsinanaimaka pepɨkawapitɨaka 'atsinekawayurienekaku.

Nɨawari 25:3

Kemɨ'ane 'ahetsɨa mɨreutakwewie hatsuaku pɨkatiyutewinɨani, kemɨ'ane hipame memuwakwamana mɨkɨ mepuyutitetewiya.

Nɨawari 14:1

'Atsimɨkatimate yu'iyaritsie mɨpaɨ kaniutaineni: «Kakaɨyari pumawe». Mɨkɨ mepɨtipɨnirɨme, xani'eriwamekɨ yameteyurietɨ. Xewitɨtɨma pɨka'uyeika 'aixɨa tiyurienetɨ.

Nehemiyaxi 5:8

mana mɨpaɨ nekatiniwarutahɨawe: ―Waɨriyarika teyupitɨatɨ, ta'iwama tepɨwarutawikweitsitɨa huriyutsixi memutuiyakai hipame nuiwarite wahetsɨa. Hikɨta xeme yu'iwama xetewatua, panatsi tame tekawarutawikweitsitɨa. 'Ana yunaitɨ kayuwatɨ mekaniutamare, mepɨkayɨwawekai yɨkɨ memɨtiyuani.

2 Kemɨtiuyɨ 16:10

'Atsá kaniuyeha'ani mɨtaniere mɨya mɨtitahɨawixɨkɨ, hikɨ kanita'aita katsariyanata manutahɨiyanikɨ. 'Ana mɨtiyehane, 'Atsá katiniwakwinitɨakaitɨni yayupaɨmeme teɨteri.

1 Te'aitamete 21:4

Hikɨ 'Akawi kaneyani yukie nutuixietɨ meta ha'atɨ Nawuhuti Ketsireri kiekame mɨpaɨ mɨtitahɨawixɨkɨ: «Nepɨkayɨwe nemɨmatiyetuirieni neti'aitɨwame, tita ne'ukiyarima memɨnete'uku'eiriri». 'Ayumieme mɨkɨkɨ yukiita kaniukahuni 'ixumeritsie heunieretɨ, meta katikwaimɨtɨ kanayani.

2 Tsamuheri 16:7

'Itate'atɨ, Tsimi ti'aitame mɨpaɨ katinikɨhɨawekaitɨni: —Keneumieni. Tiyumemiwame, pemɨkayukatewiya.

2 Tsamuheri 6:20

Kepauka Rawiri munua yukie 'aixɨa wayurienike yutɨɨriyama, Mikari Tsahuri niweya kaneikunake, mɨpaɨ katinitatieni: —Neuxei hikɨ 'aixɨa pepɨka'ɨyɨ. 'Ixaheri kwieyaritsie ti'aitame kemɨtiuka'iyari hepaɨ pepɨka'ɨyɨ. Pemutitsukwakakaitsie 'ukari te'uximayatamete 'awarita mepɨmatsixeiyakai. Tewi tixaɨtɨ mɨkatihɨkɨ hepaɨ pepɨyɨanekai.

Tsutɨarika 37:8

'Iwamama mekanita'eiya: —Mɨpaɨ xɨari pepɨtiku'eriwa, 'ekɨ petatita'aitɨanike pepɨ'a'erie petatsitanɨ'anike. Hikɨ matsi waɨkawa mekaniuyeha'ani heinɨtsika hepaɨtsita mɨtiwarutaxatɨakɨ.

Hutarieka 'inɨari 16:18

»'Itsɨkate xekaniwatihɨawikuni 'aixɨa memɨte'akayuruwanikɨ heitseriemekɨ yu'iwama watsata, xexuime kiekaritsie Yawé xekakaɨyari 'anuiwarite mɨwayetuirienitsie.

2 Kemɨtiuyɨ 19:5

Xexuime Kura kiekariteyari kuraruyari 'amatitɨtɨtsie 'itsɨkate memuku'utɨkanikɨ kaniwarutihɨawe

Rukaxi 22:66

Merikɨtsɨ 'ukatareku mekaniyukuxeɨrieni teɨteri wa'ukiyarima meta mawari wewiwamete tewa'aitɨwamete, meta 'inɨarikɨ memɨte'ɨkitametetɨkai, mɨkɨ mekani'atɨani memayuxeɨriekaitsie.

Nɨ'ariekate 4:15

Hikɨ mekaniwarutanɨ'ani memanuyekɨnekɨ 'itsɨkate wahɨxie, mɨkɨ mekaniuyu'enieni mɨpaɨ me'utiyuatɨ:

Nɨ'ariekate 5:21

Mɨkɨ me'u'enanaka kememɨte'utahɨawarie, tukita ximeripaɨtɨ mekaneutahaxɨani, muwa mekateni'ɨkitakaitɨni. Kepauka mawari wewiwame tiwa'aitɨwame meta mana memɨhɨritɨarie, meta wahamatɨa memu'uwakai me'u'axɨaka, 'itsɨkate yunaime 'Ixaheri xiɨyarimama 'ukirawetsixi mekaniwarutaxatɨani. Tupiritsixi mekaniwarutanɨ'ani katsariyanata paitɨ memɨwahapayukɨ.

Nɨ'ariekate 6:12

Mepɨwaxamuriekai teɨteri, 'ukirawetsixi, mɨkɨ 'inɨari niukiyarikɨ memɨte'ɨkitakai. Yapauka me'u'axɨaka mekaniwiya, mekaneiwitɨni 'itsɨkate wahetsɨa.

Nɨ'ariekate 6:15

Me'i'ixɨarietɨ yunaitɨ mana memɨtitekai memayuxeɨrietsie, mekanixeiya nierikaya taheima mieme niuki tuayame nierikaya hepaɨ 'anekame.

Nɨ'ariekate 22:30

Hikɨ 'uxa'arieka, kuyaxi tiwa'aitɨwame heitseriemekɨ katinimaimɨkɨkaitɨni ketitayari huriyutsixi memɨteniukixiekai Papuru hepaɨtsita. Kanixɨna meta katiniuta'aita memɨyukuxeɨrienikɨ mawari wewiwamete memɨtewa'aitɨa meta 'itsɨkate yunaitɨ. Hikɨ mana wahɨxie Papuru kani'atɨani.

Nɨ'ariekate 23:1

Hikɨ Papuru 'itsɨkate waxeiyatɨ, mɨpaɨ kaniutayɨni: —Ne'iwamarixi, ne'iyari 'aixɨa 'anekaku kanetsi'utate'akaku Kakaɨyari hɨxie nekaniuyeikani meripaitɨ hikɨ 'akuxi.

Nɨ'ariekate 24:20

Hikɨtsɨ, 'ena yameke'utiyuaneni tita memɨte'ukaxei nehetsie mɨkatiheitserie kepauka ne 'itsɨkate wahɨxie nemuwekai,