Mateu 26:2 - Kakaɨyari Niukieya

² «Xeme mɨpaɨ xepɨtemateri, huta tukari peuyewetse Patsikwa 'ixɨarariyari maye'anikɨ, meta Yuri Tewi nehɨkɨtɨtɨ nekaniyetuiyamɨkɨ kuruxitsie nemɨmierienikɨ».

Mateu 26:2 ပူးပေါင်းရင်းမြစ်များ

Wani 18:2

Kura miyetuanikekai muwa kanemariekaitɨni, mɨixa Ketsutsi teyɨ'ɨkitɨwamete wahamatɨa muwa memɨyukuxexeɨriwakaikɨ.

Wani 11:55

Merikɨtsɨ huriyutsixi wa'ixɨarari Patsikwa mɨtitewa kanahurakaitɨni. Yumɨiretɨ 'etsimɨyeyeutsie kiekatari mekanekɨne Kerutsareme 'ixɨarari katsutɨariewekaku 'akuxi memɨyu'itienikɨ.

Mateu 17:22

Merikɨtsɨ meyuxeɨrietɨ Karereyatsie, mɨpaɨ katiniwarutahɨawe Ketsutsi: «Yuri Tewi kenemɨtihɨkɨ, nekaniyetuiyamɨkɨ teɨteri wahetsɨa.

Wani 12:1

Hikɨ 'ataxewi tukari heuyewekaku Patsikwa maye'anikɨ, Ketsutsi Wetaniya kaninuani hakewa Ratsaru manukatei, Ketsutsi menukuketɨa mɨkite watsata.

Wani 2:13

Merikɨtsɨ huriyutsixi wa'ixɨarari Patsikwa mɨtitewa kanahurakaitɨni, Ketsutsi Kerutsareme kaneutiyune.

Rukaxi 22:15

Hikɨ mɨpaɨ katiniwarutahɨawe: —Kwinimieme nepihiwe'eriekai xehamatɨa 'ikɨ 'ixɨarari 'ikwaiyari nemɨkwanikɨ nekatikwiniwetɨ 'akuxi.

Mateu 27:4

mɨpaɨ 'utaitɨ: —'Axanepɨtiuyuri nemiyetuakɨ tewi hetsiena mɨkarahɨiya, xuriyaya mɨtayeurienikɨ. Mɨkɨ mɨpaɨ mekatenitahɨawe: —Tame mɨkɨ tepɨkateha'iwawa, 'ekɨri katini'amaiyatɨni.

Memeyekɨ 34:25

»Kepauka tewa mawariyari xemɨnetsiwewirieni, xuriyayatsie tikuxanariyame xepɨka'enutinɨitɨwani. »Muxa Patsikwa 'ixɨararipa mieme pɨkayukuhayeikawani 'uxa'arieka mieme mayanikɨ.

Mateu 10:4

Tsimuni (yuteɨterima wahetsie munuakai), meta Kura 'Itsikariutitanaka 'arike Ketsutsi mɨyetua.

Wani 18:32

Mɨkɨkɨ mɨpaɨ katinaye'ani Ketsutsi niukieya, kemutainekai kemɨtimɨnikekai tikuxatatɨ.