Mateu 26:61 - Kakaɨyari Niukieya

⁶¹ mɨpaɨ mekaniutiyuani: —'Ikɨ mɨpaɨ putayɨ: “Ne nekaniyɨweni nemika'una Kakaɨyari tukieya, tawarita netitawewiwe hekwamekɨ haika tukari”.

Mateu 26:61 ပူးပေါင်းရင်းမြစ်များ

Mateu 27:40

mɨpaɨ me'utiyuatɨ: —'Ekɨ, pepika'unakekai tuki, haika tukari 'anukayayu hekwamekɨ pepitawewienikekai. Keneu'atawikweitsitɨa xɨka Kakaɨyari penu'ayatɨni, kuruxitsie kenakaye'a.

Marikuxi 15:29

Hikɨ mana memuyekɨkakai 'axamekatenikuhɨawekaitɨni, yumu'u me'utitsiketɨ, mɨpaɨ me'utiyuatɨ: —'E'e, 'ekɨ tuki pemɨka'unakekai, meta haika tukari 'anukayayu hekwame pemɨtawewienikekai.

Kitsariyaxi 53:3

Teɨteri mepinanaimakai mepɨka'inaki'eriekai, pɨtiukakukuinekai, mɨtiuka'eniwanikɨ pɨ'ayumiemetɨkai. Nixewitɨ pɨka'ixeiyamɨkɨkai, putixani'eriwaxɨ, mariweme tepɨka'eriekai.

Kitsariyaxi 49:7

Mɨpaɨ kanaineni Yawé, Tiyuwikweitsitɨwame meta Mɨpatsie 'Ixaheri hetsiemieme, mɨnanaimarie nuiwarite memixani'erie mɨpaɨ katinahɨaweni, ti'uximayatame kuwexinaruritsixi wahetsiemieme: «Te'aitamete mepɨmatsixeiya 'ana 'amepɨti'uni, memanuyetei memetsixeiyame 'ana mepakatutsitaxɨani, Yawé hekɨ, 'Ixaheri hetsie Mɨpatsie, yamɨtikamie meta mɨmetsi'anayexei».

Nɨ'ariekate 22:22

Hikɨ teɨteri yumɨiretɨ Papuru mekani'eniekaitɨni kepaukari mɨkɨ niuki mutaxa, 'ana karima meputihiwaxɨ mɨpaɨ me'utiyuatɨ: «Kwiepa ke'umaweni. 'Aixɨa pɨka'ane mɨkɨ tewi 'ayenieretɨ muyeikani».

Nɨ'ariekate 18:13

Mɨpaɨ me'utiyuatɨ: —'Ikɨ tewi yuri katiniwa'eritɨaka teɨteri Kakaɨyari memayexeiyanikɨ 'inɨari niukiyari kemɨkahaine.

Nɨ'ariekate 17:18

Hipatɨ 'Epikureyutsixi meta 'Etsituikutsixi temaiwawemete mekaniti'eiyarɨmekaitɨni. Hipatɨ mɨpaɨ mekaniutiyuanekaitɨni: «¿Titakuta tixatanikeyu 'ikɨ niukiwiwame?» Hipatɨta mɨpaɨ mete'utiyuanekai: «Wa'atɨtɨ kakaɨyarixi xaɨtsie miemete puwakuxata». Mɨpaɨ mekaniutiyuanekaitɨni Papuru Ketsutsi niukieya 'aixɨa manɨyɨne mukuxatakaikɨ, meta mɨkite kememɨte'anuku'uni.

Wani 9:29

Tame tekatenimaika Kakaɨyari Muitsexi mutahɨawixɨkɨ. Matsi 'ikɨ hepaɨtsita 'atsitepɨkatemate hakewa memieme.

Rukaxi 23:2

'Ana menitsutɨani me'ixanetatɨ mɨpaɨ me'utiyuatɨ: —Te'iku'iwawiyatɨ 'ipaɨ tekatenimaika, kwamanarika wewietɨ tiniwa'ɨkitɨaka tateɨterima, pɨkawapitɨa memɨteyukutuayanikɨ Tsetsaxi kuwiyexinuya hetsiemieme, mɨpaɨ kanaineni kename heitserie 'upitɨarie Kɨritsitutɨtɨ, ti'aitame yuxatatɨ.

Mateu 26:71

Hikɨ mɨkɨ kaneyani kitenie hepa, xewitɨta kanixeiya 'uka, mɨpaɨ katiniwarutahɨawe mana memɨti'ukai: —'Ikɨtatsiere Ketsutsi natsaretitanaka hamatɨa kaniuyeikakaitɨni.

Mateu 12:24

Peru, paritseutsixi me'u'enanaka, mɨpaɨ mekaniutiyuani: «'Ikɨ kakaɨyarixi 'axamemɨ'anene puwarayenɨ'awa Weheritsewu tɨrɨkariyayakɨ, kakaɨyarixi 'axamemɨ'anene tiwa'aitɨwame».

2 Te'aitamete 9:11

Kepauka Kehú mɨwayetɨa yu'iwama kuyaxi wa'ukiyarima wahetsɨa nuanike, xewitɨ mɨkɨ mɨpaɨ katinita'iwawiya: —¿Kereyɨ? ¿Ketita rayexeiyakai mɨkɨ ruku? Kehú mɨpaɨ kaniutayɨni: —Xemeri 'ari xepimate meta xekanimaikari kemɨtiuxaxata.

1 Te'aitamete 22:27

Mɨpaɨ xeketeniwaretahɨawi kename mɨpaɨ nehaine meke'enutahɨani mɨkɨ tewi, nitixaɨtɨ mepɨkateheimikwani paa xeikɨa meta haa, kepaukake ne nemakunuani 'aixɨa nereu'erietɨ.

Tsutɨarika 19:9

Peru mɨkɨ mɨpaɨ mekatenita'eiya: —Mana keneukuye'a. 'Ikɨ 'ena pɨkakiekame, hikɨta tati'aitɨamɨkɨ. Hikɨtsɨari matsi 'ekɨ kwinimieme 'axatekamaniyuriekakuni 'ena mɨtiyehane pemɨkawatauniekɨ. Hikɨ Ruti mekaneukutaima hurawa kitenie mekaniuti'uni 'itupari meheu'unake.

Mateu 26:62

Hikɨ mawari wewiwamete tiwa'aitɨwame 'anukukeka mɨpaɨ katinitahɨawe: —¿Pekatitaniuni 'ahepaɨtsita? ¿ketitayari mɨya mete'utiyuane 'ikɨ 'ahepaɨtsita?

Mateu 27:5

Hikɨ tukita heitaxɨrieka tumini kaniwayeyani, heyaka kaniuyukawieni.

Marikuxi 14:58

—Tame tekani'enieni 'ipaɨ haineme: “'Ikɨ tuki mamakɨ muwewiya nekanika'unamɨkɨ, meta haika tukari 'anukayayu xeimeta nekanitawewimɨkɨ mamakɨ kawewiyakame”.