Mateu 26:41 - Kakaɨyari Niukieya

⁴¹ Xekenetaneniereni, xekeneyunenewieka kapa 'axaxete'uyurienikɨ xemɨta'inɨatsienitsie. Xe'iyari kaniyuwaɨriyani, peru xewaiyari matsi puwerani».

Mateu 26:41 ပူးပေါင်းရင်းမြစ်များ

Rukaxi 22:46

Mɨpaɨ katiniwarutahɨawe: —¿Titayari xetekutsu? Xekenanuku'uti xekeneyunenewieka kapa 'axaxete'uyurienikɨ xemɨta'inɨatsienitsie.

Marikuxi 14:38

Xekenetaneniereni, xekeneyunenewieka kapa 'axaxete'uyurienikɨ xemɨta'inɨatsienitsie. Xe'iyari kaniyuwaɨriyani, peru xewaiyari matsi puwerani».

'Epetsutari 6:18

Naimekɨ xekeneyunenewieka xekenewawirieka. Yuheyemekɨ nenewieri xekenepitɨaka 'Iyaritsie xetewiyatɨ. Mɨpaɨ xemɨteyuriekakɨ, xekeneyɨhɨtɨaka, yemekɨ xepɨkatehayewani xe'iwawirietɨ Kakaɨyari yunaime teɨterimama wahetsiemieme.

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

Rukaxi 21:36

Xekenayeneniereni 'aixɨa, yuheyemekɨ xeyunenewietɨ para xemɨyɨwawenikɨ, Yuri Tewi hɨxie xemaye'axɨanikɨ xetawikweme 'uximatɨarikatsata 'umɨramie».

Matsiɨkɨtɨ kemɨratɨa 16:15

«Neuxei yumarima, tinawayame hepaɨ nekaninuamɨkɨ. 'Aixɨa pɨ'itɨarieni kemɨ'ane mɨyɨhɨtɨa, mɨha'aritsie yu'ixuriki mɨkawaune, kapa mawetɨ 'uyeikanikɨ meta yutewiyatɨ».

1 Kurinitutari 16:13

Xekenayeneniereni. Yuri xete'erietɨ xekeneti'uka, xepɨkamamaka meta xekenetɨrɨkawini.

1 Pekuru 5:8

Xekeneyuta'eriwani meta xekenayeneniereni. Xeneɨkixiwi kauyumarie pɨkuyeika maye mahiwa hepaɨ 'ikuwaunetɨ kemɨ'ane mɨtakwanikɨ.

1 Kurinitutari 10:13

Teɨteri kememɨte'inɨatsie xeikɨa xekateni'inɨatsieka xeme. Kakaɨyari matsi yakatinikamieni kemaine. Mɨkɨ pɨkaxepitɨani xemɨ'inɨatsiekakɨ kexemɨkateyɨwawe. Xe'inɨatsiekaku matsi kanixepitɨamɨkɨta kexemɨtewikwekakɨ, xepitɨatɨ xemɨyɨwawenikɨ xete'uka'eniwatɨ.

2 Pekuru 2:9

Kaniyɨweni Ti'aitame mɨwatawikweitsitɨanikɨ mɨkɨ Kakaɨyari memayexeiya kepauka memɨta'inɨatsieni, pɨyɨweta mɨkɨ heitseriemekɨ yamemɨkatekahu mɨwata'ɨwiyakɨ wa'uximatɨatɨ, 'itsɨkame 'arike mɨwata'iwawiyakɨ.

Mateu 24:42

»'Ayumieme, xekenayeneniereni 'atsixemɨkatematekɨ kemɨ'ane tukaritsie munuani xekutsiyari.

Matsiɨkɨtɨ kemɨratɨa 3:10

Neniukitsie yapemɨtikatɨakɨ petiuka'eniwatɨ nehepaɨ, neta nepɨmatsi'ɨwiyani kepauka tukari maye'ani kwiepa naitsarie, kepauka kwiepa memɨtama memɨ'inɨatsieni.

1 Pekuru 4:7

'Ariri kanehuraniri naitɨ yamɨraye'anikɨ. 'Ayumieme xekeneyunenewieka 'aixɨa 'anemekɨ xetemaiwawetɨ xekeneyɨaka, mɨkɨkɨ xeyɨkɨhɨawetɨ.

Rukaxi 22:40

Hikɨ muwa heta'aka mɨpaɨ katiniwarutahɨawe: «Xekeneyunenewieka, kapa 'axaxete'uyurienikɨ xemɨta'inɨatsienitsie».

Karatsiyatari 5:24

Mɨkɨ Kɨritsitu Ketsutsi hetsɨa memɨmiemete, kuruxitsie mekanimieni yuwaiyari, mete'uhayewaka kememɨteyumaikai yuwaiyaritsie metewiyatɨ.

1 Kurinitutari 9:27

Matsi newaiyari nepɨkuwaya. Nepɨnemaxiuta kapa ne'utixani'eriwakɨ ne, netiwarutaxatɨaku hipame.

Mateu 25:13

Ketsutsi mɨpaɨ kaniutayɨni: —'Ayumieme nepaine, xemeta xekenayeneniereni 'atsixemɨkatematekɨ kemɨ'ane tukaritsie kemɨ'ane hurayaritsie munuani.

Nɨawari 119:32

'A'aitsika huyeyari 'utɨma nekaniunautsarɨmeni, 'ekɨtsɨ waɨkawa nemɨnekɨhɨawenikɨ pekaneniupitɨani.

Mateu 26:38

Hikɨ mɨpaɨ katiniwarutahɨawe: «Ne'iyaritsie kwini mieme nekaninehiwerieka, mɨkɨkɨ nekanimɨximeni. 'Ena xekeneuyuhayewa meta xekenayeneniereni nehamatɨa».

Nɨawari 119:1

'Aixɨa mekani'itɨarieka kemɨ'ane huye 'aixɨa mɨ'ane 'utɨa memuhu, Yawé 'aitsikaya kemaine mɨpaɨ memɨte'u'uwa.

Xumatari 8:3

'Inɨari niukiyari kemɨkatiyɨwekai, kemɨtiweranikai temɨteɨterikɨ, Kakaɨyari pɨta kanenutahɨani tita 'axamɨti'ane kememɨteyurie teɨteri wahepaɨ mete'u'iyaritɨ. Kanenutahɨani yuniwe heyenɨ'aka teɨteri 'axamemɨteyuruwa wahepaɨ 'aneme, heiyenɨ'aka tita 'axamɨti'ane hepaɨtsita.

Rukaxi 11:4

'Axaketemɨte'uyuri ketatineuyehɨwirieka, tameta temɨtewareuyehɨwiriekaku mɨkɨ 'axamemɨtatsiyurie yunaime. Pepɨkatatsipitɨaka temɨta'inɨatsienikɨ”.

Rukaxi 8:13

Makutetexiyatsie miemete, mɨkɨ mekanihɨkɨtɨni memitanaki'eri niuki meyutemamawietɨ me'u'enanaka, peru mɨkɨ mepɨkahananatɨka. Yatewimekɨ yuri mekateni'erieka, peru kepauka memɨta'inɨatsienitsie mekatenikuhayeikawani.

Nɨawari 119:117

Nehetsie kenenuaka, ne mɨpaɨ netiwikwetɨ, yuheyemekɨ 'ana 'a'aitsikatsie yanepɨtikamieni.

Nɨawari 119:115

Xekeneutayeixɨa, 'axaxemɨte'u'iyari, ne Kakaɨyari 'aitsikaya nepaye'atɨani.