Mateu 2:2 - Kakaɨyari Niukieya

² mɨpaɨ me'utiyuatɨ: ―¿Hakewari peka Huriyutsixi teɨteriyari tiwa'aitɨwame metinuiwaxɨ? Tame xurawe tepexei 'anatineximekaku, tepu'axɨa nenewieri te'ipitɨanike.

Mateu 2:2 ပူးပေါင်းရင်းမြစ်များ

'Inɨatsie 24:17

»Nekanixeiyani, peru hikɨ 'akuxi hawaikɨ, nekanixeiyani, peru 'ahurawa hawaikɨ. Kakuwu xuraweya kananatinemɨkɨ, xewitɨ ti'aitame 'Ixaheri hetsie kananukukemɨkɨ. Muhawi mu'uya kanitapɨnamɨkɨ meta Tseti niwemama wamu'ute.

Keremiyaxi 23:5

Yawé mɨpaɨ kanaineni: «Tukari kanamieni, kepauka Rawiri nuiwarieyatsie xeime 'aixɨa tiuka'iyarime nemanukuketɨanikɨ, mɨkɨ katinita'aitamɨkɨ timaiwetɨ 'ikɨ kwieyaritsie, yakatiniyurienemɨkɨ tita mɨtiheitserie meta 'aixɨa mɨti'ane.

Matsiɨkɨtɨ kemɨratɨa 22:16

»Ne, Ketsutsi, neniuki tuayame nekanenɨ'ani mɨpaɨ mɨtixehekɨatɨanikɨ hakewa xemeyutixexeɨriwa. Ne nana nekanihɨkɨtɨni Rawiri hetsie nemɨyenuiwaxɨ, xurawe mɨxawatɨ ximeri paitɨ manatineika».

Tsakariyaxi 9:9

Waɨkawa keneyutemawieka, neniwe 'uka Tsiyuni. Keneutahiwani temawierikakɨ, neniwe 'uka Kerutsareme. Neuxei, mana pamie 'ahepa meti'aitɨwame, heitserie yamɨtikamie, tiyuwikweitsitɨwame meta mariwetɨ mɨkahayuyeitɨwa. 'Akanamieni puxutsie 'anakaitɨ, puxu temaikɨ hetsie, puxu 'ukaratsi nu'ayatsie.

Kitsariyaxi 60:3

Nuiwarite mepuwitɨkieximeni 'axawatɨriya mexeiyatɨ, meta te'aitamete, 'ahekɨariya ximeri mieme mexeiyatɨ.

Wani 18:37

Piratu mɨpaɨ katinitahɨawe: —Kaukatsɨ peti'aitame 'ekɨ. Ketsutsi mɨpaɨ katinita'eiya: —'Ekɨtsɨ mɨpaɨ pekaniutaineni kename ne ti'aitame nehɨkɨ. Ne 'ayumieme nekaniutinuiwa, 'ayumieme kwiepa nekaninuani, nemɨtitahekɨatakɨ tita yuri mɨraine hepaɨtsita. Yunaitɨ yuri mɨraine hetsiemiemete mekaneni'enieka ne'utaniukame.

Hepɨrayutsixi 1:6

Matsi tukari hepaɨtsita tikuxatatɨ kepauka kwiepa mi'atɨani yumatɨari mɨpaɨ pɨta kanaineni: «Yunaitɨ Kakaɨyari hetsɨa miemete niuki tuayamete meke'eyexeiyani».

Rukaxi 23:38

Meta mu'uya heima mekaneimani 'utɨarika, mɨpaɨ pɨre'ukai: «'Ikɨ Huriyutsixi Tiwa'aitɨwame Kanihɨkɨtɨni».

Rukaxi 23:3

Hikɨ Piratu mɨpaɨ katinita'iwawiya: —¿'Ekɨ huriyutsixi teɨteriyari tiwa'aitɨwame petihɨkɨ? Mɨkɨ mɨpaɨ katinita'eiya: —'Ekɨtsɨ mɨpaɨ pekanaineni.

