Mateu 4:4 - Kakaɨyari Niukieya

⁴ Ketsutsi mɨpaɨ katinita'eiya: ―'Utɨarika mɨpaɨ kanaineni: “Tewi paakɨ xeikɨa pɨka'ayeniereni, Kakaɨyari kemutayɨ, niukieya naitɨ peuyewetseta”.

Mateu 4:4 ပူးပေါင်းရင်းမြစ်များ

Hutarieka 'inɨari 8:3

Waɨkawa pɨxe'uta'inɨataxɨ meta xeyehaakakwitɨweme pɨxe'ayeitɨa, peru 'arike manana pɨxemikwakai, mɨkɨ 'ikwai xeme xemɨka'imatekai meta xetutsima mepɨkaheitima, mɨpaɨ pɨxetiuta'ɨkitɨa kename tewi pakɨ xeikɨa ka'ayeniereni, matsita naitɨ Yawé niukieya peuyewetse.

Rukaxi 4:4

Ketsutsi mɨpaɨ katinita'eiya: —'Utɨarika mɨpaɨ paine: “Tewi xɨka paa xeikɨa kwaka, mɨkɨkɨ pɨka'ayeyurini”.

Wani 6:63

'Iyari kanihɨkɨtɨni tukari tiyupitɨwame, waiyari 'atsipɨkatiuyuriwe. Tita nemɨtixekuxaxatɨwa ne, mɨkɨ kani'iyaritɨni kanitukaritɨni.

Xumatari 15:4

Naitɨ meripaitɨ mɨtiuti'utɨarie, temɨteti'ɨkitɨarienikɨ katiniuti'utɨarieni, para tete'uka'eniwatɨ 'utɨarika xapayari tatsinɨtɨakaku yuri temɨte'eriekakɨ teta'ikwewatɨ.

'Epetsutari 6:17

Kuya yumu'utsie tepɨa kemɨranaketsa, xemeta mɨpaɨ xeketenemaika, xemutawikweitsitɨariekɨ. 'Ixipara kemɨrakwe'e, Kakaɨyari niukieya xehexeiyatɨ xekeneyukwitɨweni, 'Iyari kemɨtiyumiene mɨkɨkɨ.

Memeyekɨ 16:15

'Ixaheritsixi memɨkatemaikaikɨ ketitamɨtihɨkɨtɨkai, me'ixeiyatɨ mɨpaɨ mepɨteyuku'iwawiyakai: «¿Ketita tihɨkɨ 'ikɨ?» Muitsexi mɨpaɨ katiniwarutahɨawe: —Mɨkɨ paa kanihɨkɨtɨni Yawé mɨxemikwa xemitikwanikɨ.

Rukaxi 4:8

Hikɨ Ketsutsi mɨpaɨ katinitahɨawe: —Kenemie Kauyumarie, 'utɨarika mɨpaɨ paine: “Nenewieri pepipitɨani Ti'aitame 'akakaɨyari, mɨkɨ hɨkɨame xeikɨa pepayexeiyani”.

Memeyekɨ 16:35

'Ixaheritsixi mɨkɨ mekanikwakaitɨni manana huta tewiyari wiyari, kepaukake memeta'axɨa Kanani kwieyaritsie paitɨ, mɨkɨ wakwie wakiekari patɨa.

Memeyekɨ 16:8

Muitsexi mɨpaɨ katiniwarutahɨawe: —'Ikɨ taikaiyaritsie Yawé wai kanixemimɨkɨ, paa xetikwame xekanitihuxaikuni kanixe'u'enieni hepaɨtsitana 'axakexemutiyua. Tame tixaɨtɨ tepɨkatehɨkɨ. Xeme ke'axaxemutiyuane tahetsiemieme xepɨka'utiyuane, Yawé hetsiemieme pɨta xekaniutiyuaneni.

Mateu 4:10

Hikɨ Ketsutsi mɨpaɨ katinitahɨawe: ―Kenemie Kauyumarie. 'Utɨarika mɨpaɨ kanaineni: “Ti'aitame mɨ'akakaɨyari xeikɨa kenayexeiyani”.

Mateu 4:7

Hikɨ Ketsutsi mɨpaɨ katinita'eiya: ―Mɨpaɨta kanaineni 'utɨarika: “Ti'aitame mɨ'akakaɨyari pepɨka'inɨataneni”.

Rukaxi 4:12

Ketsutsi mɨpaɨ katinitahɨawe: —Mɨpaɨ paineta: “Pepɨka'i'itsipaneni Ti'aitame mɨ'akakaɨyari”.

Memeyekɨ 23:15

»Paa mɨkakuxaxani 'ixɨarariyari xepiwewiximeni weiya metseriyaritsie, mɨkɨri mana pɨka'inɨarini. Xeme mɨkɨ metseriyaritsie xekanayekɨne 'Ekipitu. Kenemɨtixe'aitɨa, 'atahuta tukari xekanikwakakuni paa mɨkakuxanariyarietɨka. »'Aixɨa pɨka'ane xewitɨ nehɨxie mɨ'axeni tixaɨtɨ karapitɨ 'imikierite.

Mateu 15:11

Tita ka'itiyakame tewi mɨrayeitɨwa, tetana mɨranukayeikakɨ mɨkɨkɨ 'axapɨka'itɨarieni. Matsi tita tetana mɨratineikakɨ, mɨkɨkɨ pɨta ka'itiyatɨ payeika.

Marikuxi 7:20

Tawarita mɨpaɨ kaniutayɨni: —Tita tewi taɨta mɨratineika, mɨkɨ pɨta kanihɨkɨtɨni tita ka'itiyakame meyeitɨa.

Wani 15:26

»Kepauka munuani Tiyuparewiwame xehamatɨa muyeikanikɨ nemɨxehanɨ'airieni ne'ukiyari hetsɨa mieme, 'Iyari yuri maine ne'ukiyaritsɨa mayeneika kepauka munuani, mɨkɨ nehepaɨtsita katinitahekɨatamɨkɨ.