Mateu 5:11 - Kakaɨyari Niukieya

¹¹ »'Aixɨa xekani'itɨarieka xeme kepauka memɨxeta'uxiwe'erieni, kepauka memɨxe'uweiyani, kepauka mete'itawatɨ 'axamemutiyuaneni xehepaɨtsita naimekɨ nehetsie xemɨmiemetekɨ.

Mateu 5:11 ပူးပေါင်းရင်းမြစ်များ

1 Pekuru 4:14

Xɨka 'axaxetekuhɨawarɨwani Kɨritsitu hetsɨa xemɨmiemetekɨ, xekeneyutemamawieka, mɨpaɨ xetemaitɨ, 'Iyari witsimɨ'ane xehetsie pɨtiwiya, Kakaɨyari 'Iyarieya hɨkɨtɨtɨ, wahetsɨa 'axapɨtikuxaxatsiwa, xehetsɨa matsi 'aixɨa pɨtikuxaxatsiwa.

Rukaxi 21:17

Yunaitɨ mekanixe'uxiwe'eriekakuni nehetsɨa xemɨmiemetekɨ.

Marikuxi 13:13

Yunaitɨ mekanixe'uxiwe'eriekakuni nehetsɨa xemɨmiemetekɨ, peru kemɨ'ane tiuka'eniwatɨ mɨkatihayewa 'atsita 'imatɨrieka tukaritsie, mɨkɨ kanitawikweitsitɨariemɨkɨ.

Mateu 24:9

»'Ana xekaniyetuiyakuni xemɨ'uximatɨariekakɨ meta xemɨkwi'iwakɨ, metatsiere yunaitɨ nuiwarite mekanixe'uxiwe'eriekakuni nehetsɨa xemɨmiemetekɨ.

Rukaxi 6:22

'Aixɨa xekani'itɨarieka xeme kepauka teɨteri memɨxe'uxiwe'erie, kepauka memɨkaxenaki'erie yuhetsɨa, kepauka 'axamemutiyuane xehepaɨtsita, kepauka memɨxexani'erie 'axaxemɨ'anene me'utiyuatɨ, Yuri Tewi hetsie xemɨtewiyakɨ.

1 Pekuru 2:23

'Axatikɨhɨawarɨwatɨ 'axapɨkatiwarutahɨawixɨ, tikwinetɨ 'atsipɨkahainekai kename 'axawayurienikekai, matsi kaniyuyetuani kemɨ'ane heitseriemekɨ mɨwa'inɨata 'aixɨa miyurienikɨ.

Wani 15:21

Matsi mɨpaɨ naimekɨ katiniyɨmɨkɨ xehetsiemieme nehetsɨa xemɨmiemetekɨ, memɨka'imatekɨ kemɨ'ane mɨnetsiheyenɨ'a.

Mateu 10:22

Yunaitɨ mekanixe'uxiwe'eriekakuni nehetsɨa xemɨmiemetekɨ, peru kemɨ'ane tiuka'eniwatɨ 'amuyeikani heutipareyuke, mɨkɨ kanitawikweitsitɨariemɨkɨ.

Kitsariyaxi 66:5

Yawé niukieya xekeneu'eni, xeme niukieya xemayemakaxe: «Mɨpaɨ xe'iwama mekaniutiyuaneni memɨxexani'erie meta memɨxehayeweweiya kenemɨtitewakɨ xemɨnetsikuxatakɨ: “Yawé mariwetɨ kehayeitɨarieni, temawierika xehetsie temɨxeiyakɨ”. Peru mɨkɨ pɨta mepɨtewiyatsitɨarieni.

Mateu 10:39

Kemɨ'ane yutukari hepaɨtsita muyu'iyaritɨa pitatɨmaiya. Peru kemɨ'ane miyetuani yutukari nehetsɨa mɨmiemekɨ, mɨkɨ tukari hexeiyatɨ payani.

Matsiɨkɨtɨ kemɨratɨa 2:3

Pepɨtiuka'eniwa, waɨkawamekɨ pepɨtiukanewie nehetsɨa pemɨmiemekɨ, pekatihayewatɨ.

Mateu 19:29

Kemɨ'ane nehetsɨa mɨmiemekɨ miku'eiri yukii, yu'iwama 'ukitsi 'ukari, yupaapa, yumaama, yuniwema, yukwie, mɨkɨ xeitsienituyari matsi warexeiyatɨ kanayeimɨkɨ, meta tukari mɨkaxɨwe hexeiyatɨ kanayeimɨkɨ.

2 Kurinitutari 4:11

Tame temayeneniere taheyemekɨ tekaniyetuiyani temɨkwinikɨ Ketsutsi hetsɨa temɨmiemetekɨ, mɨmatsiɨkɨnikɨ tawaiyaritsie kemɨrayeniere Ketsutsi, tsepa temɨkwixime.

1 Kurinitutari 4:10

Tame 'atsitemɨkatemate tekani'eriwani Kɨritsitu hetsiemieme, matsi xeme pɨta xekatenimaiwaweni Kɨritsitutsie xetewiyatɨ. Tameri tepɨkatɨrɨkawi, matsi xeme xekanitɨrɨkawini. 'Aixɨa xekatenikuxaxatsiwani xeme, tame pɨta tekanixani'eriwani.

