Mateu 2:13 - Kakaɨyari Niukieya

¹³ Merikɨtsɨ mehekɨnekuri mɨkɨ, Kutse yuheinɨtsita Ti'aitame hetsɨa mieme niuki tuayame kaniuxeiya, mɨpaɨ katinitahɨawe: «Kenanukukexi, keniwaranuwitɨki nunutsi meta maamaya, 'Ekipitu paitɨ xekeneuyuta'una. Mana xekenekuteni, kepaukake yanemɨtayɨni. Herurexi nunutsi kanitiwaumɨkɨ 'imienike».

Mateu 2:13 ပူးပေါင်းရင်းမြစ်များ

Nɨ'ariekate 12:11

Hikɨ Pekuru yutamaixɨaka mɨpaɨ kaniutayɨni: «Hikɨrixɨa yurikɨ nepɨretima Ti'aitame yuniuki tuayame meyenɨ'a mɨnetsitawikweitsitɨanikɨ, Herurexi mɨkanetsimienikɨ meta huriyutsixi yunaitɨ kememɨteta'ikwewakai».

Nɨ'ariekate 10:7

Hikɨ niuki tuayame tiutaxataka heyaku, Kuxineriyu yuhutame yunɨ'arima yu'aurie pɨwarutahɨawixɨ meta kuya Kakaɨyari mayexeiyakai, memiparewiekai yuheyemekɨ.

Nɨ'ariekate 5:19

Matsi tɨkarikɨ niuki tuayame Yawe hetsɨa mieme katsariyanata pɨreuyepiexɨa, pɨwaranuyewitɨ.

Mateu 2:12

Hikɨ yuheinɨtsita mete'utaxatɨarieka kename Herurexi hetsɨa tawari mekaheuhuni, xeime huyeyari 'utɨa pɨta me'uhutɨ yukwiepapai mekanakunuaxɨani.

Mateu 1:20

Merikɨtsɨ mɨpaɨ tiku'eriwakaku, hikɨ Ti'aitame hetsɨa mieme niuki tuayame kaniuxeiya yuheinɨtsita mɨpaɨ 'utaineme: «Kutse 'aku Rawiri pemɨnu'aya, pepɨkamaka Mariya pemɨtiwitɨnikɨ 'a'ɨya mayani, 'Iyari Mɨtiyupata ya'ane 'ipitɨaku, hetsiena pɨyeya 'ikɨ nunutsi.

Memeyekɨ 1:22

Hikɨ Parahuni mɨpaɨ katiniwaruta'aitɨani yuteɨterima: —Yunaime tɨɨri 'ukitsi hepɨrayutsixi hapa xekeniwareukaxɨri memɨtinunuiwa. 'Ukari xekeniwarehayewa.

Mateu 2:16

Hikɨ kepauka mɨtiutamari Herurexi kememɨte'ikwamanaxɨ temaiwawemete, kwinimieme katiniuyeha'ani. Hikɨ katiniuta'aita tɨɨri memɨwakwinikɨ yunaime huta wiyari memɨkahɨtɨka 'akuxi, Wereni memɨtitekai meta naitsarie 'auriena memɨtitekai, kememɨte'itahɨawixɨ temaiwawemete tukari hepaɨtsita.

Kuwi 33:15

Heiwa tekutsukaku taheinɨtsita, heiwata yɨwikɨta katatinixeiyatsitɨaka, kepauka yemekɨ kwi tekutsukaku, yatɨni kepauka herie temɨtikukutsu ta'utatsie,

Kuwi 33:17

mɨtatsipatakɨ 'axaketemɨteyuriekɨ meta temɨtehayewanikɨ teyuta'ɨretɨ,

Kutsuhexi 4:18

mɨkɨ mekananatikɨne tɨratu kakuniyari me'akwetɨ. Kepauka wakikɨa memɨti'ui, haa kananuyeyeurieni, 'uhanetɨ kanayani hutarieka.

Matsiɨkɨtɨ kemɨratɨa 12:14

Hikɨ 'ukaratsi kaniupitɨarieni ma'anatɨkanikɨ kwixu 'amɨnena hepaɨ, makumawetsie paitɨ manuwienikɨ yuhuyeripa, mana kuu 'amɨtimariwe mɨka'ixeiyakɨ, hakewa xeiwiyari mɨremikieka, 'ariketa huta wiyari, 'ariketa merie wiyari.

Nɨ'ariekate 16:36

Hikɨ tihɨweme Papuru mɨpaɨ katiniutaxatɨani: —'Itsɨkate mɨpaɨ mekateneta'aita xemɨtixɨnarienikɨ. Hikɨtsɨari xekenehu, xeka'uximatɨarietɨ.

