Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mateu 3:12 - Kakaɨyari Niukieya

12 Ti'itiwame pakwe'e, yutɨriku xatsiyari panuyewiwieni, kaniti'utamɨkɨ takariyari kaxetunitsie, hikɨ xatsiyari pɨtitaiyarieni tai mɨkatɨwetsie».

အခန်းကိုကြည့်ပါ။ ကော်ပီ




Mateu 3:12
30 ပူးပေါင်းရင်းမြစ်များ  

»Neuxei, tukari kanaye'aximeniri, teeka ha'aritsietɨ hepaɨ 'anetɨ. Yunaitɨ memɨteyukatawe'erie meta 'axateyuruwamete xatsi hepaɨ mepɨ'aneneni, hikɨ mɨkɨ tukaritsie mekanititaiyariekuni wananari tɨma pɨkayuhayewa —Yawé Naimekɨmɨtɨrɨkaɨye mɨpaɨ kanaineni—.


Xekeneuhayewa 'axeikɨa mɨwawerenikɨ 'itsanaxake. 'Anake mɨpaɨ nepɨtiwatahɨawe 'itsanamete: Hamɨrixa meri xekeneukuxeɨri, xekenanahɨaxɨa xemititaiyakɨ, meta tɨriku xekeneuti'uta nekaxetunitsie”».


Kuxari 'itiwame pakwe'e, tɨriku mɨti'itienikɨ kuxari manuyewiwienikɨ, tɨriku kaniti'utamɨkɨ kaxetunitsie, peru kuxariyari pɨta pɨtitaiya tai mɨkatɨwetsie.


Wawiruniya hetsiemieme nepuwaranunɨ'ani teɨteri teikɨ memeihɨanikɨ, tɨriku kemɨtihenarɨwa hepaɨ mɨ'itɨarienikɨ, kepaukake 'akumaweme memɨhayewa. Kepauka mu'uximatɨarieni naitsarie kiekatari mepitamieni.


Pekaniwarexɨrimɨkɨ, meta 'eka kanenu'enitsitɨamɨkɨ, 'eka mɨtɨrɨkaɨye kaniwataxɨriexɨamɨkɨ. Peru 'ekɨ Yawé hetsie petiwiyatɨ pekaniyutemawiekamɨkɨ, 'Ixaheri hetsie Mɨpatsie kɨmana pekani'ata'ɨrimɨkɨ.


Yuri Tewi kenemɨtihɨkɨ, nepɨwatanɨ'ani neniuki tuayamete, mɨkɨ mepɨwakuxeɨrieni teɨteri hipame memɨwarukununuitɨwa 'axamemɨteyuriekakɨ, meta teɨteri kemɨkatiheitserie memɨteyurie.


Peru, 'axamemɨte'u'iyari xatsi 'eka miku'enitsitɨane hepaɨ mekani'aneneni.


»'Ayumieme Yawé naimekɨmɨyɨwe mɨpaɨ kanaineni: “'Ena nehaxɨa nekananɨ'amɨkɨ: teɨteri wahetsie meta tewaxi wahetsie, kɨyexi yeuta mieme hetsie meta 'ikwaxi 'ena kwiepa mɨtixuawetsie, nehaxɨa pɨtaka pɨkayɨtɨnɨaka”.


Yunaitɨ nana mamateya nehetsie memɨtewiya xɨka meka'utixuxuawereni, kaniwaranuyexɨrimɨkɨ. Yunaitɨ memutixuxuawere, kaniwati'itimɨkɨ matsi waɨkawa memɨkaxuawerekɨ.


Kiekari kitenie nekameneuyewiwimɨkɨ nakitsaraɨkɨ. 'Ekɨ 'aniwema 'ukitsi yunaime nekameninawairiemɨkɨ, neteɨterima yunaime nekaniwaka'unamɨkɨ, 'axameteyurietɨ memɨkate'uhayewaxɨkɨ.


Peru xɨka ne'aitsikatsie yaxekatekakɨne xawati xɨka xehatɨmaiya meta xɨka Kerutsareme kitenieyaritetsie 'ika xeteheutahatɨwani xawatikɨ, hikɨ 'ana 'itupariteya nekanitaiyaxɨamɨkɨ, kayutɨnɨakamekɨ meta paratsiyute kanititaimɨkɨ Kerutsareme miemete’ ”».


Tuurutsixi meta puxuri memɨte'uximaya 'aixɨa 'aneneme mume 'etsime mekanitikwaikuni, nakitsaraɨkɨ meta parakɨ teikɨ mewiwiya.


