Mateu 27:4 - Kakaɨyari Niukieya

⁴ mɨpaɨ 'utaitɨ: —'Axanepɨtiuyuri nemiyetuakɨ tewi hetsiena mɨkarahɨiya, xuriyaya mɨtayeurienikɨ. Mɨkɨ mɨpaɨ mekatenitahɨawe: —Tame mɨkɨ tepɨkateha'iwawa, 'ekɨri katini'amaiyatɨni.

Mateu 27:4 ပူးပေါင်းရင်းမြစ်များ

1 Wani 3:12

Kahini hepaɨ tepɨkayɨaka, mɨkɨ 'axamɨtiyuriene hetsɨa kanimiemetɨkaitɨni, yumuta kaniumieni. ¿Titayari timi? Tita mɨtiyurienekai 'axamɨti'anekaikɨ, mutaya tita mɨtiyurienekai mɨheitseriekaikɨ.

1 Pekuru 1:19

xepuxɨnarie Kɨritsitu xuriyayakɨ kwini mieme matsi mɨraye'axekɨ, mɨkɨ mawari hepaɨ muxa nunutsi hepaɨ kaniumierieni, hetsiena karahɨiwakaku, 'aixɨa 'anetɨ mawari mayanikɨ.

Hepɨrayutsixi 7:26

'Aixɨa kaniuyɨnita temeixeiyakɨ mawari wewiwame mɨpaɨ mɨ'ane. Patsietɨ, 'axakatiyurienetɨ, katsewiximarietɨ, 'axateyuruwamete wahamatɨa kayuxewiriyatɨ, muyuawi heima hanutiyeikatɨ.

Titu 1:16

Mekaniyuhekɨatani kename waniu me'imate Kakaɨyari me'utiyuatɨ, peru kememɨteyurie mepɨyuhekɨata matsi kename meka'imate, mekanixani'eriwani, yamepɨkatekahu, meta mepɨkayɨwawe 'aixɨa memɨte'uyurieni.

1 Timuteu 4:2

mete'ɨkitatɨ yakɨ xeikɨa metekuxatatɨ, Kauyumarie 'inɨarieyakɨ mepɨtepɨatɨarieni yu'iyaritsie, 'ayumieme pɨkawarutate'ani wa'iyari.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Nɨ'ariekate 13:28

Tsepanetɨ tixaɨtɨ memɨkate'ukaxei hetsiena, Piratu mekaniutawawirieni mɨmierienikɨ.

Wani 19:7

Huriyutsixi mɨpaɨ mekatenita'eiya: —Tame 'inɨari niukiyari tekanexeiyani, mɨkɨ 'inɨari kemaine, kaneuyeweka 'ikɨ mɨmɨnikɨ Kakaɨyari nu'aya mayuyeitɨakɨ.

Rukaxi 23:47

Xeitsienituyari kuyaxi tiwa'aitɨwame 'uniereka kemɨtiuyɨ 'aixɨa kaniutayɨni Kakaɨyari hepaɨtsita, mɨpaɨ 'utaitɨ: —Yurikɨ 'ikɨ tewi heitserie pexeiyakai.

Rukaxi 23:41

Peru kaniheitserietɨni tahetsie kemɨtiunakixɨ, kemɨreuyewetse xeikɨa tepɨ'itɨarietɨwe yatemɨteyuriekaikɨ. 'Ikɨ matsi tixaɨ 'atsipɨkatiyuriewe.

Rukaxi 23:22

Hairieka mɨpaɨ katiniwarutahɨawe: —¿Titakɨ 'axatiuyuri 'ikɨ tewi? Kenemɨtimate ne, tixaɨtɨ 'atsipɨkatiuyuri pɨkaheuyewetse mɨmierienikɨ, 'ayumieme kuweiyaxɨayu nepixɨna.

Mateu 27:54

Xeitsienituyari kuyaxi tiwa'aitɨwame meta hipatɨ hamatɨana Ketsutsi memɨ'ɨwiyakai, kepauka kwie memuxei 'uyuaneme meta naime kemɨtiuyɨ mete'uxeiyaka, waɨkawa mekanimamakaitɨni meta mɨpaɨ mekaniutiyuani: —Yurikɨ 'ikɨ Kakaɨyari punu'ayatɨkai.

Mateu 27:19

Mexi Piratu 'itsɨkame 'uwenieyatsie 'akatei, 'ɨyaya niuki kaneinɨ'airieni mɨpaɨ 'utaitɨ: «Keneuhayewa mɨkɨ tewi heitseriemekɨ yamɨtikamie, kɨmana waɨkawa nepɨtiukwinixɨ neheinɨtsita hikɨ yɨwikɨta».

