Mateu 3:7 - Kakaɨyari Niukieya

⁷ Hikɨ yumɨireme waxeiyatɨ paritseutsixi meta tsarutseutsixi hetsɨana memɨ'axekaikɨ mɨra'ɨyanekaitsie, mɨpaɨ katiniwarutahɨawe: «Kuterixi waniwema. ¿Kemɨ'ane mɨpaɨ pɨtixe'utahɨawixɨ xemɨyuta'unakɨ kapa 'uxa'atɨniwarie xe'uyehekarienikɨ?

Mateu 3:7 ပူးပေါင်းရင်းမြစ်များ

Mateu 12:34

Xeme kuterixi xepɨhɨkɨ, xeme xepɨkayɨwawe 'aixɨa xemɨtekuxatani, xeme 'axaxepɨte'u'iyari. Tita yu'iyaritsie mɨtihɨniyani, mɨpaɨ katinikuxatamɨkɨ.

1 Tetsarunikatari 1:10

xemikwewiekakɨ Nu'aya taheima makaneni, Kakaɨyari yuniwe manukuketɨa mɨkite watsata, Ketsutsi kanihɨkɨtɨni kemɨ'ane mɨtatsi'utawikweitsitɨa haxɨa maye'axime mɨkatatsi'axekɨ.

Xumatari 1:18

Matsi haxɨa kanimatsiɨkɨni, Kakaɨyari taheima makawe kemɨtiheka naime teɨteri kememɨteyurie mekaheyexeiyatɨ heitseriemekɨ yamekatekahutɨ, mɨkɨ memɨka'ihekɨata tita yuri mɨraine heitseriemekɨ yamekatekahutɨ.

Mateu 23:33

»Kuterixi xepɨhɨkɨ. Kuterixi waniwema. ¿Kehepaɨ xeteyutawikweitsitɨani xemɨkaheukaxɨriyanikɨ mɨrataiyarietsie?

Xumatari 5:9

Xuriyayakɨ heitserie temupitɨariekɨ hikɨ, matsi waɨkawa mɨkɨ pɨtatsitawikweitsitɨani temɨkahekariekakɨ.

Mateu 22:23

Mɨkɨ tukaritsietsiere tsarutseutsixi hetsɨana mekaniu'axɨani, mɨkɨ mɨpaɨ meputiyuanekai kename mɨkite meka'anuku'uwe, hikɨ mɨpaɨ mekatenita'iwawiya:

Mateu 16:6

Hikɨ Ketsutsi mɨpaɨ katiniwarayehɨtɨani: —Yumarima 'aixɨa, xekeneyɨ'ɨwiyani tiyukuxanariyame paritseutsixi meta tsarutseutsixi wahetsɨa mieme hepaɨtsita.

1 Wani 3:10

'Ipaɨ mepɨtematsiɨkɨ Kakaɨyari niwemama meta Kauyumarie niwemama: Kemɨ'ane yamɨkatiyuriene kemɨtiheitserie meta kemɨ'ane yu'iwa mɨkanaki'erie, mɨkɨ Kakaɨyari pɨkanu'aya.

Wani 9:40

Merikɨtsɨ paritseutsixi hipatɨ hamatɨana memu'uwakai mekaniu'enanani. Mɨpaɨ mekatenitahɨawe: —¿Tamerita tekateheuneniere?

Keremiyaxi 51:6

»Wawiruniya xemu'uwa xekeneuyuta'una. Ke'uyutawikweitsitɨani kemɨ'ane mɨyɨweni. Kapa mɨkɨ 'axamemɨte'uyurikɨ mana xe'ukwi'iwa wahetsiemieme. Karikɨ kanaye'aniri tukari kepauka Yawé mɨtiwarakapitɨani, mɨkɨ yapuwayurieni kememɨte'uyurikɨ.

Keremiyaxi 6:10

¿Kemɨ'ane nepɨtahɨawe? ¿Kemɨ'ane nepayemari'itɨani? ¿Kemɨ'ane pɨnetsi'enieni? Yunakata mepeukanatɨka mepɨkaheti'enatɨkɨka. Yawé niukieya 'axamepɨte'enie, mepixani'erie memi'enienikɨ.