Nɨ'ariekate 10:22

Mɨkɨ mɨpaɨ mekatenita'eiya: —Kuxineriyu xeitsienituyari kuyaxi mɨtiwa'aitɨwame tatsiheyenɨ'aku tepeyekɨ, mɨkɨ heitseriemekɨ yapɨtiyuriene meta Kakaɨyari kanayemakaxeni, yunaitɨ huriyutsixi mekaneyemakaxekaitɨni. Kakaɨyari niukieya tuayame mɨpaɨ katinita'aitɨani 'ekɨ kiena pemɨmiekɨ, mɨmatsi'enienikɨ niuki 'ekɨ pemitaxatɨanikɨ.

Nɨ'ariekate 7:19

Mɨkɨ kwiepa ti'aitame tateɨterima pɨtiwa'itaiyakai. Waɨriyarika pɨwarupitɨa tatutsima 'ɨtsita memɨwareku'eirienikɨ tɨɨri memutinunuiwaxɨ, memɨkwinikɨ.

Mateu 10:23

Kepauka xemayeweiyarieni xeime kiekariyaritsie, xeimetsie pɨtata xekeneyuta'una. Yurikɨ mɨpaɨ nepɨxerahɨawe, kiekarite 'Ixaheri kwieyaritsie miemetetsie xeka'ayenɨwawekaku nepunuani, Yuri Tewi kenemɨtihɨkɨ.

Kutsuhexi 3:17

Hikɨ mawari wewiwamete tɨratu kakuniyari Yawé hetsiemieme memukweiximekai Kurutani hixɨapa mekaniwa'uni, mexi me'anukɨkakai 'ixaheritsixi 'ayewakikakɨ.

Matsiɨkɨtɨ kemɨratɨa 12:6

Hikɨ 'ukaratsi kaniuyuta'una makumawetsie paitɨ, hakewa Kakaɨyari meikuha'aritɨiri mana me'ɨwiyariekakɨ xeimiriyari heimana huta tsienituyari heimana haika tewiyari tukari.

Kutsuhexi 4:10

Mawari wewiwamete haa hixɨapa mekaniye'ukaitɨni kakuni memakwekai naime 'aixɨa mete'uyuriekake Yawé Kutsuhexi kemɨrahɨawekai. Mɨpaɨ katiniɨyɨni Muitsexi Kutsuhexi kemɨrahɨawekai. Teɨteri meyumexɨitɨatɨ mekananukɨne.

Kutsuhexi 3:13

Kepauka memaka'uni hapa Kurutani hetsie mawari wewiwamete Yawé naitsarie kwiepa mɨti'aita kakunieya memukweixime, haa mana puyuhayewaxɨani ka'uhanetɨ manutanaka hepaɨ».

Matsiɨkɨtɨ kemɨratɨa 12:4

Yukwaxikɨ kaniwaranakahapani xurawetsixi muyuawitsie hairiekatsie xeime, kwiepa kaniwareukaxɨrieni. Kepauka 'ukaratsi mɨtiniwerɨmekai, kuu 'amɨtimariwe hɨxiena kaniuhuni nu'aya kwaimɨtɨ.

Mateu 2:22

Merikɨ tiutamarieka kename 'Arikerau ti'aitametɨkai Kureya kwieyaritsie yupaapa hetsiemieme Herurexi, peumakai mana mɨye'anikɨ. Mɨpaɨ Kakaɨyari katinitahɨawe heinɨtsitana, Karereya kwieyaritsie pɨta kenemie,

1 Te'aitamete 3:5

hikɨ mana kutsukaku Yawé heinɨtsitana kaniuyuhekɨata mɨpaɨ katinitaxatɨani: —Kenetineutawawiri tita mɨmatinake nemɨmatiminikɨ.

Mateu 2:14

Hikɨ 'anukukeka Kutse, yɨwikɨta kaniwarewitɨni nunutsi meta maamaya 'Ekipitu paitɨ.

Nɨ'ariekate 12:7

Yapauka Ti'aitame niukieya tuayame mana kaniutakeni. Kiita paitɨ pukumerɨkaxɨ. 'Akitana 'iwaka Pekuru kananutahɨtɨani mɨpaɨ rehɨawetɨ: «Xeiya kenanukukexi». Tepɨa puxɨnixɨa Pekuru mamateyatsie.

1 Te'aitamete 11:17

Peru Harari, 'ana 'akuxi temaikɨ hɨkɨtɨtɨ, kaniutayuni 'Ekipitu paitɨ hipame paratsiyuta te'uximayatamete 'erumitsixi warawitɨtɨ paapaya memɨparewiekai.