Kunatsi 1:14

Hikɨ 'ayumieme Yawé mekaniutahɨawe Kunatsi Kakaɨyarieya, karima mɨpaɨ me'utiyuatɨ: «Neuxei Yawé, 'ekɨ yapepɨtiyurieni kemɨmatinake. Pepɨkatatsipitɨaka tame temɨkwinikɨ 'ikɨ 'axamɨtiuyurikɨ xeikɨa meta tahetsie pepɨkarahɨpani 'ikɨ tewi xɨka tematsiyetuirieni xɨka hetsiena pemɨrahɨpa kahɨkɨtɨni».

Keremiyaxi 26:15

Peru mɨpaɨ xeketenemaika xɨka xeme xenetsi'umieni, 'atsikatiuka'iyarime xuriyaya xepɨtayeurieni yuhetsie meta yunaime 'ena kiekatari wahetsie. Peru kaniyuritɨni Yawé kaneneyenɨ'ani 'ikɨ niuki nemɨxetaxatɨanikɨ hekɨakamekɨ».

Kuwi 16:2

«Niuki 'ipaɨ 'anuyɨtɨkaime waɨkawa nepeye'eniwari, xeme matsi, xenetsinɨtɨanike xepɨnetsi'uximatɨa pɨta.

2 Te'aitamete 24:4

meta yumɨireme muwarukwikɨ teɨteri 'atsimekateyuriekame Kerutsareme kiekariyari xuriyakɨ mutahɨniyaxɨkɨ. 'Ayumieme Yawé pɨkatiwareuyehɨwiri.

1 Te'aitamete 21:27

Kepauka 'Akawi 'ikɨ niuki mu'eni, mɨkɨ yukamixa kaneukatsana, hiwerika kamixayari kananakatɨni meta kaniyuhakieni. Mɨpaɨ rekamixatɨ kaniukahupukaitɨni meta nutuixietɨ kanikuyeikakaitɨni.

1 Tsamuheri 15:30

Merikɨte Tsahuri mɨpaɨ katinita'eiya: —'Axanepɨtiuyuri. Peru hikɨ nepɨmatsiwawirie 'ukirawetsixi neteɨterima wahɨxie meta 'ixaheritsixi meketemaika kenemɨti'aitame. Meta Yawé 'akakaɨyari temɨtahɨawekɨ tanaitɨ keneukunua.

1 Tsamuheri 15:24

Tsahuri mɨpaɨ kaniutayɨni: —Yurikɨ pepaine 'axanepɨtiuyuri. Yawé 'aitsikaya nepɨkahaye'atɨa meta 'ekɨ kepemɨnetiuta'aitɨa. Ne kuyaxi nepɨwaretimaka 'ayumieme nepɨwaranu'eni.

Memeyekɨ 12:31

Hikɨ mɨkɨ tɨkaritsie kwitɨwa Parahuni pɨtiwarutanɨ'airi Muitsexi 'Aruni mame, mɨpaɨ pɨtiwarutahɨawixɨ: «Xekeneuhuni 'ateewapai. Xekenayekɨni nekiekaritsie xeme meta 'ixaheritsixi. Yawé xekenayexeiyani, xemɨnetekɨhɨawe hepaɨ.

Memeyekɨ 9:27

Merikɨtsɨ Parahuni katiniwarutanɨ'airieni, Muitsexi 'Aruni mame mɨpaɨ katiniwarutahɨawe: —Ne hikɨ nepɨretima 'axakenemɨtiyuriene. Yawé 'aixɨa pɨtatsiyuriene, tame pɨta 'axatepɨteyurie neteɨterima teyunaitɨ.

Matsiɨkɨtɨ kemɨratɨa 11:10

Kwiepa memɨtama mepɨyutemamawieka wakaxarite mexeiyatɨ, 'imikieri mepɨyutamikwani, texaxatamete yuhutatɨ memɨwa'uximatɨakaikɨ kwiepa memɨtama.

Kuwi 13:4

Xeme matsi netsikwamanamete xekaniyɨaka, teyu'uayemawamete tixaɨtɨ memɨkateyunaki'erie xepɨhɨkɨ.

1 Tsamuheri 19:5

Kena'eriwani yutukari kemɨtiyetua piritsiteu tewiyari mɨmienikɨ, Yawé 'ixaheritsixi kaniwarupitɨani memɨtehayu'iwakɨ. 'Ekɨ matsi peniyutemawiekaitɨni pe'ixeiyatɨ. ¿Titayari Rawiri petimiemɨkɨni 'axapɨkatiyuriene?

Nɨawari 94:21

'aixɨa memɨte'u'iyari wahetsiemieme niuki 'axa'aneme memɨwewie, meta memuwakuya 'atsimemɨkate'u'iyari.

Temaiwawemete 12:8

Tewi mɨtimaiwe 'aixɨa pɨtikuxaxatsiwa, matsi kemɨ'ane 'aixɨa mɨkatiuka'iyari kanixani'eriwani.