Hepɨrayutsixi 11:7

Yuri mɨti'eriekaikɨ, Nuhexi yukweriwayurietɨ, kanuwa kaniutawewieni mɨwatawikweitsitɨanikɨ yukie kiekatari, mɨpaɨ tiutahɨawarieka tita teɨteri 'akuxi memɨkatexeiyawawekai hepaɨtsita. Mɨpaɨ mɨtiuyurikɨ, kwiepa memɨtama wahetsie pɨtiuhɨiya, mɨkɨtsie pɨta pɨtiunakixɨ heitserie mexeiyanikɨ yuri ti'erietɨ.

Nɨ'ariekate 26:5

Mɨkɨ matɨari paitɨ memɨnetsimaikai xɨka metehekɨatanike, mɨkɨ mɨpaɨ mekaniutiyuanenikeyu ne kenemɨtikuyeikakai paritseutsixi wahetsie netiwiyatɨ. Paritseutsixi tita temɨtehayexeiyatsie yemekɨ yamepɨtekahu.

Nɨ'ariekate 20:31

'Ayumieme xekenayeneniereni, xekena'eriwani haika wiyari tukarikɨ tɨkarikɨ kenemɨkatihayewakai nexeku'imaiyatɨ yuxexuime, ne'utatsuatɨ.

Nɨ'ariekate 15:5

Hikɨ hipatɨ paritseutsixi wahepaɨ memɨteku'eriwakai mekananuku'uni mɨpaɨ me'utiyuatɨ: —Peuyewetse memɨkahuriyutsixi temɨwata'aitɨanikɨ memɨ'inɨaritɨarienikɨ xitekiyakɨ, 'inɨari niukiyari Muitsexi 'aitsikayatsie yamemɨtekahunikɨ.

Nɨ'ariekate 5:17

Hikɨ mawari wewiwame tiwa'aitɨwame meta mana memɨhɨritɨarie me'anuku'uka, yunaitɨ mɨkɨ memɨtsarutseutsixitɨkai, mekaniwaruti'uxiwe'erieni.

Wani 8:44

Xeme yu'ukiyari hetsɨa xekanimiemetetɨni Kauyumarie hetsɨa. Xekaniyuwaɨriyani yaxemɨteyuriekakɨ tita mɨtiheiwe'erie xe'ukiyari. Mɨkɨ meripaitɨ katiniyumemiwani. Tita yuri mɨrainetsie tiwiyatɨ 'apɨka'uwe, tita yuri mɨraine mumawekɨ hetsiena. Kepauka 'itarikakɨ mɨtikuxata, yɨkɨmana katinikuxatani mɨti'itawakɨ, memɨte'itawa mɨwa'ukiyarikɨ.

Wani 1:24

Mɨkɨ memeyenɨ'arie paritseutsixi wahetsɨa mekanimiemetetɨkaitɨni.

Rukaxi 18:11

Merikɨtsɨ paritseu mana 'utakeka nenewieri kaniyupitɨakaitɨni mɨpaɨ 'utaitɨ: “Kakaɨyari, pamɨpariyutsi nekamanipitɨaka hipame teɨteri wahepaɨ nemɨka'anekɨ ne ―mɨkɨ mepɨtenawaya, heitseriemekɨ yamepɨkatekahu, hipame wa'ɨitama mepɨwakumaɨwa― meta nitsikere 'ikɨ tiwawame hepaɨ nepɨka'ane.

Rukaxi 16:14

Merikɨtsɨ paritseutsixi 'ikɨ naime mekateniu'enieni, mɨkɨ tumini memɨhiwe'eriekaikɨ mekanitawe'eriekaitɨni.

Rukaxi 7:30

Peru paritseutsixi meta hipatɨ 'inɨari niukiyari memɨmate, mɨkɨ mekanitixani'erieni Kakaɨyari kemɨtiyurienikekai wahetsiemieme, Wani hetsɨa mepɨka'uka'ɨyarie.

