Mateu 27:60 - Kakaɨyari Niukieya

⁶⁰ Yuteukiyapa kaneitateni mɨhekwakaitsie meripaitɨ mita'aitakai mɨwaye'inierienikɨ 'aitɨa. Meta tete 'amɨnena kaneukurupa kɨmana teukiya heunaka, kaneyani.

Mateu 27:60 ပူးပေါင်းရင်းမြစ်များ

Kitsariyaxi 53:9

Pukateukie 'axateyuruwamete watsata, meta pumierie 'axateyuruwamete wahamatɨa, tsepa hatsuaku 'axamɨkatiuyuri, meta nanaimarika tetana mɨka'utixuawerixɨ.

Mateu 28:2

Hikɨ kwie karima kaniutayuani, taheima kanakaneni niuki tuayame Ti'aitame hetsɨa mieme, hikɨ nuaka teté kaneukɨhɨani, meta hetsiena kanayerɨni.

Mateu 27:66

Hikɨ mɨkɨ mehekɨneka, teukiya mekaneunani tetekɨ, meta mekaniyu'inɨaritɨani, metatsiere kuyaxi mana mekaniwaru'uitɨani memihɨkakɨ.

Wani 20:1

Merikɨtsɨ mexɨakame tukariyaritsie tsemanayaritsie Mariya Mararatanaka teukiyapa kaninuani yuimuana 'uyɨwikaku 'akuxi, tete teukiyapa heuhɨiyakame kaniuxeiya hɨxiena meukatei.

Rukaxi 24:2

Hikɨ teté mekaniutaxeiya heuhɨiyakame kitenie meukatei.

Tsutɨarika 50:5

kepauka nepaapa mɨmɨximekai, mɨpaɨ pɨnetiuhɨritɨa, kename nekeheiteukimienike 'ukiyarimama memɨwayehetsie, Kanani kwieyaritsie paitɨ. Mɨpaɨ xeketenetawawiri Parahuni, nemiteukimiekɨ, kenameta ne'akunuani.

Kitsariyaxi 22:16

»“¿'Ena kepetiyuriene? ¿Kemɨ'ane heitserie pɨmatsi'upitɨa 'uwa teukiya pemɨti'inekɨ? ¿Titayari meutitewatsie 'a'uxipiweme petiwewiene, ketitayari 'aitsie perewaye'ine?

Mateu 27:59

Hikɨ Kutse Ketsutsi kaxarieya kanekweni kanita'eima rinu tsawanayari 'itiyakamekɨ.

Wani 11:38

Hikɨ Ketsutsi tawarita yumuinatɨ yu'iyaritsie teukiyapa kaninuani, mɨkɨ terɨ kanihɨkɨtɨkaitɨni, tetekɨ katineunakaitɨni kitenie.

Wani 11:41

Hikɨ tete mekaneuhɨani. Ketsutsi yuheima heutiniereka mɨpaɨ kaniutayɨni: —Ne'ukiyari, pamɨpariyutsi nekamanipitɨaka pemɨnetsi'u'enikɨ.

Wani 19:41

Mana kuruxitsie mamierietsie haraweri kaniyemakaitɨni. Harawerita teukiyapa hekwamekɨ mɨwaye'inierie kanikumakaitɨni. Xewitɨ 'akuxi mɨkɨ teukiyapa pɨkakateukiewekai.