Nɨawari 2:6

«Ti'aitame nekananukakeni Tsiyuni nehɨri mɨpatsie hetsie».

Wani 5:23

yunaitɨ 'aixɨa memɨtehehɨawenikɨ nu'aya, yaxeikɨa 'aixɨa kememɨtehahɨawe hepaɨ 'ukiyarieya yuniwe meyenɨ'a. Kemɨ'ane nu'aya 'aixɨa mɨkarahɨawe, mɨkɨ 'ukiyarieyata 'aixɨa pɨkarahɨawe meiyenɨ'a.

Wani 1:49

Natanaheri mɨpaɨ katinita'eiya: —Ti'ɨkitame, 'ekɨ Kakaɨyari pekaninu'ayatɨni, 'ixaheritsixi tati'aitɨwame pekanihɨkɨtɨni.

Rukaxi 19:38

—'Aixɨa ke'itɨarieka Ti'aitame 'umamie Tati'aitɨwame hetsɨa miemetɨtɨ. —Taheima 'aixɨa meketeyuxeiyani, wapaitɨ witsimeke'utiyuaneni.

Rukaxi 2:11

'Ikɨ tɨkaritsie tiyuwikweitsitɨwame kanetinuiwa xehetsiemieme, Rawiri kiekariena katineyɨni, Kɨritsitu kanihɨkɨtɨni, Ti'aitame kanihɨkɨtɨni.

Keremiyaxi 30:9

Yawé, yukakaɨyari xeikɨa xepɨte'uximayatsirieka, meta Rawiri, tixe'aitɨwame nepayeitɨani.

Nɨawari 45:11

Ti'aitame witsikepemɨti'ɨimari kamenihiwe'erieka, mɨkɨ meti'aitɨwame kanihɨkɨtɨni, hɨxiena kenanakatutsita.

Wani 9:38

Mɨkɨ mɨpaɨ kaniutayɨni: —Yuri nepɨti'erie, Ti'aitame 'aku. Hikɨ 'ukatunumakeka nenewieri kanipitɨani.

Wani 19:19

Meta Piratu 'inɨari kaniuta'utɨani, kuruxitsie kaneimani, mɨpaɨ katine'ukaitɨni: «Ketsutsi natsaretitanaka huriyutsixi tiwa'aitɨwame».

Wani 12:13

Parapa mamateya me'uhapatɨ mekanekɨne meheinakiyuka, mɨpaɨ mete'uhiwatɨ: —Ketaneutawikweitsitɨa 'aixɨa. —'Aixɨa ketikɨhɨawarɨwani kemɨ'ane Ti'aitame hetsɨa miemetɨtɨ 'umamie hepaɨtsita. —'Aixɨa ketikɨhɨawarɨwani 'Ixaheritsie Ti'aitame hepaɨtsita.

Mateu 27:11

Merikɨtsɨ Ketsutsi kuwexinaruri hɨxie kani'atɨarieni, mɨkɨ mɨpaɨ katinita'iwawiya: —¿'Ekɨ huriyutsixi teɨteriyari tiwa'aitɨwame petihɨkɨ? Ketsutsi kayuku'imawatɨ mɨpaɨ katinita'eiya: —'Ekɨ metsɨri mɨyapenaine.

Wani 20:28

Tumaxi mɨpaɨ katinita'eiya: —Neti'aitɨwame meta nekakaɨyari 'aku.

Mateu 21:5

«Mɨpaɨ xeketenetahɨawi Tsiyuni mɨrakutewa kiekame: “Neuxei, mati'aitɨwame 'ahetsɨa kanamieni, tixaɨtɨ karayuyeitɨatɨ meta puxutsie 'anakaitɨ, puxu temaikɨ hetsie, ti'ikatɨariwame nu'ayatsie”».

Mateu 2:3

Kepauka ti'aitame Herurexi mɨtiutamari kaniuyeha'ani, meta yunaitɨ Kerutsareme kiekatari.