Marikuxi 12:18

Hikɨ hetsɨana mekaniu'axɨani tsarutseutsixi, mɨkɨ mɨpaɨ meputiyuanekai kename mɨkite meka'anuku'uwe, hikɨ mɨpaɨ mekatenita'iwawiya:

Marikuxi 12:13

Hikɨ hetsɨana mekaniwarutanɨ'ani paritseutsixi hipame meta Herurexi hetsie memɨtewiyakai meyɨnɨkame, niukieyatsie memiwiyakɨ.

Marikuxi 8:15

Hikɨ Ketsutsi mɨpaɨ katiniwaraye'eritɨani: —Yumarima 'aixɨa xekeneyukweriwayurieka tiyukuxanariyame hepaɨtsita paritseutsixi wahetsɨa mieme meta Herurexi hetsɨa mieme hepaɨtsita.

Mateu 22:34

Hikɨ paritseutsixi mekaniuyukuxeɨrieni me'u'enanaka kayuwatɨ kememɨte'uyatsariekai tsarutseutsixi.

Mateu 22:15

Hikɨ paritseutsixi mekanekɨne meta mepuyu'eni kememɨte'iwiyakɨ niukieyatsie.

Mateu 12:24

Peru, paritseutsixi me'u'enanaka, mɨpaɨ mekaniutiyuani: «'Ikɨ kakaɨyarixi 'axamemɨ'anene puwarayenɨ'awa Weheritsewu tɨrɨkariyayakɨ, kakaɨyarixi 'axamemɨ'anene tiwa'aitɨwame».

Mateu 5:20

Mɨpaɨ nepɨtixekɨhɨawe, xeme xepɨyuwaɨriya heitseriemekɨ yaxemɨtekahunikɨ. Mɨkɨ meta 'inɨarikɨ memɨte'ɨkitamete, paritseutsixi meta, mɨkɨ yaxeikɨa waniu mepɨteyuwaɨriya. Merikɨte, peuyewetse xeme matsi yemekɨ yaxemɨtekahunikɨ. Mexɨka katixaɨtɨni, tixaɨ xepɨkaheutahaxɨani hakewa mɨra'aita kemɨ'ane taheima makawe.

Kitsariyaxi 59:5

Kuterixi watawári xepɨtsiniya meta tukatsi wawiniyari xepɨwewie. Kemɨ'ane mɨkɨ tawári mutakwani pɨmɨni, xɨka xewitɨ mɨkɨ tawári 'utare, kuu kanayenemɨkɨ.

Tsutɨarika 3:15

'Ekɨ kuu 'ukamatɨa xepayuye'unieka, meta 'aniwema 'uka niwemama wahamatɨa, 'uka nu'aya xewitɨ pumatikwinitɨani 'amu'utsie, 'ekɨta pepɨtikwinitɨani keputsayatsie».

Hepɨrayutsixi 6:18

Tame 'ayumieme tita mɨkatipatsiewe tepexeiya hutame, mɨkɨ hepaɨtsita Kakaɨyari pɨkayɨwe mɨtati'itaiyanikɨ, mɨkɨkɨ 'ayumieme tɨrɨkaɨyemekɨ tekanituikarieka, tame temɨtata'unaxɨ te'iwiyatɨ tita temɨtekwewie.

Mateu 15:12

Hikɨ teyɨ'ɨkitɨwamete 'ahurawa me'ukɨneka mɨpaɨ mekatenitahɨawe: —¿Mɨpaɨ petimate, paritseutsixi 'aniuki me'u'enieka mɨkawarunakixɨ?

Temaiwawemete 28:4

Kemɨ'ane 'inɨari niukiyari memuku'eiri 'aixɨa meputiyuaneni 'axateyuruwamete wahepaɨtsita, matsi kemɨ'ane memi'enie mekaniwa'uxiwe'erieka.

Mateu 16:1

Merikɨtsɨ paritseutsixi meta tsarutseutsixi Ketsutsi 'aurie mekaniu'axɨani, me'i'inɨatakutɨ, 'inɨari mekanitawawirieni muyuawitsie mieme memixeiyakɨ.