Mateu 26:40 - Kakaɨyari Niukieya

⁴⁰ Hikɨ teyɨ'ɨkitɨwamete mematitekaitsie kaninuani, kaniwarutaxeiya mekutsume. Mɨpaɨ Pekuru katiniutahɨawe: «¿'E'e xekateyɨwawekai tsikere xeihurayari xemayeneniereni nehamatɨa?

Mateu 26:40 ပူးပေါင်းရင်းမြစ်များ

Marikuxi 14:37

Hikɨ kaninuani teyɨ'ɨkitɨwamete mematitekaitsie, kaniwarutaxeiya mekutsume. Mɨpaɨ Pekuru katiniutahɨawe: «Tsimuni 'aku, ¿petikutsu? ¿Pekatiyɨwekai pemayeniereni xeihurayari?

Rukaxi 22:45

Kepauka mɨtiutahayewaxɨ yunenewietɨ 'anukukeka teyɨ'ɨkitɨwamete wahetsɨa nuaka mana kaniwarutaxeiya mekutsume hiwerikakɨ.

Mateu 26:43

Tawarita kepauka munua, kaniwarutaxeiyata mekutsume, memɨkayɨwawekaikɨ memayeneniereni kutsikɨ.

Rukaxi 9:32

Merikɨtsɨ Pekuru hipatɨta hamatɨana memu'uwakai yunaitɨ mekanikutsukaitɨni, kwini mieme mekateneukutsikukaitɨni, me'anutaneniereka mekanixeiya witsi'aneme, 'ukitsi mekaniwaruxeiya yuhutame 'auriena meti'ukame.

Mateu 26:35

Pekuru tawari mɨpaɨ katinita'eiya: —Tsepanetɨ meuyeweka 'ahamatɨa nemɨmierieni, nepɨkaneku'imawani kename nekamatsimate ne'utaitɨ. Meta hipatɨta teyɨ'ɨkitɨwamete yaxeikɨa mekaniutiyuani.

Mateu 26:38

Hikɨ mɨpaɨ katiniwarutahɨawe: «Ne'iyaritsie kwini mieme nekaninehiwerieka, mɨkɨkɨ nekanimɨximeni. 'Ena xekeneuyuhayewa meta xekenayeneniereni nehamatɨa».

Mateu 25:5

Hikɨ neneɨkeme mɨkanuawekaikɨ, yunaitɨ mekanekakutsikutɨkɨne hikɨ mekaneukutsu.

1 Te'aitamete 20:11

Peru 'Ixaheri kwieyaritsie ti'aitame mɨpaɨ katiniuta'ani: «Mɨpaɨ xeketenetahɨawi mɨpaɨ pɨkarekwikani 'akuxi karayu'iwawetɨ».

'Itsɨkate 9:33

Ximeri tau haneyu, kiekaritsie pekaniye'amɨkɨ. Kepauka Kahari mayeyani metsitamienike, 'ekɨtsɨ kemɨmatinake yaketineuyuri».

Kwikari 5:2

Ne nepukutsukai, matsi ne'iyari payenierekai. Hikɨ xeime niuki nekaniu'enieni. 'Uki neminaki'erie kitenie kanatawekaitɨni. «Ne'iwa 'uka nemɨmatsi naki'erie, witsipemɨti'ɨimari nekukuru, keneneupitɨa nemeutahanikɨ. Nemu'utsie haɨtsikɨ nepumu'uhawi, tɨkarikɨ mieme hawiriya nekɨpatetsie panakaxɨrɨwe».

Mateu 26:41

Xekenetaneniereni, xekeneyunenewieka kapa 'axaxete'uyurienikɨ xemɨta'inɨatsienitsie. Xe'iyari kaniyuwaɨriyani, peru xewaiyari matsi puwerani».