Mateu 27:1 - Kakaɨyari Niukieya

¹ Merikɨtsɨ ximeri, yunaitɨ mawari wewiwamete tewa'aitɨwamete meta teɨteri wa'ukiyarima yunaitɨ mekaniuyukuxeɨrieni meyu'enienike Ketsutsi hepaɨtsita, memimienikɨ.

Mateu 27:1 ပူးပေါင်းရင်းမြစ်များ

Marikuxi 15:1

Hikɨ 'ukatareku kwitɨwa mawari wewiwamete tewa'aitɨwamete, 'ukirawetsixi, meta 'inɨarikɨ memɨte'ɨkitametetɨkai, meta hipatɨ 'itsɨkate yunaitɨ meyukuxeɨrieka meyu'enieka, Ketsutsi mekanehana hɨakame, Piratu mekaniyetuirieni.

Wani 18:28

Hikɨ Kaipatsi hetsɨa meheyekɨneka Ketsutsi mekani'atɨani 'itsɨkame kie, kaniuyuimuanatɨkaitɨniri. Mɨkɨri mepɨkaheutahaxɨa 'itsɨkame kiita kapa meka'itiyatɨ me'akɨnekɨ, matsi Patsikwa 'ikwaiyari memɨtekwanikɨ.

Rukaxi 22:66

Merikɨtsɨ 'ukatareku mekaniyukuxeɨrieni teɨteri wa'ukiyarima meta mawari wewiwamete tewa'aitɨwamete, meta 'inɨarikɨ memɨte'ɨkitametetɨkai, mɨkɨ mekani'atɨani memayuxeɨriekaitsie.

Mikeyaxi 2:1

Xɨa'ui kemɨ'ane xeikɨa memɨyu'iyaritɨa 'axamemɨteyurienikɨ, me'uheitɨ 'akuxi ke'axamemɨteyurienikɨ memitiwewiwa. 'Amɨtikataretsie, mɨpaɨ mepɨte'eye'atɨwa mɨkɨ tɨrɨkariya memexeiyakɨ yuhetsie.

Nɨawari 2:2

Te'aitamete mepeye'unie, 'itsɨkate Yawé mepɨkaha'eriwa meta kemɨ'ane manayexeiyarie hepaɨtsita.

Mateu 23:13

»Xɨa'ui xeme, 'inɨarikɨ xemɨte'ɨkitamete, meta xeme paritseutsixi, xemɨte'itawamete. Xepɨtewareunamiriwa teɨteri meheutahaxɨanikɨ Kakaɨyari mɨra'aitatsie, meta xemetɨtɨ xepɨkaheutahake meta mɨkɨ memanuyehaku xepɨkawapitɨa.

Nɨ'ariekate 5:21

Mɨkɨ me'u'enanaka kememɨte'utahɨawarie, tukita ximeripaɨtɨ mekaneutahaxɨani, muwa mekateni'ɨkitakaitɨni. Kepauka mawari wewiwame tiwa'aitɨwame meta mana memɨhɨritɨarie, meta wahamatɨa memu'uwakai me'u'axɨaka, 'itsɨkate yunaime 'Ixaheri xiɨyarimama 'ukirawetsixi mekaniwarutaxatɨani. Tupiritsixi mekaniwarutanɨ'ani katsariyanata paitɨ memɨwahapayukɨ.

1 Tsamuheri 19:11

Hikɨ Tsahuri Rawiri kie teɨteri kaniwarenɨ'ani, tɨkarikɨ memitahɨnikɨ 'uxa'ariekake memimienikɨ. Peru Mikari Rawiri 'ɨyaya mɨpaɨ katinitahɨawe: «Xɨka 'ikɨ tɨkariyaritsie peka'ata'una, 'uxa'a pekanimieriemɨkɨ».

'Itsɨkate 16:2

Kahatsa kiekatari mɨpaɨ mekateniutahɨawarieni: «Tsanitsuni 'ena puyeika». 'Ayumieme mekanaketɨkɨne, tɨkarikɨ mekanihupiekaitɨni kiekari kitenie. Kayuwatɨ mekaniumakaitɨni mɨpaɨ me'utiyuatɨ: «Kahekɨareyu tekanimiekuni».

Nɨawari 31:13

Yuwaɨkawatɨ 'axamekatenikuxatani nehetsiemieme: «Nekanimaka naitsarie». 'Axeikɨa metiyaxeka kememɨnetemienikɨ mekateniutaxata, mekanenimiekuni mekaniutiyuaneni.

Nɨawari 71:10

Metsɨ memɨnetsi'aye'unie nehepaɨtsita mieme mekatenikuxatani, kemɨ'ane memɨnetsihupie mekanenikuxatani.

Rukaxi 13:1

Merikɨtsɨ hipatɨ 'ana me'u'axɨaka mekatenitaxatɨani karereyatari wahepaɨtsita, Piratu mɨtiuta'aitaxɨ memɨkwi'iwakɨ mexi metemawatɨwekai.