Mateu 2:7 - Kakaɨyari Niukieya

⁷ Hikɨ Herurexi temaiwawemete kaniwaruta'inieni 'awie. Kaniwaruta'iwawiya heitseriemekɨ kepauka muyuhekɨataxɨ xurawe.

Mateu 2:7 ပူးပေါင်းရင်းမြစ်များ

Nɨawari 55:21

Yuteta witsimepɨte'eniuriɨkɨ wiya witsima'ane hepaɨ, peru yu'iyaritsie 'imieri xeikɨa mepuku'eriwa. Waniuki witsipɨ'ane hatseiti hepaɨ, peru 'ixipara mataxikakauni mepɨhɨkɨ.

1 Tsamuheri 18:21

mɨpaɨ katiniu'erieni: «Neniwe nepiwitɨtɨani mɨpaɨ nemɨtiwiniyakɨ, piritsiteutsixi memimienikɨ wakwinekaku». Hikɨ Tsahuri Rawiri tawarita mɨpaɨ katiniutahɨawe: —Hikɨri nemune pekanayeimɨkɨ.

Memeyekɨ 1:10

Hikɨ tekateniwata'aitɨakuni waɨkawamekɨ tetemaiwawetɨ, xɨka mɨpaɨ tekate'uyurieni matsi waɨkawa mepɨtamɨire, xɨka kuyaxa hayani, memɨtatsi'aye'unieta pɨta mekanakɨnikuni, metatsi'a'iwame mekaniyehuni 'ikɨ kwieyaritsie».

Matsiɨkɨtɨ kemɨratɨa 12:15

Hikɨ kuu 'amɨtimariwe 'ukaratsi mɨkuweiyanekai hatuxame hepaɨ pame haa kananatihayani 'ukaratsi manuhautsitɨanikɨ.

'Inɨatsie 24:17

»Nekanixeiyani, peru hikɨ 'akuxi hawaikɨ, nekanixeiyani, peru 'ahurawa hawaikɨ. Kakuwu xuraweya kananatinemɨkɨ, xewitɨ ti'aitame 'Ixaheri hetsie kananukukemɨkɨ. Muhawi mu'uya kanitapɨnamɨkɨ meta Tseti niwemama wamu'ute.

Mateu 2:1

Merikɨtsɨ Ketsutsi Wereni paitɨ hetinuiwaku Kureya kwieyaritsie, kepauka Herurexi mana mɨti'aitametɨkai. 'Ana yukwiepa meheyekɨneka temaiwawemete tayeta mepayenexɨa, kiekaritsie Kerutsareme mekaniu'axɨani,

Mateu 2:8

Hikɨ kaniwarenɨ'ani Wereni paitɨ, mɨpaɨ tiwarutahɨaweka: ―Mana xekenehu, heitseriemekɨ xekeneti'iwau nunutsi hepaɨtsita. Kepauka xemeitaxeiya yaxekeneteneutahɨawi, manata ne neminenewiyamiekɨ.

Mateu 2:16

Hikɨ kepauka mɨtiutamari Herurexi kememɨte'ikwamanaxɨ temaiwawemete, kwinimieme katiniuyeha'ani. Hikɨ katiniuta'aita tɨɨri memɨwakwinikɨ yunaime huta wiyari memɨkahɨtɨka 'akuxi, Wereni memɨtitekai meta naitsarie 'auriena memɨtitekai, kememɨte'itahɨawixɨ temaiwawemete tukari hepaɨtsita.

Nɨ'ariekate 24:22

Hikɨ Perixi heitseriemekɨ katinimaikaitɨni mɨkɨ huye hepaɨtsita. 'Ayumieme mɨpaɨ katiniwaruta'eiya: —Ritsiyaxi kuyaxi tiwa'aitɨwame nuayuke, xeniuki hepaɨtsita yanepɨtixetahɨawe.