Mateu 26:56 - Kakaɨyari Niukieya

⁵⁶ Peru naitɨ 'ikɨ mɨya pɨtiyɨni, maye'anikɨ Kakaɨyari niukametemama kememutiyua 'utɨarika xapayaritsie. Hikɨ teyɨ'ɨkitɨwamete yunaitɨ mekaniku'eirieni meta mekaniyuta'una.

Mateu 26:56 ပူးပေါင်းရင်းမြစ်များ

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

Wani 16:32

Neuxei tukari kanaye'amɨkɨ, kanaye'aniri, kepauka xemɨtaxɨriyaxɨani yuxexuitɨ yukie. Xepɨnetsiku'eirieni nexaɨtame. Matsi nexaɨtame nepɨka'uyeika, ne'ukiyari nehamatɨa puyeika.

Mateu 26:31

Mana Ketsutsi mɨpaɨ katiniwarutahɨawe: —'Ikɨ tɨkaritsie, xeme yunaitɨ xepɨnetsiku'eirieni, mɨpaɨ mɨre'uxakɨ: »“Nepimieni muxatsi wahɨweme, hikɨ muxatsi mɨwa'ɨwiyakai mekanitaxɨriexɨakuni”.

Mateu 26:54

Peru xɨka mɨpaɨ netiuyurieni, ¿kehepaɨ raye'ani 'utɨarika meuyewetse 'ipaɨ mɨtiyɨni manuyɨne?

2 Timuteu 4:16

Matɨari nehetsiemieme nemutaniutsie, nixewitɨ neheima pɨka'utanua, yunaitɨ mepɨnetsi'uku'eiri. Merikɨte wahetsie pɨkatiuhɨiwani mɨkɨkɨ.

Nɨ'ariekate 1:16

mɨpaɨ Pekuru katiniwarutahɨawe: «Ne'iwama, kaneuyewekaitɨni 'utɨarika maye'anikɨ, meripaitɨ kemutayɨ 'Iyari Mɨtiyupata, Rawiri mɨpaɨ 'utayɨku Kura hepaɨtsita, mɨkɨ kemɨ'ane mɨwarewitɨ Ketsutsi mɨwiyarienikɨ.

Mateu 26:24

Yuri Tewi kenemɨtitewa, nepɨyemie nemɨmierienikɨ kemɨre'uxa nehepaɨtsita, perutsɨ xɨa'ui kemɨ'ane mɨnetsiyetuani Yuri Tewi nehɨkɨtɨme. Matsi 'aixɨa kani'anenikeyu xɨka ka'utinuiwake mɨkɨ tewi.

Hiwerika 4:20

Meta kaniuwiyarieni ti'aitame Yawé menayexei, mɨkɨ hetsie tetewiyatɨ temu'uwakai. Mɨkɨ pɨhɨkɨtɨkai hetsiena mieme mɨpaɨ temutiyuanekai: Mɨkɨ 'etɨriyayatɨa te'u'uwatɨ nuiwarite watsata tepu'uwani.

Tanieri 9:26

haika tewiyari heimana huta tsemanayari 'anukayayu, 'ana ti'aitame manayexeiyarie tukarieya kaninawaiyariemɨkɨ. Mɨkɨ karekakiekaritɨ kaniyuhayewamɨkɨ meta tuki muyepatsie kahexeiyatɨ, karikɨ xewitɨ ti'aitame kananutikemɨkɨ mɨkɨ kanika'unamɨkɨ. 'Imatɨrieka tukari pɨkatixemaritɨani, wiyeri mɨtiyuhautsitɨwa hepaɨ, mekwi'iwatɨ pɨkatihayewarieni kepaukake kuyaxa meutipare.

Nɨ'ariekate 2:23

'Ikɨ kaniyetuiyani yamɨraye'anikɨ Kakaɨyari mɨpaɨ timaitɨ, matɨaripaitɨ, kaneiyenɨ'ani mɨyetuiyanikɨ, teɨteri 'axateyuruwamete xetewaruta'aitɨaka xekaniwiya, kuruxitsie xe'ikawieka xekanimieni.

Tanieri 9:24

»”Haika tewiyari heimana tamamata tsemanayari mepupitɨarie 'ateɨterima meta 'akiekari mɨpatsie para memɨtehayewakɨ 'axameteyurietɨ, memitawaunikɨ memɨteheuyehɨwiyarienikɨ ke'axamemɨte'uyuri, memitsutɨanikɨ kemɨtiheitserie meteyurietɨ yuheyemekɨ, kepemɨtiunierixɨ meta 'uxa'a warie kemɨtiyɨni kepemɨtiutaxatɨarie maye'anikɨ, meta patsiekame memayeitɨanikɨ tukita Waɨkawa Muyepatsietsie.

Kitsariyaxi 44:26

Nete'uximayatsiriwamete waniuki nepaye'atɨwa meta netupiritsixi waniuki nepaye'atɨwa. Ne mɨpaɨ nekanaineni Kerutsareme tawarita kiepa kanayeimɨkɨ, kiekarite Kura kwieyaritsie miemete kananukakitsiemɨkɨ, mu'u'uni 'aixɨa kaniti'itɨariemɨkɨ.

Tsutɨarika 3:15

'Ekɨ kuu 'ukamatɨa xepayuye'unieka, meta 'aniwema 'uka niwemama wahamatɨa, 'uka nu'aya xewitɨ pumatikwinitɨani 'amu'utsie, 'ekɨta pepɨtikwinitɨani keputsayatsie».

Mateu 21:42

Hikɨ Ketsutsi mɨpaɨ katiniwarutahɨawe: —¿Xekate'ekaterɨwawawe 'utɨarika xapayaritsie: »“Mɨkɨ teté memitixani'eri kii wewiwamete mɨkɨ teté 'itsikina mieme kanayani, Ti'aitame mɨya katiniuyurieni, meta kanimariweni ketemɨte'ixeiya”?