Xumatari 8:36

Kemɨre'uxa: «'Ahetsie temɨtewiyakɨ tepɨtakwikwiwa yuheyemekɨ, muxatsi memɨkwaiya wahepaɨ tepɨte'anuyehu memehapawa mehekwi'iwake».

Rukaxi 21:12

»Peru 'ikɨ yakatiyɨwekaku 'akuxi, mepɨxetiwiya xeme meta mepɨxe'anuyeweiya. Mepɨxeyetuani tukiteta meta katsariyanata xemanutaxɨriyanikɨ, meta nehetsɨa xemɨmiemetekɨ xepanuhapanieni te'aitamete meta kuwexinaruritsixi wahɨxie.

Rukaxi 9:24

Kemɨ'ane yutukari mɨwikweitsitɨamɨkɨ kanitatɨmaiyamɨkɨ, peru kemɨ'ane yutukari mɨtatɨmaiya nehetsiemieme, mɨkɨ kanitawikweitsitɨamɨkɨ.

Marikuxi 8:35

Kemɨ'ane yutukari mɨwikweitsitɨamɨkɨ kanitatɨmaiyamɨkɨ, peru kemɨ'ane yutukari mɨtatɨmaiya nehetsiemieme, niuki 'aixɨa manuyɨne hetsiemieme, mɨkɨ kanitawikweitsitɨamɨkɨ.

Mateu 10:25

'Aixɨa kani'aneni xɨka tiyɨ'ɨkitɨwame ti'ɨkitame hepaɨ 'anetɨ 'ayani xeikɨa, xɨka ti'uximayatame yukutsiyari hepaɨ 'anetɨ 'ayani xeikɨa. Merikɨte, kiekame Weheritsewu xɨka tiuterɨwarieni, matsi tɨɨriyamamata kemeteterɨwarieni.

Nɨ'ariekate 9:16

Nekatinita'ɨkitɨamɨkɨ kemɨreuyewetse mɨtikwinekɨ nehetsiemieme.

Nɨawari 44:22

'Ahetsie temɨtewiyakɨ, tepɨtakwikwiwa yuheyemekɨ, muxatsi memɨkwaiya wahepaɨ tepɨte'anuyehu memehapawa mehekwi'iwake.

Marikuxi 13:9

»Peru xeme xekeneyukweriwayurieka. Mɨkɨ mekanixeyetuakuni yu'itsɨkate wahetsɨa meta mepɨxetiwani yutukiteta. Kuwexinaruritsixi meta te'aitamete wahɨxie xekaniti'iwawiyariekuni nehetsɨa xemɨmiemetekɨ, mɨpaɨ xe'itɨarietɨwetɨ xekaniwatahekɨatsitɨiyakuni mɨkɨ.

Mateu 27:39

Hikɨ mana memuyekɨkakai 'axamekatenikɨhɨawekaitɨni yumu'u me'utitsiketɨ,

Marikuxi 4:17

yɨkɨmana mepɨkahananatɨka, matsi 'emepɨkateheutere. Kepauka memɨ'uximatɨarie kepauka memutaweiyarie 'ikɨ niuki hepaɨtsita, yapauka mekaniukunuitɨarieni.

Mateu 10:18

Kuwexinaruritsixi meta te'aitamete wahɨxie xekananuhapaniekuni nehetsɨa xemɨmiemetekɨ, mɨpaɨ xe'itɨarietɨwetɨ xekaniwatahekɨatsitɨiyakuni mɨkɨ meta hipame memɨkatateɨterima.

Wani 9:28

Hikɨ mɨkɨ 'axamepɨte'itahɨawixɨ mɨpaɨ mete'ikɨhɨawetɨ: —'Ekɨtsɨ hetsɨana mieme tiyɨ'ɨkitɨwame pepɨhɨkɨ. Tame pɨta Muitsexi hetsɨa miemete teyɨ'ɨkitɨwamete tepɨhɨkɨ.

Nɨawari 35:11

Mete'itawatɨ menetsitaxanetake mepɨ'axe, menetsita'iwawiyake tita 'atsinemɨkatimatekɨ.

Kitsariyaxi 25:8

Mɨki mɨɨya kanikumaweriyamɨkɨ yuheyemekɨ, Yawé naimekɨmɨyɨwe yunaime teɨteri kaniwara'ukaipiexɨamɨkɨ, meta naitsarie kwiepa teɨterimama memɨkananaimariekakɨri katinikumaweriyamɨkɨ. Yawé yɨkɨmana mɨpaɨ kanaineni.

Kitsariyaxi 51:7

»Xekeneneu'eni, xeme tita mɨtiheitserie xemɨtemate, teɨteri ne'inɨari niukiyari yu'iyaritsie xemɨye'ɨna: Teɨteri 'axametexekɨhɨawekaku xepɨkamamaka, meta xepɨka'utiweranareni mexe'anutate'akaku,

Keremiyaxi 37:14

Keremiyaxi mɨpaɨ katinitahɨawe: —Yakɨ pepaine, ne wawiruniyutsixi nepɨwatinɨni nepɨkatiku'eriwa. Peru 'Iriyaxi yakɨ tinita'eririeni, 'iwiyaka kaneihana memanuyetei wahetsɨa.

Piriputari 1:29

Kɨritsitu hetsɨa xemɨmiemetekɨ xepupitɨarie yuri xemɨte'eriekakɨ, matsitsɨ 'akuxi xepɨpitɨarieni xemɨtekwinekɨ hetsiena mieme,