Tsepanetɨ mɨkɨ teɨteri memutihiwa haa 'ateewa meukaxɨrɨweni hepaɨ tiyu'eniɨriɨkɨmekɨ, kepauka mɨkɨ mɨwarutate'a mepuyuta'una, 'ekakɨ mepu'enitsitɨariexime xatsi hɨritetsie mieme hepaɨ, meta 'eka tɨrɨkaɨyetɨ kwauni mu'enitsitɨaximeni hepaɨ.


'Ayumieme, tai nerɨkwari xatsi kemɨtitixɨxɨtsitɨwa meta tai 'ɨxa muwawaki kemɨtititaiya, nanarieya mɨtipɨniya, meta kwauni hepaɨ tuturiyari katiniti'enimɨkɨ. Yawé Naimekɨmɨtɨrɨkaɨye 'inɨari niukiyarieya memɨka'utanaki'erikɨ meta 'Ixaheri hetsiemieme Mɨpatsie niukieya memɨnanaimakɨ.


Tewi mɨtɨrɨkaɨye mɨaxa hepaɨ kaniyɨmɨkɨ, meta 'uximayatsikaya tai tsipɨrikiyari hepaɨ, 'axeikɨa hutatɨ kanititaimɨkɨ, xewitɨ pumaweni mitɨnikɨ.


'Ɨxa hepaɨ mekehe'enitsitɨarieni, niuki tuayame Yawé hetsɨa mieme wakwinekaku,


'eka 'uwakaxa kemɨre'enitsitɨwa hepaɨ, kuxari 'eka mɨtɨrɨkaɨye mei'enitsitɨwa hepaɨ?


Mɨkɨ heitseriemekɨ yamemɨtekahu pɨta memamariwawetɨ mekanakɨnikuni 'ana hakewa wa'ukiyari mɨre'aita, tau kemɨtimerɨkaɨye. Xewitɨ netɨ mu'enaxɨ, ke'u'ena.


Nekatinita'aitamɨkɨ 'ixaheritsixi memɨtikatsienikɨ yunaime nuiwarite watsata, xiekari manuyekatsieni hepaɨ tikatsemetsie, xewitɨ tete kapitɨarietɨ kwiepa mɨkaweni.


'Ayumieme hai ximeri mieme hepaɨ me'anenetɨ mepakɨne, haɨtsi ximeri paitɨ manuku'eke hepaɨ, xatsi 'eka mei'enitsitɨwa hepaɨ, kɨtsi huxunuta matineika hepaɨ.


'Iya tukaritsie mɨpaɨ mepɨtetahɨawarieni 'ikɨ teɨteri meta Kerutsaremetari: «Hɨrite mɨmeetse makumawetsie mɨtiteitsie paitɨ 'eka xɨkatɨ pataneika neteɨterima wakiekari nemɨnaki'erie makuma hepa 'erietɨ. Mɨkɨ 'eka tihename pɨkahɨkɨ meta tɨriku hename pɨkahɨkɨ,


Hikɨ kepauka memuwayekɨnetsie mepɨwaxeiya wakaxarite kemɨ'ane memɨnetsi'utami. »Kwitsi pɨkamɨni muwakwa'a, meta tai pɨkatɨni muwatixɨtsitɨwa: memɨxani'eriwa mepakɨne yunaitɨ kwiepa memɨtama wahɨxie».


Nepɨkaha'a. Xɨka 'ɨtsi meta xuya hexeiyani, ne nekanitamieweni meta naime nekaniutitaiyaweni,


Mɨkɨ huxunu mɨwatita'atsie mepeukaxɨriyani. Muwa meputitsuanani meta mepɨyutikeweni.


Peru Wani mɨpaɨ katiniwarutahɨawe yunaime: —Neri hakɨ nepɨxe'uka'ɨya. Peru 'ukanamieni kemɨ'ane waɨkawa mɨtɨrɨkaɨye, nekatɨrɨkaɨyekaku ne. 'Aixɨa nepɨka'ane nehetsie mɨtinakenikɨ nemiparewiekakɨ ninemenakuwenirienikɨ kakaiya kwitaxiyari. Mɨkɨ pɨta kanixeka'ɨyamɨkɨ 'Iyari Mɨtiyupatakɨ meta kanixe'itimɨkɨ tai kemɨtiyu'itiwa.


'Uriyari kanitiketsinarɨwani, peru waɨkawa pɨkaketsinarɨwa, meta ka'uxipietɨ pɨtiketsinarɨwa. Hetsiena kaxeta 'ɨkaya kaniuyehanietɨyeikani, peru kawayutsixi mepɨka'itɨxiwawe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